SOUL REST
SOUL REST
Pastor Dongzathawng
Devotional # 46 ( vol 3)
Fellowship of Thirsty Souls and Hungry Hearts
Thirsty souls member te Topa Thupha!
Tukal pumpi hing umpi a, tuni weekend hing musah Pasian min thupi ta hen!
Tuni Topic: “SOUL REST”
“Truly my soul finds REST in GOD; my salvation comes from HIM”
" Yes, my soul, find REST in GOD; my hope comes from HIm” ( 62:1,5)
Janni tah VISION LAMKA te saina in prgom thupi tah jaw ahi ta a. Ken zong ka hun hoitah in ka jang thei a, ang uap leh tha hing pia teng kung ah kipah thu ka hing gen hi.
Kal paisa pen gim huai sa mama ing. Himi hun a ding a Slide ka buai pi ban ah ka tate school work niteng in etkai pi ding um a, ama uh sang in kigim jaw. Aziehpen ka loinu zong exam lai tah ahijieh in ka lel mama hi.
Dam leh jing ah hun 2 ka nei kia a, nang thumpi uh ka poimaw jing hi. Ang uap utte ngai hi jing.
Tujing kal suti nahnah chuh ka ta a liante gel pui khia in walking ka va pai ua, jing kal huisiang ka va diih uhi. Nop na mai e…
Tu in tawldam kawm in himi message ka hing giel hi. Tu kal sung a Pasian hoina te kipa ensahna in alopna in himi message in ki kum vai.
i thupi uh SOUL REST chi umjie khu hinkha kichai a RIP china hilou hi chithei masa vai.
I la in agen bangin “Leitung nuntakna khat vei leh nopna, khatvei leh sehnel bang gam bang, cimawh beidong in, damlo zawngkhal in, khat veivei lametna bei kisa’ng” a chi bang in akal chiang gim huai tawl huai . Ahivangin tawldamna ding hun kimulou hi. .
I Pasian uh hoi in mihing te khu ni 6 tan na sem jou giap ding in limit hing bawl sah hi. Ni 7 sung a ni 1 i tawl damlou leh I tahsah in joulou ding dan in hing na siam hi. Khujieh in siam tah leh pil tah in a ni 7na khu Sabath rest ni in hing na siam sah hi. Ama zong tawldam hi.
Mitampi in himi ijuilou jieh in hospital ki juanjuan hi. I tahsa in a jaw tan um hi. A limit um a siam ihi. I tahsa in jaw val i sepsah ciangin hospital ki tung hi. Tawldam ding in.
Tuabang a, Itahsa in tawldamna “REST” a poimaw bang in i lungsim in zong tawldamna poimaw hi. Tahsa tawldam chin touna tung leh lupna tung ah MOBILE jan khang tantan mehmeh lei lungsim tawl damlou ihi jing hi. Tahsa tawldam a lungsim tawldamlou khu hoilou jaw na lai hi.
Ahii tunia SOUL REST I chi khu tahsa leh lungsim leh hagau tawldam kigawm ahi.
Psalm gialtu in a hinna Pasian kung a tawldam tah a umdan thuguh thei hi. Mihingte tahsa leh lungsim leh hagau tawldam theilou a trade mill/engine bang a ki beibei, ki jialjiel khu a tawldam theina mun um sun khu Pasian angsung ahi. Pasian angsung umjie khu Pasina umna mun ahi. Pasian umna mun khu A THU( Bible ) isim a, thumna iva nei chiang tua khu tawldamna hun leh mun ahi.
Bible sim khu kitawldamna in na nei thei tai? Thumna hun khu tawldam na hun in na la thei tai.? Thumna hun khu Psaian angsung a kitawldamna hun a na lah thei chiang thumna khu ngap la huai na sa non sih ding hi. Thumna hun khu kitawldamna i lah theilou jieh un thumna hun jat hamsa kisa a ki ngap la hi. “Thumna ding ka theilou pi. Ka gen ding bei” ichi thei hi. Mihing i bit loua, i mu peilou toh room khat ah hing kikhum khawm ki lel mama ding hi. Tua bang dan ihi gingtu tampi. Pasian toh umkhawm hamsa sa, ning kitel, gimhuai sa, biah ding dan theilou gigntute ihi.
Ahiin i itte toh hun mankhawm khu koima in hamsa leh puahgih in ngailou hi. I itte toh iki mu chiang ham sese poimaw kisa lou hi. I it i ngai pen toh hun i jat chiang hamsese ding kichi nonlou hi.
I ngainu, i it pa toh iki thua chiang i deiteng ngetna hun in ijang sih hi? I it toh ki pawlna hun khu poimaw teng ngetna hun in ki janglou hi?
Bang ding a I Mangpa Jesu leitung alen lai a hun tampi jing kal matah, khua vah ma vel a angen a muntuam a pot khia jel? Nitah lam chiang a Bangding a Olive tang lam a jawt jel? Bang ding a, a ngen a va pot mang jel? Himi khu ama hinkhua, achiin dan ahi. Bang jieh in Philip Yancey in alaibu The Jesus I Never Knew ah “Living on a planet of free will and rebellion, Jesus often must felt not at home” At such times he went aside and prayed as if to BREATHE PURE AIR from a life support system that would give him the strength to continue living on a POLLUTED PLANET” chi hi.
I Mangpa Jesu ngei in leitung alen lai in sunni tum a mite gualjawlna pia, pia, luang khia khia ahi chiang in husam leh tha bei leh, kang (dry) leh chau kisa in, mun sip lam ah ama ngen in Van huisiang va diih in, ahinna A PA kung ah va ki tawldam jel hi. Tua tawldamna apat in thahthah toh a jing chiang in ana sep jomtou jel hi. Ama ading in Pasian toh va kipawl khu tawldamna leh kisuh thahna hun poimaw pen ahi. Tua pen ngaisahlou in umlou in, ngai poimaw mama hi.
Lungsim gim, tahsa tawl ngalou ten a itte aw ajah ua, a ngaite toh a umkhawm chiang hatna thah nga jel uhi. Tuama bang in Psaian umna ah ata gim leh tawl ten tawldamna nga uhi. Tua mi tawldamna pat in a tha uh hing ki dua in hing nou thah jel hi.
Ahin gingtu tampi in ngaisahlou leh i bawl khiel uh khu tua Ama umna mun a va ki tawldamna ding hun inei sih uhi. A buai in ibuai uhi. I Tahsa uh a buai lou chiang un i lungsim ki tawldamna ding hun teng khu MOBILE i tham ua, i hagau a ding mawng mawng nikhat 24 hrs sung minute 10 zong pe joulou gingtu te i hi uhi. Hattuam leh Hagau lam na sepna buai mama in Pasian kengbul a hun jatna ding hun val umnonlou. Ama kung a kitawldamna ding hun teng i mobile un la beita hi. Khujieh in hun imu sunsun ukhu damdam a, ki tawldam a hun thawveng hinonlou in akinkin a i deiteng genna leh formality a sakhua thumna apa ngei a ibawl khu himai hi.
Tuni i changtel “Return to your REST, my soul, for the LORD has been good to you”( Psalm 116: 7) Himi chi theina ding in thupuhna leh tupna khau tah ngai ta hi. Distraction tam seng ta hi. ROOM a kot kikhah khum a i ngen a sip tah a va umna ding in thupuhna ngai hi. Nutsia ding tam talua hi. Ahiin iva kimu pi ding khu koi dang hilou in ang hing na ngah gige I hagau in a itpa, i itnu Sharon a rose pah, phaizawl a LILY pah ahilam thei lei.. thildang te nutsia hamsalou ding hi.
Ahilou leh ROOM hilou a I Mangpa Jesu bang a taang lam, mual lam, gam lah lam, juan a pot na ding a ahing naw (DRIVEN) khat ngai hi. Tuami ahing kai leh naw pen ahat mama ngai hi. Abraham Linclon in “I have been driven many times to my knees by the overwhelming conviction that I had nowhere else to go. My own wisdom and that of those about me seemed insufficient for the day”. Abraham Lincoln bang in Achang ah i hahsatna leh i lungsim puahgih in khoitah e khat a va buh khiah lou leh hithei nonlou in hing naw hi. Pasian toh munsip a iki houtheina ding mun hing suisah hi. Achang ah ikipahna luanglet in buhkhia na ding theilou in Pasian kung ah iva luanglet sah a ama iva phatphat hi. A chang chiang in ilungsim thawm hauna thuuh seng ama mai in i lungsung thuuhpen a natna khu hing thei pi giap leh kilawm in ama kung ah i khua siang hi.
Abangbang hileh I tawldamna mun khu i va nai, i va jotjot ngai hi. A juan munte mi hampha ahi.
Ajiehpen Sepai galdou ten a base uh toh akithujah tua uh poimaw hi. Ajiehpen neh leh tah galvon leh backup poimaw teng tua base apat hing kipan ding ahi. Tuajiehin eiten zong niteng leh hun tengin i base toh iki thuja tua a, Van lam huikhua iva diih a, Khawvel dang apat a tha thah, thu thah leh hatna thah iva la uh ngai hi. Another world toh connection inei hoi ngai hi. Tua khawvel dang (another world) khu na gintat sang in gamla lou hi. Nai nou ah um hi. Tua na mun sip khu na nai nou tah ah um hi. Na touna chair leh bench, na lupna gei, na varandah, na huan sung, na inn terrace, na compound, na nasepna gei, na latrine, na bath room, na lamjawtna, na office jong hithei hi.
Na ngaituana ang khatloua, na itpa, na ngaipa’n hing taisan, hing gam lat, hing houpi nonlou chi na thei a, ama nang miss a, nang poi maw hunhun khu Nang ading a na munsip, na fian rial, na biah buh nai na hita hi. Henry Nouwen in ALREADY HOME WHILE ON THE WAY” achi khu ahi.
Pasian ngai a, ama umna sui a, ama lam va nai ding a, lunggulhna nei a, na mobile te koikhia a, na bawlte nusia a, mun sip juan ding a nang kisah chiang natahsa akipat doh nailou vangin na hagau khu inn ana tung ta hi. Na pa in hing na pawmta hi. Tuabang ahi Pa in ata ana ngah la dan ana ha ngai dan..
Gingtu koi zong tahsa chau leh ba, lungsim gim leh thomhau, hagau liangvai leh liam kisa a Pasian um na lunggulh a, tawldamna tasam te kung ah i Mangpa Jesu in tawldamna pie ding in chial jing hi.
Ka Bible chang dei mama Isai 30:15 toh khaah vai. Hikhel a ka BIble chang quote mun a um de aw ka chi phial hi: “ In repentance and REST is your salvation, in QUIETNESS and Trust i is your strength. but you would have none of it”
Mangpa’n na hinna chau leh baa hun a Ama kung a va tawldam dan siam ding in hing jilsah ta hen!
Topa Thupha!
Shalom
Jing ah dam leh 11 AM ah EOC, 7 PM ah Calvary Baptist Church ah hun jang ding hing thumpi in aw. Na ut leh hing pang aw..
No comments