NA TUAHKHAK THUTE NA UP THUTE HINUAM HI

NA TUAHKHAK THUTE NA UP THUTE HINUAM HI

NA TUAHKHAK THUTE NA UP THUTE HINUAM HI

Nisim Manna


𝘽𝙪𝙡𝙥𝙝𝙪𝙝: 𝙏𝙪𝙖 𝙠𝙝𝙞𝙩 𝙘𝙞𝙖𝙣𝙜𝙞𝙣 𝙖 𝙠𝙞𝙝𝙚𝙞 𝙡𝙚𝙝 𝙅𝙚𝙨𝙪 𝙢𝙪 𝙖, 𝙖𝙝𝙞 𝙯𝙤𝙣𝙜𝙞𝙣 𝙅𝙚𝙨𝙪 𝙖𝙝𝙞𝙝 𝙡𝙖𝙢 𝙩𝙝𝙚𝙞 𝙡𝙤 𝙝𝙞. 𝙅𝙤𝙝𝙖𝙣 20:14

Hih munah Mari in Jesu ahih lam theilo hi. Lamdang hi! Bang hang huam cih leh Jesu in leitungah a nasepna ah a zui den numei bangzah lak panin hih Mari zong khat ahi hi(Lk.8:2-3). Hih Mari pen Jesu in a sung panin dawi sagih a hawl khiat saknu hi-a, Magdalena khua mi Mari zong kici hi. Sihna panin a thawhkik ciangin Jesu, hih Mari tungah na kilang masa pen hi. Tua hi-a hih Mari in Jesu thugen zong za mun mahmah hi. Tua bang hinapi Mari in hih munah amah a hopih pen huancingpa sa hi! (v.15). Tua bang a sakkhakna pen Mari in Jesu sihna panin a hinkik ding lamen hetlo ahih man ahi hi. Hih in hong phawksak pen i tuahkhak thute pen i up thute(i lamet) thute hi nuam hi. Gentehna in, Pasian in tuhun in na lamdang bawl nawnlo hi, cih a um mi na hih leh na upna na khek theih madong na lamdang na tuak kha kei ding hi. 

Tuni in Pasian tawh kisai koi bangin na um hiam? Pasian na tungah lungkim lo hi cih na theih leh Lai Siangtho in Pasian in a sanhuai-in eite hong bawl hi (Efe.1:6) a kicih hangin Pasian hoihna na mu kha kei ding hi. Pasian in nang hong kin lo bangin na ngaihsut leh Lai Siangtho ah Pasian in note ka hong nusia ngei kei ding hi (Heb.13:5) a cih hangin ama hong ompihna na phawk kha kei ding hi. 

Jesu in Mari a min tawh hong sap ciangin Jesu ahih lam theician pan hi (v.16). Tua hi-a Topa tawh mimal a kizopna hoihtak Mari in hong neihna in a tawp ah Mari mit hong kihong pan hi. Tuni in Jesu hong sapna ngai inla, amah ahihna bangin na muh cian theihna dingin ki-ap in. 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐧𝐚𝐧𝐠𝐦𝐚𝐡 𝐧𝐚 𝐡𝐢𝐡𝐧𝐚 𝐛𝐚𝐧𝐠𝐚 𝐤𝐨𝐧𝐠 𝐦𝐮𝐡 𝐜𝐢𝐚𝐧 𝐭𝐡𝐞𝐢𝐡𝐧𝐚 𝐝𝐢𝐧𝐠𝐢𝐧 𝐤𝐚 𝐡𝐢𝐡𝐧𝐚 𝐛𝐚𝐧𝐠 𝐭𝐚𝐰𝐡 𝐧𝐚𝐧𝐠𝐦𝐚 𝐦𝐚𝐢-𝐚𝐡 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!









No comments

Powered by Blogger.