ZE-ETNA ZAWHNA

ZE-ETNA ZAWHNA
Nisim Manna

𝘽𝙪𝙡𝙥𝙝𝙪𝙝: 𝙏𝙪𝙖 𝙘𝙞𝙖𝙣𝙜𝙞𝙣 𝘼𝙗𝙧𝙖𝙝𝙖𝙢 𝙞𝙣 𝙖 𝙩𝙖𝙣𝙜𝙫𝙖𝙡𝙩𝙚 𝙠𝙞𝙖𝙣𝙜𝙖𝙝, " 𝙃𝙞𝙝 𝙡𝙖𝙞-𝙖𝙝 𝙡𝙖 𝙩𝙖𝙬𝙝 𝙣𝙖 𝙤𝙢 𝙪𝙣. 𝙆𝙚𝙞 𝙡𝙚𝙝 𝙩𝙖𝙣𝙜𝙫𝙖𝙡𝙥𝙖 𝙝𝙪𝙖 𝙡𝙖𝙢𝙖𝙝 𝙥𝙖𝙞-𝙞𝙣 𝙠𝙖 𝙫𝙖 𝙗𝙞𝙖 𝙙𝙞𝙣𝙜 𝙪𝙝 𝙖, 𝙣𝙤𝙩𝙚 𝙠𝙞𝙖𝙣𝙜𝙖𝙝 𝙠𝙖 𝙝𝙤𝙣𝙜 𝙥𝙖𝙞 𝙠𝙞𝙠 𝙙𝙞𝙣𝙜 𝙪𝙝 𝙝𝙞, " 𝙖 𝙘𝙞 𝙝𝙞. 𝙋𝙞𝙖𝙣𝙘𝙞𝙡𝙣𝙖 22:5

Pasian in Abraham kiangah a tapa neihsun Isaak meihal biak piakna in a piak ding sawl hi. Nu le pa tampite in ei si-le-sa panin a piangkhia ta khatpeuh i itluat manin tua bang biak piakna dingin kiphal lo ding hi. Tua tham lo in Isaak pen Abraham adingin Pasian kamciam hi a, a teek khit kum 27 a ngak zawh ciangin a ngah hilai hi. Abraham adingin Isaak pen a lametna kingakna ahi hi. Tua bang hi napi Abraham in Pasian a itna leh a kipumpiak ngamna pen a lamdamgpi ahi hi. 

Pasian sawlna mangin Abraham in a paipih a nasemte kiangah a gen thu ciamteh huai hi: Kei leh tangvalpa (Isaak) hua lamah pai-in kava bia ding uh a, note kiangah ka hong pai kik ding 𝘂𝗵 hi, " ci hi. Abraham in Isaak a nungta in amah tawh ciah kik ding, cih thei hi! Hih thu Hebrew 11:19 ah Abraham upna hong kigencian hi: Pasian in mi sisa nangawn hing kiksak thei ding hi, cih um a..... Abraham in Isaak pen Pasian kamciam ahih manin, tua kamciam a tangtunna dingin Isaak a nuntak kisam ahihna thei hi. Tua in ze-etna tungah a gualzawhna hi. 

Tuni in eite in zong i upna hong kize-et den hi. Tua ze-etna tungah i gualzawhna dingin muanlahna, a sialam ngaihsutnate omsak lo-a, Pasian' thu bek mah i mitsuan-a, i ngaihsutna in ze-etna tungah hong gualzo sak ding hi. 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐧𝐚𝐧𝐠𝐦𝐚 𝐭𝐡𝐮 𝐛𝐞𝐤𝐦𝐚𝐡 𝐬𝐮𝐧 𝐥𝐞𝐡 𝐳𝐚𝐧𝐢𝐧 𝐤𝐚 𝐥𝐮𝐧𝐠𝐠𝐮𝐥𝐡 𝐩𝐞𝐧 𝐚𝐡𝐢𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!