SUAHTAKNA TAKTAK - Nisim Manna

SUAHTAKNA TAKTAK

SUAHTAKNA TAKTAK

Nisim Manna

𝘽𝙪𝙡𝙥𝙝𝙪𝙝: 𝙏𝙪𝙖 𝙖𝙝𝙞𝙝 𝙢𝙖𝙣𝙞𝙣 𝙏𝙖𝙥𝙖 𝙞𝙣 𝙝𝙤𝙣𝙜 𝙨𝙪𝙖𝙝𝙩𝙖𝙠𝙨𝙖𝙠 𝙡𝙚𝙝 𝙖 𝙨𝙪𝙖𝙠𝙩𝙖𝙩𝙚 𝙩𝙖𝙠𝙩𝙖𝙠 𝙣𝙖 𝙝𝙞 𝙙𝙞𝙣𝙜 𝙪𝙝 𝙝𝙞. 𝙅𝙤𝙝𝙖𝙣 8:36 (𝙕𝙎𝙑) 

Khalam saltanna panin hong honkhia thei ding Jesu cih loh kuamah omlo hi. Suahtakna taktak pen amah hangin a kingah hibek hi. Amah Pasian tapa hihna tawh mihingte tungah suahtakna piaktheihna amah bekin nei hi. Tua bang hi napi Jesu in mihingte tungah suahtakna hong piakna dingin aman ama pumpi tawh hong lei sawnsawn hi. Tu-in eite in lungmuanna i neih theihna pen aman ei lungkhamna teng a puak man hi a, eite in suahtakna i ngah theihna pen aman ei tangin hong thuaksak man ahi hi. Eite hong lei na dingin a man a piak pen thupi mahmah hi napi Jesu in a khonkhong in suahtakna hong pia hi. 

Jesu in suahtakna a piak mite kuamah in hen tangzo nawnlo hi. Satan in hong khem nuam a, ahi zongin ei lamah Topa hong pan leh kua lau ding ihi hiam? Leitung leh a sunga khemnate in hong thangsiah zongin eite tawh ompa pen hong langpangte khempeuh sangin vanglian zaw hi. 

Tua manin nang Jesu hong piak suahtakna na ngahta hiam? Na ngah nai keileh tuni in upna tawh sang in. Topa in hong suahtaksak leh a suaktate taktak na hiding hi. 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐧𝐚𝐧𝐠 𝐬𝐮𝐧𝐠 𝐛𝐞𝐤𝐚𝐡 𝐬𝐮𝐚𝐡𝐭𝐚𝐤𝐧𝐚 𝐨𝐦 𝐚, 𝐚 𝐤𝐡𝐨𝐧𝐤𝐡𝐨𝐧𝐠 𝐚 𝐬𝐮𝐚𝐡𝐭𝐚𝐤𝐧𝐚 𝐧𝐨𝐧𝐠 𝐩𝐢𝐚𝐤 𝐤𝐚 𝐧𝐮𝐧𝐭𝐚𝐤𝐧𝐚 𝐧𝐚𝐧𝐠 𝐝𝐢𝐧𝐠𝐢𝐧 𝐤𝐚 𝐳𝐚𝐭 𝐭𝐡𝐞𝐢𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!









No comments

Powered by Blogger.