GNFA: Siampu apan Khristian, Horendra Reang

GNFA: Siampu apan Khristian, Horendra Reang

Amasapen in I Toupa Jesu Khrist' min in chibai ka hon buuk uhi!

Horendra Reang in Jesu Hondamtu leh Toupa dia apomtaak manin a ki thoihna van teng tarik 25th Sept., 2021 nitak lamin haltumsiang vek hita hi.

Horendra Reang in zi leh tanu nih nei hi. Tukum March kha lak in Khristian a hong kipia ahi hi. Gingtu thak leng ahi uhi. Khristian a suah ua pan in a tanu in damlouhna a tuak zeuhzeuh hi. Huaiziakin khomi pih te'n Khristian na kipiak ziak ua na tanu damlou a om ahi chi uhi. Tutung tarik 20th Sept in leng hospital va luut uhi. Khomipihte'n nang siampu hial Khristian a na lut tuh thil hitheihlou ahi chi uhi.

Khomipihte apat mohsakna nasatak Reang in atuak lai in Pathian muanna toh thumsakna leh counselling hoih tak ka va neih pih hi. Huaikhit nungin Khasiangthou in a lungsim a nna sem ahi ding a, a tanu damlouhna apan in a kithoihna vanzat leh mantra laigelh halse ngamlou a, a guk a ana koih lailai te hon lakhia in Jesu Khrist' min toh halsiangna ka neih uhi.

Hiai ka khut sung a gua (bamboo) a kibawl pen aki thoihna vanzat poimoh pen ahi a, a sung ah patjam (cotton), sumsik (coin) nih leh anntang (rice) om hi. [hiai paragraph toh kituak a lemlaakte pen doudaltute pan a bitzokna ding lametna toh kikoihlouh hi]

Unaupa Horendra Reang leh innkuante'n Pathian muanna zaar a thupuukna abawlte uh paipih touhzel a, Setan khemna te douzou a, Pathian a dia vanzat hoihtak leh gingtu muanhuai tak asuahtheihna ding un phatuam ngaitak a thum ding in ka hon ngen uhi. 

View More Photos

Toupa'n hon vualzawl hen!

Khrist aa dia semkhawm,

Thang & Ching
Good News For All (GNFA), Tripura
Ph. 8974099164