THUDOH 3 of 11 Houbung sunga vaipo hon ichangeija thaneina anei dingu ham?
AMUN HOUBUNGA LHAGAOVA LAMKAI HO
Dr. Haokhothang Mate
THUDOH 3 of 11
AMUN HOUBUNGA LHAGAOVA LAMKAI HO
Amun Houbung sunga Lhagaova vaipo ho thaneina ahiloule amahon ichangeija thaneina anei dingu ham?
Elder-Bishop-pastor ho hi Christan ahoubung chunga vaipo dingin thaneina
apetai ti imutauvin ahi. Ama ho bou hi vaipo dingin thupeh akipen ama ho thu
bou ngai ding ahi. Hichea hin alang alanga chekhelna thei aumtheije ti jong
het angaijin ahi.
Upa tampin athaneina bangin na atong joupoi alang khatna upa tampin
athaneina kalvalin jong na atongun ahi.
Hijeh-a chu, abana vetdinga dei um chu upa ho thaneinan ichangei ahuop ham ti hi ahi. Athaneinau chungchang thu vang hi kinelna ding ima aum tapoi, ahin itabang thaneina aneiju ham ti bou hi hetding angaitan ahi.
Avetsahna ho
Upa hon Pathen thu hilna lam panga thuneina aneive ti hi thumun themkhatnin
kichih tah-in aseijin ahi. Avetsahnan 1 Timothy 5:17 sei dungjuijin
upa them khat Pathen thu le thuhil lam-a ponpan aumin ahi. Hebrai lekhathot
jihpan atahsan hon lamkai ho thuhil ajop dinguvin thupeh ana pen ahi
(13:17). Hiche lunggel neipum’a Paulin Timothy henga sosal-in, phohsalin,
thohhat tah-in tilkhouvin chule thuhil kichih chu hillin tia thupeh ana peh
ahi (2 Tim. 4:2). Upa hon thuhil lam pang le tahsanna lam panga thuneina
aneijun ahi.
Lhagao lam toh kimat thil dang hoa jong upa ho thuneina akipeuvin ahi. Amichang cheh hinkhoa thilsoh ho chung changa jong Pathen thu chedan lhongpi dungjuija adihpen ding thuhil ho kholtoh-a manchahna ding mopohna le thaneina jong upa hon aneijun ahi. Paulin Thessalonica tahsan chate ho henga “pakai jalin nachunguva vaihom ho chu sangtah-in jabolun” tia thupeh ana neija chu hiche thu hi alunga agel ahi (1 Thess.5:12). Hebrai 13:17 in jong hitabangma chun aseijin ahi, “nachunguva vaihom ho sei ngaijun, chule ama ho thunoija kunun”. Upa hon tahsan le chondan lam panga thuneina aneijun ahi.
Achaina-in Thulhun Thah-in hiche upa ho thaneina hi alhangpia houbung chunga aum thu aphong doh-in ahi. Achen achaijin aning akak kisei hih jong leh athaneinau hin avesui ahinau le lhagao lampanga ijakai chunga vaipo ahinauvin ahopsoh ahitai (Acts 20:28; I Peter 5:1- 2). Upa ho chu sangtah-a jabolla hepi ding ahi (1 Thessalonians 5:12-13) chule amahon jong ainsungu apoh bang banguva houbung jong apoh dingu ahi (I Timothy 3:4-5).
Thu khumkhana
Upa hon kithuneisah tah-a asetna um behseh lou thu ho changeija akikum-uva
vai ahopna dingu thaneina akipepoi. Thil neo cha cha ho le nitin chonna
khanna ho changeija khoutah-a thupeh aneidingu le athaneinau apoh dohna
dingu thaneina vang akipepove. Christianten chamlhatna aneina thei diu
dinmun ho geija upa hon amaho deisah dungjuija houbung mipi apuina diu
thuneina jong akipepove. Pathen thu toh akito louva ahileh amaho thua moh
nun nun ding jong ahidehpoi. Ama ho thuneina chu houbung le chang hinkhoa
thumopna le alhangpia houbung kivaihopna lam pang ahi.
Hijeh-a chu tahsan le chonna lam panga upa ho thutan lhah chu ngai ding ahi, ahin hiche thutan lhahna ho chu Pathen thu dungjui ahi angaijin ahi- (Acts 5:29). Hiche toh kilhon chun Bible-a kicheh tah-a kimulou thu hoa jong ama ho ngaidan leh thutan lhah chu ngaisang jep ding angajin ahi (atekah-nan, houbung kivaihop dingdan, houbung kiloikhom dingdan, chule houbung tohgon ho). Hiche chanvou phatah ahilou leh thil peh hi upahon alam hilouva aman lou dingu ahi.
Also Read
Thudoh 01Thudoh 02
Thudoh 04
Thudoh 05
Thudoh 06
Thudoh 07
Thudoh 08
Thudoh 09
Thudoh 10
Thudoh 11
No comments