HINMAN UMLOU NA KISAKHA ZEL EI? Part - II
HINMAN UMLOU NA KISAKHA ZEL EI? Part - II
WAY2GOD
Article masa "HINMAN UMLOU NA KISAKHA ZEL EI? Part - I" nung etkia zual vai. Part - I na a igennuam pentah uh ahi leh leitung
idamlai sung un eima hoilouna, mitmawna, Pasian thu jui utlounate ziahin
hahsatna ituah leng ua, thamlou in HINMAN UM KISANONLOUNA tanchiang
bang ituahkha leng uhi. Hinanleh bangtobang hahsatna tuahnanlei, potkhia a
Pasian toh kilepthahna bawlthei zing ahi chi itheita uhi. Hinanleh
apotkhiat dan pen silnuam ahisih a, si-le-si, dam-le-dam chia zumna teng,
gentheina teng, thuahpum a potkhiat ngai ahidan zong itheita uhi. Tampen
itopic uh huzaap tu ahizing ding hi. Tuni'n khelna addict apat enjual va
ui.
Mihing pen ahun bangjel a nungta ding a silsiam ahiziahin kizom a sotdeu
ibol sil pen kizongsang thei hi.
eg. jingkaal ni 10 vel kizom a ithobai leh ani 11ni chiang in alarm
ngainon seselou in a thohun paahngai ah ikhanglou mai ding uhi.
Mihingte tambang a, ahun bangjel a nungta ding a Pasian in ang siam ahi
man in, zu-le-sa, khamthei-guithei, tahsa utna a ana ki bualkhate'n ut
hunhun a khawl hiau thei chinan uleh khawllou in a zongsang utzaw mama
uhi. Tambang a tahsa kithunun a, Pasian deilou leh ahoilou silte bawllou
ding a eima leh eima naahtah a iki control lou leh pen maban chu zongsang
(addict) ahi mai hi.
Theidia poimaw kasat mama khat ahi leh, mitamtahte a sil hoilou bawlna
uapat khawlthei ding ahi lai un, ut hunhun a khawlthei hina chin akhawl
sih ua, ang addict tah chiang un khatvei kikheel ahita a, tuahun chiangin
khawl ut mama in khawl didan nasatah in angaituah panpan uhi. Ut hunhun a
khawlthei hi ichi laitah khu khawl hunlaitah ahinuam zaw hi. Silhoilou
bawl sal a taang (addict) tamtahin kisiamphat na ding in nasatahin a
struggle ua tuachi'n Pasian maipha mu ding in aki geel nalai uhi, Pasian
maipha imu di uai?
Bang chi ki level pan e?
Na lawmte toh taang (hill) na kal uhi. Na lawmte pen lampi kibawlsa khat
azui uhi'n nangpen lampi zuilou in hampa lah, ling lah, khau lah ah na pai
hin hahsa nasa mama mai hi. Atawp ah hi mamasih eh chi'n na lawmte lampi
nang zawt leh na lawmte a vuum (top) ana tungmanta uhi. Tuachi'n kinaw tah
in nang tai thaw hin a vuum nang tung khongkhongta hi. Na lawmte toh te in
nang pen na gim diah mama hi tuapen bangdang ziah hilou, lamdihlou nava
zawtkhaah ziah ahi. Na lawmte sangin naahtah in gimdiah zole cin zong a vuum
ah level khat (same level) na hipan giap uhi.
Dawnna: I gitlounate uapat si lou giap in khenkhat ipotdoh zou hamham ua, khenkhat
in i si lawh uhi, tambang ziah a genthei ithuahnate khu,
chi thei vai. Tekhinna ban et vai:
1. No.4 addict khat si dehdeh ahiziah in, a innkuante'n sum a lakh a
lakh a seng in rehab center ah
akoi ua, tuachi'n ama pa zong Pasian hoina zaal in kisiahin Pasian ah
ang piangthah ta hi. Gintatlou pi in ang damdoh kheta hi. Ang damdohtah
in a gentheinate leh hasa pumpum a apanlaah dante leh a sum leh pai
seengteng uh ziahin Pasian kipaah mama in van ah kipahman/nuamman tampi
sang ding in angaituah hi. Pasian akipaah diai? Tamte ziahin nuamman
asang diai?
Dawnna: A silhoilou bawl tawpsan a Pasian ah apiangthah ziahin kumtawn
hinna piah ahi. Hinanleh a gitlou ziah a gentheinate leh ahahsatnate
ziahin kipahman amu tuam sih ding a, hinanleh lamdih zui apoimaw dan leh
ahoi dan thei ahipan giap hi. Tuaziahin, hinkhua hoi ang zat toutou leh
tua hun apat a silhoibawlte ziahin kipahman alamdohpan ding hi.
Aziahpen, eima gitlouna ziah a gentheina, zumna, kingaisiatnate in
Pasian kipahna apiangsah sih hi. Hinanleh, Pasian deibang bawl ziah a
gentheina, zumna, hahsatnate in Pasian kipahman apiangsah zawbou hi.
Pasian kipahna khuh ahi eite kipahna, damna, hatna, hinnate khu.
Na khelna a huaisiat ziahin Pasian in zong hing ngaidam ut sihva (or
ngaidam zou sih va) chi vaya lachin zong, Mangpa'n kang ngaidamta achi
leh na mawna huaisia tah apat asiang na hi mai hi. Thamlou in Pasian
in chinglou sasa in a program a tel ding (a na sem ding) a ang
teel/sawl khiat leh ka chitsih hi chisin, chitlou chia na guitam veve
leh Mangpa mai a KINGAINIAMNA DIHLOU nei na hi zaw hi chi kithei in. Tuaziahin tami thei in: Mangpa'n hun
peisa leh, tuhun leh mailam hun a mihingte (including you and i)
khelna zousia angaidamta hi
. Tuaziahin koipouma a khelnate ziahin gawtmun a pai ding ahi non sih
a, hinanleh Mangpa'n ang tatna, ang sawpsiangnate gingtalou a pawm
utloute khu siamloutansah ahi a, tam siammaw tansahna ziahin gawtmun
pai ding ahi zaw bou uhi
.
Hebrew 10:12, 14
12 Hinanleh Aman (Jesu'n) kumtawn a
ngamden (senden) dinga khelnate ding a kithoina khat alat nua in,
Pasian ziatlam ah atouta hi
14 Aziahpen Aman sillat khat in asuhsiengthousate kumtawn a dingin asubukimta hi.
14 Aziahpen Aman sillat khat in asuhsiengthousate kumtawn a dingin asubukimta hi.
John 3:18; cf.Romans 8:1
Jn.3:18 Ama gingta pouma siammaw tansah
in a um sih a, hinanleh agingta lou pouma siammaw tansah zou ahita,
Pasian Tapa tangkhat neisun min agintat lou ziah in.
Romans 8:1 Khrist Jesu a um a, khelna dan zuilou a, Hagau dan a, umte ding in siammaw tansahna mawngmawng a um nawnsih hi.
Romans 8:1 Khrist Jesu a um a, khelna dan zuilou a, Hagau dan a, umte ding in siammaw tansahna mawngmawng a um nawnsih hi.
Na silhoilou bawl ziah a na gentheina te, na lungkhamna te in reward
hing pelou ding hi, hinanleh kisiah a Pasian lunglam nang suipat chiang
in Pasian kipahna huang ah na lutpan zobou ding hi. I gitlouna ziahin
sithei ding khop hahsatna ithuahkha leng uhi, hinanleh Pasian in
ngaidamzawlou bangma anei sih hi. Khuziahin si-le-si, dam-le-dam na
saltanna apat hing pot khia in ahoilam silte toh hing panpi ding in
Pasian in mansa diam in ang ngaah zing hi. Na lungtang zousia toh Pasian
a na kipiahkhiat khu silpoimaw ahizaw hi.
Dai dide in um in len Mangpa muangin tuachi'n Mangpa'n apoimaw teng
a bawl na ding hi
.
Exodus 14:14
Mangpa'n nou a dingin ahing doupiah dinga, noute lungmuong tahin um
un.
Akiah lam chiang in eima khelziah hilou, Pasian program theisiamlou
ziah a gentheinate ziah a
HINMAN UMLOU KHOP A KIGEELNA LAM
en vai....
Simtu tengteng Mangpa'n hing malsawm chiatta hen.
No comments