Zi leh Tate Tung a Mangpa Hoina Khu

Zi leh Tate Tung a Mangpa Hoina Khu
Nisim Manna

Bulphuh: Na zi zong na innsung a grepgui ganuom mama bang ahi dinga, na tate zong na dawkann kimvel a Olive selte bang ahi ding uhi - Late 128:3.

Lapite laibu gialte lah a tam bung leh chang gialtu pa in zite pen innsung ah lenggui tawh a genteh a, tate pen Olive nou dawng tawh a genteh hi. Lenggui tawh kisai atheisiam ten agen chiang un, Lenggui pen i suan leh hing paipai napi in  ding hoitah i dawlou chiangin gaahpha ngeilou hi. Tuaziahin laang hoitah dawhsah angai hi.

Leenggui Laang

grepgui/leenggui zaamna dia silkhat poupou eg. daai, khaugui, sing, etc lei/tual apat i dawsang te genna ahi. Na theisiam na ding in atung a lim khu en in.

Tuama bangin innsung ah tanu-tapa nei khu abaisam mama a hinanleh ang khantou ding dan uh lampi tuamtuam tamtah a um ziahin grepgui zaamna dia alaang ibawl apoimaw bang in, ta-le-naute khantouna dingin laang hoitah idaw sah uh angai hi. Pilna laang, biahna laang, dihna laang, pumpi kithununna laang leh atuamtuam hoitah a idaw sahlou uleh gaah suang sang sih in innsung ah siatna-khaatna ang tut zaw giap ding uhi.

Tuaziahin unau, tuni'n na tate a ding in bang to bang laang na daw sah ei? Suan-le-paah inei pen Mangpa apat gualzawlna hi thamtham hi. Hinanleh amaute khankhua diing bangchi'n na sial sah ei? Pilna-siamna, thudikna, biahnalam leh mahni kithununna lam ah alampi ding uh hoihtah a ibawlpiah/isialpiah thei leh, tampen Pasian gualzawlna atamsem a ki supung asuah ding hi. 

Pasian gualzawlna keemhoi leh supungtu hi ding in tuni'n Mangpa ah ki-laankhe vai.

Ki-latkhiatna: Mangpa aw, zi-le-tate nang piah khu katan gualzawlna ahi, hinanleh na deina bang a gaahpha leh zattaah ka suahsah zawna ding in hing panpi in. Keizong ka panthei zaza a pang dingin Jesu Khrsit min in kang ki-lan hi. Amen!