A THUCHIAMTE MUANG VEVE NI

A THUCHIAMTE MUANG VEVE NI

A THUCHIAMTE MUANG VEVE NI

Nisim Manna


Bulphuh: Akam a thupiehte a kipat in ka pielmang sih a, akam a, athupawtte khu gou bangin ka na kikhol zaw a, ka nisim anneh sangin manpha kasa zaw hi. Job 23:12. 

Tahasa lem leh hagau lam ah gawh na ki sa ei? Mi koipou ama thahatna leh ama silbawltheina a, aki ngah chiangin tahsalam leh hagaulam ah gawh kisa uhi. Tuaziahin, nousuahna-tuisuahna na hinkhua ah nei na ut leh Mangpa thuchiamte tung bou ah kinga zaw in. Bangchi'n Mangpa thuchiamte tung bou ah iki nga thei diai?

I hinkhua ah buainate, hahsatnate kituah leng hi, hinanleh tuate pen pichinna hing tuntu ana hizaw uhi. Tuaziahin buaina-hahsatna na tuah chiangin Mangpa thuchiamte ah muang in len, nang ki buai sah sin. Aziahpen tambang hahsat hun ah na theiphaah kheel lam ah Mangpa'n nang a ding in na sem thamtham hi.

Ngai in, Job in zong hahsatna atuahlaitah in ama utna zuilou in, Pasian thuchiamte muangin zui kinken hi. Thamlou in hichi'n achi hi, "En vawi, Aman [Mangpa'n] kei hing that hilhial nanlehzong, Ama ah ka lam etna ka koi nalai ding hi" achi va yah hi - Job 13:15. Pasian tambang a amuanna in anei masat sang a tamzaw in Pasian in phungvuah hi.

Tamma bang in Pasian in ang taisanta na chi hun in zong Ama a na muanna beisah sinlen muang veve in, Mangpa'n hing manghil lou, hing nuse ngeilou ding hi. Beidotna tawp khawh hun a Pasian muan veve na khu asangzaw- athuuhzawh sem a Pasian biahna ahi chi manghil sih vai. Tuni'n hahsat-beidot hun a zong Pasian muang veve ding in kilan vai.

Ki-latkhiatna: Mangpa aw, bangteng hing tung nanlehzong nangma thuchiamte tung ah kinga zou gige ding in Jesu Khrist min in kang ki-lan hi. Amen! 






No comments

Powered by Blogger.