NA GALTE SITAHTAH AHINNA HI CHI THEICHIAN IN

NA GALTE SITAHTAH AHINNA HI CHI THEICHIAN IN
Nisim Manna

Bulphuh: Belam ching David tai in Philistin mipa tung ah ading a, anamsau ala a, apai apat adohkhia a, tua namsau in alu atan a athatta hi. Tualeh Philistin miten ami hatpa uh ashita chi amutah un ataizahta uhi 1 Samuel 17:51.

David pen mite mai a ki hangsansah ahi sih hi. Aziah pen David in Pasian mite doungam pa, Goliath, Philistin mipa that ding in hangsantah a kimaituah ding in delphei a, suangtang la in vaisuangse toh sep hi. Tuachin agalpa taltangtah kha in Goliath zong puahduup mai hi.  

David in a galpa puaduup amu vang in gaal ka zouta chi lou in delphei a, a gaalpa tung ah ding in a namsau la in, agalpa lutang atankhe ta hi. Tuachia David in agalpa Goliath lu akhut a akhai pen Philistin miten amu tah un zau in a taizaahta uhi. 

Eite in zong nisim in gal i dou den ua, tua i galdou pen zosiang nailopi-in mitampi'n i khawlsan zel pen uh ahi ibawlkhelna uh. Tuaziahin i douzel uh kuul hi. David in, "ka galte ka nuadel a, ka nuaphah hi; thagam a aum masangsie un ka kinuale sih hi." achi hi (Late 18:37).

Tuni in nang zong na khalam-salam galdouna ah tawmkhat noptuamna na ngahziahin khawlsan sin. Na galte tungah gualzawhna tahtah na ngah masangsia tawpsan sin. Na hinkhua ah siatna hing tun thei zousiah zong hawlkhia/tawpsan in. Na galte si tahtah ahi uh chi na theichian masang teng a gualzou nailou na hi hi. 

Ki-apna: Mangpa khalam-salam a ka galdouna ah atawp dong ka douzawhna dingin Jesu Khrist min in kang ki-ap hi. Amen!