Lets Meltdown the Saints and put them in circulation

Lets Meltdown the Saints and put them in circulation

Pastor Dr. Dongzathawng

Devotional # 135 ( Vol 3)

Fellowship of Thirsty Souls and Hungry Hearts

Jingpha! Mangpan Tuni khu nang ading a ni kipah huai thil pha na mu ni hisah ta hen!

Pasian hepina toh tutung sunday in hun 2 vei ka biahinn uh Zoveng ah ka nei misiangthou te ka hanthawn hi: ka topic tegel: 

1. The path you have never been before.
2. Has Christianity Failed you!

Tunia i topic “lets meltdown ..” chikhu kum 500 lam pai ta a England Kumpipa Oliver Cromwel thugen ahi. Gamsung a sum tasam in buai na tung hi. A sepai te gam pumpi a  sum a sun thei ding silver (sumeng) hawl in sawl hi: Gamsung pumpi ka hawl uhiin hinanleh biah inn vel a (cathedral) misiangthou sisa te statue ki kheng te chi lou ka musih uhi chiin hing kile kia uhi.. 

Tua chiin Kumpi pa’n tua Milim te haltui vai in sum in kheng vai…or sum sua vai chi ahi:

“We have searched the Empire in vain seeking to find silver. To our dismay, we found none anywhere except in the cathedrals where the statues of the saints are made of choice silver.” To this, Oliver Cromwell eloquently answered,  “Let's meltdown the saints and put them into circulation.”

I gam ka en vengveng a i gengensa bangin biahin te thupi thei in i gari te hoi in, inn te thupi hi. 

Ahivang in i lampi te chijat huai hi. Gammang lah bang hi. Tualeh jawnna (poverty) nase mama hi. I jawndan uh leh i haudan uh kikhie seng hi. Charles Dicken hunlai English society leh William Booth hunlai a London bang ihi ta hi. A hau te hau vum vawt. A inn te uh palace bang. A standard uh western toh bangma ki khia nonlou.A jawngte din mun ngiam dandan chijat huai dan a bang a mulpou vawt kichi atai? Ann ngawllou hamham, seplou leh nelou ding ban ah baki gih tah toh neh tom jawng himai.

Alang khah ah church lam enlei: 

I mission budged te uh sang mama. I hattuam sum budget te thupi mama. Mission field ah project thupi pi kipan. I tualsung ah jong project lianpipi kinei hi. Ahileh hibang a hattuam in sum jat senglou, neh senglou balance tampi pi inei lai a,,, i hattuam mi nelou talou te, meithai tagate, ahing la vevaw, ni chin suan ding tasam te, leiba thangba jieh a Pasian biahinn mu ngamnonlou te,.. city vel. Slum dinmun toh ki khielou.. ahau te ne tui sengseng junhumhum ahi lai ua ama uh malnutrition a etthei nonlou.. khanglai tampi a inn sung jawn seng man a a guallai a jong bual ngamnonlou te, brain hoi mama, taima mama, tei mama napi laisim jou nonlou a jugali asep lou leh anu apa damdawi leina ding umlou a shi dingte, tualeh i hattuam mi ngawingawi operation na ding neilou a shi ding ngah te…

Alangkhat ah 

Kham thei bol hinanleh ann nelou a hi theilou a a khamthei man ding toh a ann neh ding toh Lanva leh tuitha dung a plastic bottle khonte ama uh te ganhing dan a i ngai uh atai??? Nungah jakai mama hinanleh inn sung dinmun hahsa seng a vaite nuai hamsasa a sem a, atawp ahina jong vengjou nonloute, or annngawl sang a juahthei thei, sep theithei sem ahi hi hi, asuahsuah te: ahing taitai , ahing salsalte khatvei ka neh ding hing pia jong hilou chi a koi ma gingta jou nonlou a bawlthei thei bawl te. Hattuam ahau alian ki-etna tamseng in kei zong hau in sum nei leng hing ki jatat ding chia sum sui theitheina sui a khamthei guithei jong a kivei te…

Hih ka gel lai in Pu Mang Taithul in Lamka I tate khamthei bawlte ahivang guh a ne utlou leh neh sawmlou a bottle te khom a tuate factory a pia a a mu dan dan a kitoudelte lim hing lah hi. Amauh te khu gamsung/insung hero ahi uhi. Ama un i niin tampi te uh ana su siang uhi. Ahia ama uh te khu i ta suangmantam bang te ahi uhi. I belam vah mang te ahi uhi.

Tu in i topic  ua lut kia vai. Hibang lomlom a society mial leh dinmun ngiam a i um lai ua gingtuten or Christian hattuam te kumpi leh vaihom te maw sah a ki koukou ding? Or ama uh puhna ding a thumthum di?? i MLA te hamsietnsiet khu inasepthei sun uh atai?

Ei bol thei ei toh kituah a i bawl um ding lou di???

Phillip Yancey alaibu “Jesus I Never  Knew” ah “When Jesus departed he left the keys of the kingdom in our fumbling hands” chi hi( pg 233). Jesun hattuamte hat in hatlou leh pil in mawl leh jong i khut mawpuah na lianpi hing nuasia sah hi chi hi. Agen jel na ah ngai tua in “WHERE IS GOD WHEN IT HURTS? WHERE IS THE CHURCH WHEN IT HURTS??”

Hattuam a Pasian tanu tapa, meithaite himai thei, nu neilou pa neilou naupang or khanglai himai thei. Ahilou leh a khawsa joulou, damdawi man ding neilou, school fee piahlou jiah a ki naw khia naupangte himai thei, or bat hauseng a ka suahsuah suah chia utlou sasa gam potsan te himai thei, nichin suan ding neiloute himai thei: Hibang hahsatna tua hattuamte lai a Pasian ta itte chimaw, mangbang a umlai ua ama uh panpi tu PASIAN khoi a um hi ta? Bang ding a Pasian in ngaisah lou??? Ama uh jong apaupeng, a luhlul mongmong gualjawlna tangtahlou chia hattuam ten i pampai mai ding uh atai? Atuah taah ahi uhi chia vaihom khum mai ding maw?? Hibang hunchia PASIAN hoi a um??? Chi HINONLOU ding in hattuam te khoi a um??? WHERE IS THE CHURCH??? Chi ding hi ta hi. 

Ajiehpen Pasian in a key khu hattuam khut a akoi hita hi. Hattuam te mawpuahna ding a ana ngansie ahi ta hi.

Ravi Zecharias Laibu: “Has Christianity Failed You???” chia mitam pi'n Ginna or hattuam a paisan khu Pasian maw hinaisai lou hi. Church ahijaw hi A FAIL tahtah khu. Christ leh Pasian hilou hi. Chijat huai tah in Pasian in mawpuahna a ngansie Church in a it mama abelam liamte tuamlou, vahloute tung ah a sep ding uh semlou uhi. Khujieh in mitampi in Pasian muthei nonlou in mangthai uhi.

Tuni John Piper laibu: “Dont Waste Your Life” Ka sim jou ding a, aman “We are hypocrites to pretend enthusiasm for overseas ministry while neglecting the Misery at home” chi jiau hi. Gammial ngaina kisa a i kim inai a mi hepi huaite iki theimaw bolleh hypocrate ihi chi jiau hi. John Piper mission ha uang bol mama pastor leh writer in hibang in gen mai hi.

Eg khat gen vai: na tapa Delhi a college kai in koi in lan, ama laisim ut mama hinanleh damlou na nei, special care ngai leh guide ngai hi henla: na tanau  na muan mama khat inn ah ama etkol na nuai ah na koi hi. Sum kiching set in hateng na hah hi. Na ngansie na muang seng jieh in na kan khol sih hi. Nang toh kithujah theilouna mun ah na um hi. Ahiin a vangsiet huai tah in a enkol ding a na guat pan nasum thotte natapa etkolna janglou in a tamjaw atunna ding tungsahlou hi. A poimawlou lam ngen ah ana jang sah in aman atamjaw ana ki jat in, natapa khu ni tampi ann ngawl sah in gentheitah in ana um leh bang na chi diai? 

Ahilou leh nang Kargil mun a sepai pang in na ji na ki teenpi pan nusia in na kuan khia hi. Na ji ajat khop ding kichi leh val jeen Lamka a na tanau khat C/O in hateng in na thot hi. Hinanleh na thot jat kim khat jong na it na ji kung tung lou hi. Akal ah ane ding tam seng hi. Na ji lah sing tang lam a um, nang lah kargil ah um ki thujah dan umlou, kum kia suti na pai in na ji damlou ki enkol joulou in ana shi ta chi ja le chin bang na chi diai???

Kagen ut pen na thei ta ding ka ging ta hi. Pasian a it taga meithai tasamte tua ding enkol ding in HATTUAM kichi mawpuahna pia hi. A hausatna toh hattuam vuh let in jatsenglou in Pasian in gualzawl or kemsah hi. A hiin hattuam ten tua sumte Bank ah koikoita u hi. Project thupi tahtah bawl in buai uhi. Hibang kal a Pasian in a it atatsa a tahsa baahte aning khat ah ann ngawl in, damlou chimaw, nelou talou, hingjoulou in Biahinn tanpha hing tungjou nonlou uhi. Pasian in ama uhte panpi tu ding a ngansie ten lah ngaisah nonlou, Pasian in lah a piah ding teng pe jou ta… ama uh ten lah a thuah ngai in thuah uhi.

Where is God chiin ki kou uh a. Aw dang khat in “ where is the church” chi in aw jah khamlou in kikou hi…Ravi in alaibu: "HasChristianity Failed You?" ah "The church that has forgotten its purpose and lost its message will have no influence for good in society"( 190) achi dih hi. "And if the church does not reach out, it is a church on which many will turn their backs and never return"( 194).

Church in isep ding iseplou jiehin biahinn kai hing tawm hiaihiai ding a, awlawl in biahinnte hing ki khah ding hi. Europe gam ichi khu itheiloukal in i mitmu in hing tung ding hi.

Ravi in agen jel a: "Isn’t the church, an extension of the family? Can we not find ways to love that will keep within reach the one who is faltering? Are there no ways to minister to someone who needs healing, rather than having a spirit like Jonah’s, which declares in effect, "You are beyond God’s reach? He is going to destroy you, and I, for one, am glad of it!?" Tunin in hattuam sung a Pasian in a it mi manpha tasam gentheite hattuamte'n i etlou leh midang a en ding umnonlou hi. 

Bang ithei a i biahinn lian pipite a adimdim a nipi ni sial a iki khop vang un Pasian Hagau in hing pawl nonlou hing ve nonlou leh Pasian in hing umpi nonlou, hing nusiata himaithei hi. Ki keu velvol mai hi. Building etlom milian-milal leh choir nal tahtah cheimoi leh jong I Mangpa Jesu'n inmun nei nonlou a hing bual nonlou himai thei hi. Bang sermon igen hang un koima ki kheel thei nonlou hi. Ajiehpen Pasian in a it te mi jawng mi tagate innteh nonlouna mun ah Pasian jong innteh nonlou china ahi ta hi.

Philip Yancey in: “God has not absconded at all. Rather, he has taken on a disguise, a most unlikely disguise of the stranger, the poor, the hungry, the prisoner, the sick, the ragged ones of the earth. We cannot detect God’s presence in the world, it may be that we have been LOOKING in the WRONG PLACE” ( The Jesus I Never Knew- 232)

Tunin Pasian in taanglai a a temple thupi anutsia bang a i biahinnte uh nusia a mijawng, mi taga, nelou talou te, hospital leh khamthei bawlte kepnate leh miliam mibai, mitangkhat thomhaute kung lam a hing um san hi ta ding hi. I Pasian in a teenna location  kheel hita ding hi. 

Khujiah in hattuamte'n Oliver Cromwell in athu piah: “Lets melt down the saints and put them to circulations” achi bang in i bank ua hattuam sum jatlou a ki khol teng homjah in i hattuam mi tasamte tun ding na'n jang vai. Operation bol joulou a shi ding ngahte jangsah vai. Taga fee pejouloute piasah vai i future missionary ding himai thei uhi. Biah inn thupi ngailou in mi vantangte, loubawl leh nasemte'n innteh tah a Pasian abiahtheina ding mun siam sah vai. India a missionary khat in a biahinn mai ah: come with your farm dress” achi atah bang biah inn poimaw jaw ta hi.

Thu kal ah: Veng chin a Biahinn um a.. lampi lahhichi siat. Biahin khat in meter bang jat e khat or ih biahinn mai lampi chiat bawl lei i lampi uh noptuam mama ding hi. Church building project ah biahinn mai lampi saulou khat huamchiat theilei Govt tung a i lungthahna jong kiamdeu ding i Pasian biah dan uh jong nop deu in Hagau in jong hing pawl ding hi.

Ei bol ding bol som lou a Govt leh MLA pa phun sansan phatuam nonlou hi. Where is God? chi nonlou in where is the church? Chi ding hi ta. Where are His Angels? Hinonlou in “ Where are the believers? Where are the Christians? Chi hi ta hi…

Pasian in ama mun a ahing koi gingtu (church) ten midang i lamet et leh i society hoi ngailou ding hi. Achang ah thumthum sangin a pocket uh isoh uh khu Pasian dei hijaw ding hi.

Tampi igenta ua i gen sompen khu i society ua tasam gentheite dopkaang leh enkai ding CM Biren leh PM Modi or Local MLA te hilou in Pasian in church hing pia hi. Pasian in a poimaw teng church khut ah koi jouta hi. Angel te ngailou in gingtute um hi.

Mangpa'n a hattuam leh gingtute mit hing vahsah ta hen!!

Topa thupha

Shalom!