THUMANNA TAWH PASIAN MAIPHA KINGAH

THUMANNA TAWH PASIAN MAIPHA KINGAH

THUMANNA TAWH PASIAN MAIPHA KINGAH

Nisim Manna

𝘽𝙪𝙡𝙥𝙝𝙪𝙝: 𝙉𝙤𝙩𝙚 𝙞𝙣 𝙏𝙤𝙥𝙖 𝙣𝙖 𝙋𝙖𝙨𝙞𝙖𝙣 𝙪𝙝 𝙩𝙝𝙪 𝙢𝙖𝙣𝙜𝙞𝙣, 𝙩𝙪 𝙣𝙞-𝙖 𝙠𝙤𝙣𝙜 𝙜𝙚𝙣 𝙖𝙢𝙖 𝙩𝙝𝙪𝙥𝙞𝙖𝙠𝙣𝙖 𝙠𝙝𝙚𝙢𝙥𝙚𝙪𝙝 𝙡𝙞𝙢𝙩𝙖𝙠𝙞𝙣 𝙣𝙖 𝙯𝙪𝙞𝙝 𝙪𝙝 𝙡𝙚𝙝 𝙏𝙤𝙥𝙖 𝙣𝙖 𝙋𝙖𝙨𝙞𝙖𝙣 𝙪𝙣 𝙡𝙚𝙞𝙩𝙪𝙣𝙜 𝙢𝙞𝙣𝙖𝙢 𝙙𝙖𝙣𝙜 𝙠𝙝𝙚𝙢𝙥𝙚𝙪𝙝𝙩𝙚 𝙨𝙖𝙣𝙜𝙞𝙣 𝙖 𝙡𝙞𝙖𝙣𝙯𝙖𝙬-𝙞𝙣 𝙣𝙤𝙩𝙚 𝙝𝙤𝙣𝙜 𝙗𝙖𝙬𝙡 𝙙𝙞𝙣𝙜 𝙝𝙞. 𝙏𝙝𝙪𝙠𝙞𝙡𝙝𝙠𝙞𝙠𝙣𝙖 28:1

Hih Lai Siangtho mun-in Pasian thu manna hangin i ngah ding hamphatna thupha hong hilh hi. Pasian thu manna ah Noah etteh huai hi. Pasian in Noah kiangah leitung tui tawh sawpsiang ding ahih manin tembaw bawl dingin sawl hi. A bawl dingzia leh a sungah a koih dingte zong gen hi. I Lai Siangtho ah Noah in Pasian cih bang lian in sem hi, kici tangtang hi (Pian. 6:22; 7:5; 8:18, 20). Noah in Pasian' gente tel-in tel ta kei leh Pasian gen bang lian in sem hi. 

Pasian thu theihna sangin thumanna hoihzaw a, biakpiakna sangin hoih zaw lai hi (1 Sam. 15:22). Tua ahih manin Jesu in, nong it uh leh kong thupiakte na mang un, hong ci hi (Jn.14:15). Noah in Pasian thu a manna tungtawnin amah leh a innkuante tuiciin panin suahtakna ngah uh hi. Tua mah bangin eite in zong Pasian' maipha i ngah theihna dingin thumanna kisam a, tua in Pasian lungsim kongkhak nangawn hong thei hi. Tua manin tuni-in hih leitung siatna panin Pasian' maipha in ngah  theihna dingin ama thu mang dingin ki-ap ni. 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐩𝐢𝐥𝐧𝐚-𝐬𝐢𝐚𝐦𝐧𝐚, 𝐧𝐞𝐢𝐡 𝐥𝐞𝐡 𝐥𝐚𝐦 𝐡𝐨𝐧𝐠 𝐞𝐧 𝐦𝐚𝐬𝐚 𝐥𝐨-𝐢𝐧 𝐧𝐚𝐧𝐠𝐦𝐚 𝐭𝐡𝐮 𝐚 𝐦𝐚𝐧𝐠𝐭𝐞 𝐭𝐮𝐧𝐠𝐚𝐡 𝐧𝐚𝐧𝐠𝐦𝐚 𝐦𝐚𝐢𝐩𝐡𝐚 𝐧𝐚 𝐩𝐢𝐚𝐤 𝐦𝐚𝐡 𝐛𝐚𝐧𝐠𝐢𝐧 𝐭𝐮𝐧𝐢 𝐢𝐧 𝐤𝐞𝐢 𝐳𝐨𝐧𝐠 𝐧𝐚𝐧𝐠𝐦𝐚 𝐭𝐡𝐮 𝐦𝐚𝐧𝐠 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!









1 comment:

  1. Neu lai a Sunday School a kijil "Obedience is the very best way to show that you believe" chi a ki sa ka feel doh vung vubg.

    ReplyDelete

Powered by Blogger.