Blood on your Door Post

Blood on your Door Post

Dr. Dongzathawng
Devotional # 159 (Fellowship of Thirsty Souls and Hungry Hearts)

A hepina jiah a tulai khawvel shi thei jauhuai hibang lai a damtah a hing thou sah, ihinna hing belap sah, jingkal pha hing mu sah i Pa Pasian minphat kawm in jingpha ka hing bawl hi.

Hibang hun hoilou, manthaina hi-in khawvel pumpi a jiallai a ji leh ta toh inkuan kim a, hunnop mu thei liailiai te’n Pasian kung a every second counts ahilam itheilou ding jauhuai hi. Tuni Shillong lam ah gua niim in Van niim hi. Lockdown um tou jel. Tate niteng a home work uh ei a nu leh pa te’n gimpi huai mama.  Tulai ka laibu thah ding ka buai pisanlai tah hi. Hing na thumpi jel un aw. Tuahleh Zoom meeting zong apaisa Pasian ni in 2 tah ka host a tualeh  hattuam zooming  khat ah ka pang hi. Sunni tum in screen mai ka-et himai hi. Nitahlam in ka lutang pohkeh deh tah, ka mit leng khe dehtah hi. Nitah lam in buai mama in ka loinu’n hoideu in balm toh a hing jutpia leh hing hoi dohta ing.

Mangpa’n himi message na sim chiang in A aw hing Jasah tahen!

Tuni Topic: Blood on your Door Post

Text: Exodus 12: 7 And they shall take some of the blood and put it on the two doorposts

Vs 13 “Now the blood shall be a sign for you on the houses where you are. And when I see the blood, I will pass over you; and the plague shall not be on you to destroy you when I strike the land of Egypt

Tulai covid 19 apat kiven bitna ding a damdawi hatpen leh covid 19 sang a juau huai leh hatjaw “Setan leh dawi te apat kivenna hoi pen gen va ui.”

Tulai in Joseph Prince laibu the Prayer of Protection kichi Pslam 91 pumpi verse by verse a ki hilchian sermon thupi tah ahi a, thupi in nop mama hi. Tulai natna pat leh, I tate niteng a Pasian humbitna thumpi ding dan toh kisai ahi. Gen ding tampi umnanleh simjou nailou ka hi jieh in awl gen mai vai. Ahiin himi ka gel lai a ka phattuampi mama khat ahileh Joseph Prince laibu gel ma Grace Revolution ahi. piangthah khanglai jousie’n sim leh ka-ut hi. Ama’n sisan powerful dan agenna ah Egypt a Plague 9 in a jaw lou khu Sisan in khatvei thu in jou hi chi hi. Pharo lungtang khau mama gotna or gamna chi 9 in a khal joulou, a suhnem joulou khu Belam sisan in kapsah in jawi sah top hi. Ajiehpen tua belam sisan khu i Tanpa uh Jesu sisan etsahna ahi. Asisan tahtah hilou nalai hi. Tunin eiten a Sisan tahtah i ut hunhun ua apply thei ding in hamphatna ineita uhi. O Sisan pha sisan pha! Tuami khu I Mangpa’n annsiang neh teng in ka sisan Na dawn uhleh “ana dawn gige un” chiin hing vai hah hi.

Sisan manphat dan theibe utte’n Philip Yancy leh Dr Paul Brand laibu “In His Images” sim hoi hi adiah a piching lam te’n. Thupi in thuuh hina mai e Pasian im mihing tahsa pum asiam dan. Hijong tunai a ka simjoupan laibu hijel e. Laibu sim ka advance sih hi. Sawt pi lai a ka leisa simlou a kikoite ka nung sim panpan jel hi. Amau gendan in sisan manphat dan Dr te mai in athei ding hilou hi chi uhi.

Tunin covid -19 na jau leh adih hi na jau ding ma ahi. Ahiin na ji natate abitna ding in na kot biang ah himi Sisan jingkal teng in tat gige in... Pasian Vansolsiang in amu chiang in ahing peel ngal ding hi. Himi ka gel lai in ka innei pa uh vuiding ka hi uhi, hinanleh curfiew ahi jieh in Hanmual ading DC pa apat Gari Pass ka la ua lampi ah koi police sapte’n jong check khau nanleh dal theilou uhi.

Jerocho kulpi baang thupi tah a, aki puhlai in sisan chiamtena khaujang neukhat in Rahab leh a inkuan teng bitsah hi. Chiamtena sisan maimai bawn ahichi hat leh atahtah Sisan a chiamte khum nang leh kei bang jatah a bit ita uai?

Kot mai hilou in A sisan toh na paipaina ah dai ki kai khum in. Na tate a pot chiang Himi sisan thekhum in lan himi sisan toh cover bawl in. Himi sisan toh na puanbuh, na inhuang teng tuam (fencing) khum in lan na inn gate sisan toh taat in. Adiah a covid 19 sang a jauhuai jaw khu Setan leh a dawi hagau gilou te ahi uhi. A maute’n na inn sung a na tanoute, na ji leh nang ma hing dugaw in hing bulu sawm sawm uhi.

Na kim na pam ah panmun khaw in hing attack sawm jing hi. Ama ua dia wanted na hi. Ahiin himi Belamnou sisan na kot ah tat pou le chin na huang mawng hing nai ngamlou ding uhi. Dawite’n “eh ka lutlouna ding ah valutkha deh ing e” chin ling in sijau in jau in taimang ding uhi.

Psalm 91 i gengen uh sun a manthaina, jan a hii langte’n na teenna hing naingamlou ding hi. Sisan a mu chiang un Setan in nai ngamlou in dawite jau in si tai in tai uhi.

Sisan toh chiamte mihing leh sisan ki tat khum inn khu Van apat Volunteer special Force te’n a guard uh ahi. Ajiehpen natpi chi 9 ten a jaw joulou khu sisan in nop tah in khatvei thu in chai hi.

Mailam a Gulpi lui Dragon in a sepaite toh leitung pumpi a soisah chiang ua a jaw but lou ding hon khat um hi. Tua group te khu Sisan hatna jangte ahi ihi. Tua mihang sante’n Dragon tung ah gualjou in lasa ding uhi. Bang jiah a gualjou ding uh? Belamnou sisan leh a jawna uh testimony kamteng toh jou uhi (Rev 12: 11).

Tuni’n i gal u khu covid mai hilou a, hisang a i hagau kumtawn a dia gumang thei leh susie thei melma inei uhi. Khumi Dragon bawn Belamnou sisan toh jaw thei ahileh tulai tomkhat natna maimai khu i Tanpha Jesu sisan ading in a neep talua hi. Ahi’n nang inn sung pa in na insung bitna ding a Belam sisan na inn gate leh na gamgi leh na kot biang a taat khu na mawpuah ahi. Na bang chi taat ding? “by the word of his testimony” Na kamteng a na puankhiah na gen khiah ding khu a taat ding dan ahi.

Psalm 91 khu tulai mijousien i dei uhi ahiin vs 2 ah i will say of the Lord chi hi. Bang e na gen khiah ding?? Pasian hina muanhuai dan khu na gintat leh na muan leh na ngaitua mai hilou a na kam a “na gen khah a, na puankhiah” ngai a hi.

Na MLA pa ngaisang leh muang mama na pi khatvei beh mi mai ah na kam in na muan dan, na gup dan puang kha sih le chin meaningless ahi. Nang pen na hina puang khe ngamloupa na hi ding hi.

Egypt a Israel tate manthaina in jankimlai a, a velai un a insung ua umdidan kigente ajui ban uah,

a Inpua ua sisan ataat bang un tulai kikep ding dante nelsiah tuanlou ding, hinanleh a poimaw pen khu na kotbiang a belam sisan na taat ding mang hil sin. Innsung a umdan ding teng jui ma lechin kot biang a sisan na taattuanlou leh abitlou sa na hi.

Mangpa Jesu sisan khu tuni’n virus apat leh melmapa apat i bitna uh hing hisah ta hen!