UPNA NASEP THEIHNA

UPNA NASEP THEIHNA
Nisim Manna

𝐁𝐮𝐥𝐩𝐡𝐮𝐡: 𝙽𝚒 𝚔𝚑𝚊𝚝, 𝚜𝚊𝚠𝚕𝚝𝚊𝚔𝚝𝚎 𝚒𝚗 𝚃𝚘𝚙𝚊 𝚔𝚒𝚊𝚗𝚐𝚊𝚑, "𝙺𝚊 𝚞𝚙𝚗𝚊 𝚞𝚑 𝚑𝚘𝚗𝚐 𝚕𝚒𝚊𝚗 𝚜𝚊𝚔 𝚒𝚗, " 𝚊 𝚌𝚒 𝚞𝚑 𝚑𝚒. 𝙻𝚞𝚔𝚊 17:5

Hih i Lai Siangtho bulphuh munah sawltakte in Jesu kiangah tuhun a mi tampite nget bangin ngetna khat nei uh hi. Tua in a upna uh a liatna ding ahi hi. Ahi zongin upna tawh kisai Jesu' dawnna in lamdangsakna piang hi. Khristiante in upna i neih pen singkung kisunglot in tuipi sungah posak zawhna dingin a kicing upna a nei i hi gige hi. Tua manin a kisam pen in upna liatna hilozaw in i upna neih pen i zatngam ding hizaw hi (v.6). Jesu in hih tungtawn a hong theihsaknop in upna i cih pen sila bangin i muh theih ding kisam hi. Silate in sep dinga kipia thute sem uh hi. Tua mah bangin upna zong sila bangin ukin, thu i piak ngam ding ahi hi.

Hih leitung mite leh thu-um tampite in upna in a nasep theihna telcian lo uh hi. A taktak in upna i cih pen i lamet khatpeuh a om takpi mah hi cih telcianna, kimu hetlo napi theihcian sinsenna hi a (Heb.11:1), hih bang upna pen a umngamte adingin tangtung takpi ahi zongin mi tampite in i ngaihsut khialh uh upna lian neih ding pen a kisam pen i sakkhakna ahi hi. Tua manin tuni in upna na neih pen zangkhia ngam in la, na tupna na mualsuah dong na upna tawpsan kei in. Na upna in na a septheihzia na muhna tungtawn in na lungdamna khang semsem ding hi.

Ki-apna: Topa aw, upna a takin ka lakkhiat ngamna dinin hong huh in. Tua dingin Jesu Khris minin kong ki-ap hi. Amen!!