BANG CIA-IN NA LIAN A?

BANG CIA-IN NA LIAN A?

BANG CIA-IN NA LIAN A?

Nisim Manna


𝘽𝙪𝙡𝙥𝙝𝙪𝙝: 𝙁𝙞𝙡𝙞𝙨𝙩𝙞𝙖𝙩𝙚' 𝙜𝙞𝙖𝙝𝙥𝙝𝙪𝙖𝙡 𝙥𝙖𝙣𝙞𝙣 𝙂𝙖𝙩𝙝 𝙠𝙝𝙪𝙖 𝙢𝙞 𝙂𝙤𝙡𝙞𝙖𝙩𝙝 𝙖 𝙠𝙞𝙘𝙞 𝙖 𝙢𝙖𝙠𝙖𝙞, 𝙖 𝙩𝙪𝙣' 𝙥𝙞 𝙠𝙪𝙖 𝙫𝙖𝙡 𝙖 𝙨𝙖𝙣𝙜 𝙢𝙞 𝙠𝙝𝙖𝙩 𝙝𝙤𝙣𝙜 𝙥𝙖𝙞 𝙠𝙝𝙞𝙖 𝙝𝙞. 𝙎𝙖𝙢𝙪𝙚𝙡 𝙈𝙖𝙨𝙖 17:4

Goliath pen a tun' pi kua (9 feet) leh letmat kua (9 inches) hi-a, David adingin a zahnih in sangzaw hi. Goliath puansilhte bek tawh David gikdan kiteh leh Goliath puante gik zaw lai ding hi. Ahi zongin mi tampi te'n i ngaihsut batloh David sunga om pen Goliath sunga om pen sangin nakpi takin lianzaw hi! Tua bek hilo-in David pen Israel kumpi dinga Pasian in sathau a nilh hilai hi (1 Sam. 16:13).

Eite in i hih khialh zel uh thu in a puatham a kilang khiate tungtawn in thu i khenpah zelna uh ahi hi. Tua bangin a ente adingin Goliath pen David sangin nakpi-in lianzaw hi. David in Goliath a do ngam ding zong hilo hi. Ahih zongin Pasian' muanna lamah a ente adingin David pen Goliath sangin lianzaw pek hi. Tua pen eite etzia ding hizaw hi. Mi khatpeuh in Pasian a up-a muanna a nasiat zahzah khalam thu ah a lianpente hi uh a, tua bang mite pen na thupi a semkhia mite hi uh hi. Mihingte nuntakna ah thahatna taktak pen khalam ah i kingakna pan hong piang hizaw hi. 

Tua manin tuni in khalam ah na dinmun na kimuhna dingin Topa tungah ngen inla, tua na kitheihna tungtawn in a puatham in a lian a kilang Goliath a bangte na do zawhna ding tha hong guan ding hi. 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐤𝐡𝐚𝐥𝐚𝐦 𝐚𝐡 𝐤𝐚 𝐩𝐡𝐚𝐤 𝐜𝐢𝐚 𝐡𝐨𝐧𝐠 𝐦𝐮𝐬𝐚𝐤 𝐢𝐧 𝐥𝐚, 𝐧𝐚𝐧𝐠𝐦𝐚 𝐚𝐝𝐢𝐧𝐠𝐢𝐧 𝐧𝐚 𝐥𝐢𝐚𝐧𝐩𝐢𝐭𝐞 𝐤𝐚 𝐬𝐞𝐦 𝐳𝐚𝐰𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!






No comments

Powered by Blogger.