PASIAN THU ZUIHNA IN MAVANNA HI

PASIAN THU ZUIHNA IN MAVANNA HI

PASIAN THU ZUIHNA IN MAVANNA HI

Nisim Manna

𝘽𝙪𝙡𝙥𝙝𝙪𝙝: 𝙃𝙞𝙝 𝙩𝙝𝙪𝙠𝙝𝙖𝙢 𝙡𝙖𝙞𝙗𝙪  𝙣𝙖 𝙢𝙖𝙣𝙜𝙣𝙜𝙞𝙡𝙝 𝙣𝙜𝙚𝙞 𝙠𝙚𝙞 𝙙𝙞𝙣𝙜 𝙝𝙞. 𝘼 𝙨𝙪𝙣𝙜𝙖 𝙖 𝙠𝙞𝙜𝙚𝙡𝙝 𝙩𝙝𝙪𝙩𝙚 𝙠𝙝𝙚𝙢𝙥𝙚𝙪𝙝 𝙩𝙖𝙬𝙝 𝙠𝙞𝙯𝙪𝙞-𝙞𝙣 𝙣𝙖 𝙜𝙖𝙢𝙩𝙖𝙩 𝙩𝙝𝙚𝙞𝙝𝙣𝙖 𝙙𝙞𝙣𝙜𝙞𝙣 𝙨𝙪𝙣 𝙡𝙚𝙝 𝙯𝙖𝙣𝙞𝙣 𝙣𝙖 𝙡𝙪𝙣𝙜𝙣𝙜𝙖𝙞𝙣𝙜𝙖𝙞 𝙙𝙞𝙣𝙜 𝙝𝙞. 𝙅𝙤𝙨𝙝𝙪𝙖 1:8

Pasian' thu ngaihsut masakin nei-a, i sep ding hong gen thute sepna in i nuntakna ah nopsakna hong guan ding ahi hi. Pasian pen eite hong bawlpa ahih banah ei adingin a hoih pen a theipa zong ahi hi. Tua manin Lai Siangtho pen "A neite khutzat(owner's manual)" ahih keileh mihingte adingin "set tawh na a bawlkhiapa lamlak (manufacturer's guide)" tawh kibang in kigenteh thei hi. Lawhcinna, mavan pen tua "khutzat" ahih keileh "lamlak" a kigelhte zuihna panin kingah hi-a, lawhsapna pen ei tum tak-a gamtatna panin a kingah ahi hi(Jer.10:23). Piter in na i kisap khempeuh Pasian i theihna tungtawnin hong pai hi, (2.Piter 1:3-4) na ci-a, Pasian i theihna in a thupi leh a manpha mahmah kamciamnate zong hong pia hi (v.4) na ci lai hi. 

Leitung in, mihingte kicinna pen na khatpeuh a guk-a koih venvan simna panin kingah hi, a cih lai-in Pasian thu-in, pia un tua hileh hong kipiak beh ding hi (Lk.6:38) ci hi. Leitung in, eimah ki thupi bawlna in lungdamna hong pia hi, a cih lai-in Pasian thu in, keima hangin a nuntakna a taan mi in nuntakna ngah ding, (Matt.10:39) ci hi. Leitung in, nong hehsak leh na si ding hi, a cih lai-in Pasian thu-in, migilote lehdo kei un (Matt.5:39) na ci hi. Pasian' thu pen zahtak huai hi! Tua manin Pasian' thu na lungsimah amasa pen ah koih a, na nuntakpih leh nopsakna in hong zui takpi ding hi. 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐧𝐚𝐧𝐠𝐦𝐚 𝐭𝐡𝐮 𝐚𝐦𝐚𝐬𝐚 𝐩𝐞𝐧 𝐚𝐡 𝐤𝐨𝐢𝐡 𝐚, 𝐤𝐚 𝐳𝐮𝐢𝐡 𝐳𝐚𝐰𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮𝐬 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!









No comments

Powered by Blogger.