Mangpa Sui Hun Pet Ahi
Hosea 10:12: Dihtatna chi tu unlen, khotuona at unlen; na leikhalte uh satnen un,
Mangpa sui hun ahita hi, Ama ahing pei a, na tung ua dihtatna guo ahing,
zuhsah masangsie Ama sui un.
Israelte siang ah Pasian deisahna zawlneite tungtawn in naahtah a genlat in um
hi. Hinanleh Israelte'n vang Pasian deilou silte bawl khu atawpsan tuam sih
uhi. Bangchibang silhoilou Israelte'n a bawl talom uh adiei? Iasraelte'n
Pasian biatna atopsan hilhial uh khat ama leh? Bangziah a Pasian in zawlneite
tungtawn a Ama (Pasian) sui ding a naahtah a agen adiei?
A dihtah in Israelte'n Pasian biatna tungtawn a A maipha suina atawpsan sih
uhi. Hinanleh, Pasian maipha suina ziah a asil bawl zousia uh lungtang apat a
kuankhia, chitahna toh bawl ahilou ziahin Pasian in pomtaah asa sih hi.
Tuaziahin iMangpa'n eima kiniamkhiat a, dihtatna chi tu pum a Mangpa sui hun
mamata ahi dan ang hil hi.
Tunia khenkhatte Pasian maipha sui dan:
biahinn kainate, hattuam nataangte, tholomte, som-a-khatte, mission
nasepte, thugen-lasahte, khompi mangte leh a dangdangte tungtawn in
Pasian ilungkim sah sawm uhi. Tambangte asia hilou in, Pasian maipha sui
dingdan mawng zong ahi. Hinanleh tambangte bawlziah a Pasian lungkim mai hilou
in, lungsimtah tawh chitahna tawh bawlte tung ah Pasian hoina aluanlut zeel
leng zawh bangin, i Laisiangthou in
"Mangpa Pasian a hing pei a, na tung ua dihtatna gua ahing zuhsah
masangsie, Ama sui un" achi bang in, Pasian maipha i suinate Mangpa'n pomtaah asah a A lungdamna leh A vangbuahnate
eite'n itan dong a, khatvei zong tawlngalou kei a iMangpa deilam bawlzou
dingin tuni'n ki-lan khe vai.
Thuumna: Mangpa aw, Na deibang silte amin a bawl himailou a,
kiniamkhiatna toh chitahna toh nang a dia pomtaah ahi masangsie khatvei zong
tawlngalou a na maipha ka suizou na ding in Jesu Khrist min in kang ki-lan
hi. Amen!
No comments