PASIAN TAWH NA ZAWHKHAWM NUAM EI?

PASIAN TAWH NA ZAWHKHAWM NUAM EI?
Nisim Manna

Bulphuh: Ki lungtuah loupi in mi ni azawhkhawm thei ding uoi mah? Amos 3:3 

Pasian toh zawhkhawm i chichiang in kalsuan kituahtah a paikhawm china ahi hi. Tambang a Pasian toh zawhkhawm thei na ding sil poimawte ahi leh, i ki zawhpi Pasian zia leh paidan theisiam poimaw peet mah ana hi ahi. Thamlou in Pasian ngaituah bang silte i ngaituah a, a silmu bangbang a i mu zong apoimaw hi. 

Tamte ziahin Pasian toh kithutuah poimaw chi na ahi. Aziahpen i bible changteel in mi ni kithutuah masalou in koi aki zawhkhawm thei ding uoi ma? achi hi. Tuaziahin, Pasian toh diamdiam a kizawhkhawm theina dingin Ama toh kithutuah ngai masa ahi dan alang sah hi. 

Tuamabang in Pasian toh i kithutuahna ding un ngaidamna i tan masah uh akuul hi. Ngaidamna i tantheina ding un iMangpa Pasian gintatna tawh, adeilou bang a kalsuanna te kisia a, Ama deidan chouh bolta ding a ki piahkhiatna toh iMangpa izot a kuul hi. I Laisiangthou a Pasian tawh ki zawhkhawm a chiamte a um Enok, Noah, Abraham, Zekariah te pen Pasian deidan a kalsuan ding a Pasian azawt ziah uh ahi.  

Tuni'n nang zong Pasian toh na zawhkhawm nuam ei? Pasian tawh na zawhkhawm nuam leh Pasian lungkimna leh a deidan silte kanchian masa in la, Ama deidan chouh in nungta in. Aziahpen tambang a hinkhua zatna khu iMangpa tawh ki thutuah na ahi a, Ama tawh kizawhkhawmna ding a bulpatna zong ahi hi. 

Ki-latkhiatna: Mangpa aw, nangma tawh kithutuahtah a ka hinthei na ding in, na deidan silte leh apoimaw zousia hing theisiamsah in. Jesu Khrist min in kang ki-lan hi. Amen!