NA OM NANG MUNAH NA OM HIAM?

NA OM NANG MUNAH NA OM HIAM?

NA OM NANG MUNAH NA OM HIAM?

Nisim Manna


𝘽𝙪𝙡𝙥𝙝𝙪𝙝: 𝙂𝙖𝙡 𝙙𝙤 𝙙𝙞𝙣𝙜𝙞𝙣 𝙠𝙪𝙢𝙥𝙞𝙩𝙚 𝙖 𝙠𝙪𝙖𝙣 𝙠𝙝𝙞𝙖𝙩 𝙝𝙪𝙣 𝙩𝙪𝙖 𝙠𝙪𝙢 𝙥𝙝𝙖𝙡𝙗𝙞 𝙨𝙪𝙣𝙜𝙞𝙣 𝘿𝙖𝙫𝙞𝙙 𝙞𝙣 𝙅𝙤𝙖𝙗, 𝙡𝙚𝙝 𝙖𝙢𝙖𝙝 𝙩𝙖𝙬𝙝 𝙖 𝙤𝙢 𝙖 𝙣𝙖𝙨𝙚𝙢𝙩𝙚 𝙡𝙚𝙝 𝙄𝙨𝙧𝙖𝙚𝙡𝙩𝙚 𝙠𝙝𝙚𝙢𝙥𝙚𝙪𝙝 𝙨𝙖𝙬𝙡.... 𝙖𝙝𝙞𝙝 𝙝𝙖𝙣𝙜𝙞𝙣 𝘿𝙖𝙫𝙞𝙙 𝙅𝙚𝙧𝙪𝙨𝙖𝙡𝙚𝙢 𝙖𝙝 𝙤𝙢 𝙝𝙞. 𝙎𝙖𝙢𝙪𝙚𝙡 𝙉𝙞𝙝𝙣𝙖 11:1

Tanglai kumpite in gal do ding a om ciangin amau mahmah in makai-in do uh hi (1 Sam. 8:20). Ahih hangin hih munah kumpi David in a galkap mangpa makaihna tawh a nasemte galdo dingin sawl-a, amah Jerusalem ah om hi. Kumpi David in midang zi tawh mawhna dong hong bawl theihna pen a Topa tawh a kizopna hun bangtan hiam a kipatin na hoih zo nawnlo hiding hi. Pasian tawh nisim a kizopna bawl hoihlohna in thazawmna hong tun-a, tua in i omlohna ding munah hong om sakin, i seploh dingpi hong semsak hi. 

David in Pasian thudot ding zong kisam nawnlo ding zah dongin lawhcinna hong ngah-a, amah gal do dingin a kuan kisam nawnlo ding zah in midang sawl ding hong neih ciangin tu-a bangin mawhna lampi na tawn kha hi. Mihingte adingin haksatnate sangin lawhcinna, nopsakna i ngahnate tungtawnin kisiatlawh-kipuklawh thei zaw ahih manin pilvan huai mahmah hi. Tua manin nisim in na nuamin - nadah zongin na Topa Pasian tawh kizopna hoih na bawl ding a masa pen in koih tawntung in. 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐧𝐢𝐬𝐢𝐦 𝐢𝐧 𝐧𝐚𝐧𝐠𝐦𝐚𝐡 𝐭𝐚𝐰𝐡 𝐤𝐢𝐳𝐨𝐩𝐧𝐚 𝐡𝐨𝐢𝐡 𝐤𝐚 𝐛𝐚𝐰𝐥 𝐳𝐚𝐰𝐡 𝐝𝐞𝐧 𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!









No comments

Powered by Blogger.