FILL MY CUP LORD, BECAUSE I HAVE RUN DRY!

FILL MY CUP LORD, BECAUSE I HAVE RUN DRY! 

Pastor Dr Dongzathawng

Devotional # 29 ( Vol 4).

Fellowship of Thirsty Souls and Hungry Hearts

Thirsty Souls simtute Mangpa ni jingmawng pha!

Pasian in tunin na insung ah thuhoi hing tung sah ta hen!!!

Tuni Topic: FILL MY CUP LORD, BECAUSE I HAVE RUN DRY! 

Text: “ Then he became very THIRSTY so he cried out to the Lord and said , "You have given this great deliverance by the hand of Your servant and now shall I die of thirst and fall into the hand of the uncircumcised?"  So God split the hollow place that is in Lehi, and WATER came out, and he drank and his SPIRIT  RETURNED, and he REVIVED. Therefore he called its name En Hakkore, which is in Lehi to this day. “(Judges 15: 18-19).

Introduction:

1).Camp jou inn tung family toh hunnop ka jat ding kisah leh ka nu stroke thu ka ja hi. Tahsa leh lungchau tui bang in jun kia ta hi. Ka nu ana thumpi vo lawm it tah te!

2).Tulai umpi umlou in kouma inn kuan mai ka ki toudel ua anopna khat um hi. Hamsa nanleh ka paitou jel uhi.

3). British Christianity Jerusalem ban a Rome aban a Germany, ajaw a England kichi khu tunin a PM ding in Hindu khat Gheeta lou in kichiamna nei ta hi! “O Brittian  how low you have sunk spiritually!”

4) Bangteng hita leh jong hibang thusie thuhoilou tam lai ah KWS, Shillong in Rev Dr Kh. Khaizakham “LIFE TIME ACHIEVMENT AWARD” July 24 ni in pia uhi. KWS te'n bol hoi mama uhi. Pa Kham khu ei Manipur Zo suante ading a GIFT lian penpente lah a khat ahi. Pa Kham in Pasian na ana semlou leh govt top officerte khat ahilouna ding bangma chitlana neilou hi. Ahi tuni'n ama impact jiehin officer aja-aja asim inei uhi. Manipur Zosuan te'n ih “Spiritual Father” uh ahi mai hi. I nampi in ama damsawt leh hatsawtna ding in thum vai! (tutung ka khuolui a camp jong ama hitheilou jiah leh ama recommendna jiah a pang kha ka hi a hampha kaki sa hi) 

Tu in topic ah lut ta vai: Tutung ni 4 sung ka camp na ua, sun leh jaan a ka thugenna ah ka hu leh ka awteng bei hi. Camp lailai in jong ka thum chiang: Fill my cup Lord. I am running dry. Feed me till i want no more…” chiin avelvel in ka thum hi.

Wanda Jackson old country gospel singer a ma ka ngai utpen hi. Himi ngaikawm in ka thumthum hi.

I changtel ah Samson hibang mihat gimthei tawlthei dia kilomlou pa jong mi 1000 (sepai hat ngen) Sangawngsau khagu mai toh ang satlupjou in danggaw seng in baa leh tawl in husam in hing thum va ngut hi. 

Amun mama ah Pasian suang apat in tuisam hing put sah hi. Tuakhu dawnin hing halkhia hi Pasian thugente jong i hinkhua uah Cup tui umnonlou kangsiang bangin ki kang kilkel thei hi. Kipe khia, ki bungkhia, ki homkhia ahi man in ki kangsiang hi.

Spurgeon in: “Dont try to breathe out more than you can breathe in” achi khu ans dih mama hi.

Pastor ten tamveipi i neival or ineiloupi kipiah khiah sawm hi. Ka neilou a homguah ka hi chi khu jumna in ki la hi Ei a mihing lui ih EGO in tuabang ihina ki admit ding khu hing phallou hi.

Tutung inn ka tun a ka bolkhial khu ajing in counselling ni 2 ading Chialna ka saang kha nalai hi. Ka aw heu, ihmut suah, ka thajoi kom in bangma ka piadoh ding um nonlou hi.

Ka tawldam a hinna tui a ka Ki dianou a, ka cup ka suhdim hun ahi.

Ahi'n preacherte jong i nou a hom guah, a kangsa, peson ding nei nonlou ihi lam ki admit ding khu ih EGO in hing phallou hi. Himi ahi i buaina kipatna.

An Hurried Leader geltu  Alan Fadling in gingtu hinkhuo khu Canal or Reservoir toh gen kahna 12 cent Christian Bernard of Clairvaux hi: “The one who is wise, therefore, will see life is more like a reservoir than a canal. The canal simultaneously pours out what it receives. The reservoir retains the water till it is filled, then offers the overflow without loss of itself.. today there are many in the church who act like canals; The reservoir are far too rare. They want to pour forth before they have been filled; They are more ready to speak than to listen, impatient to teach what they have not grasped, and full of presumption to govern others, while they know not how to govern  themselves”(30) Thupi na lom lom e!

Pasian in ineilou pia ding in hing phutlou hi. Hibang i kan got(dried), i luang kang chiang Ama’n  diangdiang taitai ding in hing phutlou hi. Wanda Lasah: “And then i heard my Savior speaking” draw from my well that shall never dry” chi hi. Hinna tui nah kang theilou JESUN “kei kung a hing pai inla hing ki dianou in hing dawn in” chiin hing chial hi.

Reservoir bang hinna tuikhol somlou, kholtheilou Christian leader khu hung buai ding hi. Or abuai sa ahi. Pastor tampi ka thei hi. Canal bang a hagau lam resource nei teng (tulai pastor vangsiethuai tah in resource neilou tam nalai hi) luangkhie sah dingin hing phutlou hi.

Tualeh i buai huaina uh ineilou i kang mai hilou in reservoir bang a kholsomlou, a cup dipsomlou, buaibuai, mi vantang bang a hotel vel a houlim na hun teng beisah a reservoir a khol ding suilou, mu khiah somlou: midang senoir or laibu etc te apat a cup dimna ding ngaitualou adim mama dan i ki koi, a hom sa ahi lam theilou pastor leh hattuam leaders ki tam hi.

Tuate'n hattuam mipi Pasian belam dangtaah gilkialte ang vah som chiang un ama uh apat ann hing pot khu ann hiing, ann khing, food poisoning hing suah hi. Khujiah in hattuamte lai ah natna virus damlou tam hi. Ahing kipatna khu pulpit ana hi ahi. Tua pen theitheilou ding khop in hagau mittotna leaderte lai ah um hita mai hi.

Upa leh pastor tampi Cup kang mai hilou in cup niin, ann hiing natna a dim Christian leader ki tam sengta hi. Pulpit a adin uleh akam apat tua niinte hing suakhia uh a (a cup sung ua um ahi jiehin) angaite na jungjung, liam jungjung uhi. Adam te jong thugen pa alat natna suh khahlou in kile kialou uhi.

Pasian a suh dim ma a a suhsiang phot ding cup ki tam hi. Dim kisa, tam kisa in apia khia ding a gengtu ngen kisa kha hai a. I cup te uh thil dang toh dim seng. I suh awng a, i suh siang ngai na lai ding hi.

I dim i ki chi khu Ama hinna toh dim hilou in eima ngai dan, eima utna, tup leh ngim, ei ma interest, eima sermon etc toh dim hinalai hi.

Emtying to filled khu step hing hi nalai ding hi.

A homguahte hoi lai hi. Adimte ahi abuai huai. Tuate khua siang masalou in Ama hinna hing luttheilou hi. A thu adim, hattuam vai a dim, sermon a dim himai thei hi. Tuate jong a pot ngai hinalai hi. 

Abang abang hileh tunin A hom guah ihi dan, cup guah ihi dan, piakhiah ding neinonlou ihi dan ki thei masa in i awnna ding, adimna ding ngaitua in Hinna Tui Nah Jesu juan lei Aman hing khuakhia in hing sopsiang in hing dimsah ding hi.

Alan in “The Lord will fill their cup to overflowing”(54) achi te lai ah i tel kha ding hi.

“Bread of heaven Feed me till i want NO MORE" Chia kisa bang in Pasian hinna dang tah leh gil kial a ama juante a dip ngal ngal chiang a dim giaigiai chite hilou hi. A vum alet in sudim hi.

(Tutung inn ka tun in Papah ( mushroom) vang mama khu mun 3 apat in offer hing ki pia toh kibang ahi.)

Tunin i cup hom i phualphual khu domkhia in Pasian in adip ding in ama lamen in domtou vai. Pastorte upate christian  leaderte, nupi thum mite: i cup sung a guu (poison) dim, huatna dimte, thunei utna din, panmun deina dim, ann hiing a dimte domtou in ama sopsiang sah vai.

Preachers te i cup sung ua sermon dim, Thutah dim, church doctrine a dim, mahni hina dim, ki dihsahna dim, ki siangthou sahna dim, church  consitution a dim, program a dim, hagau lam competion a dim, lawchin utna dim, ki hajat tuana dim, mite ngaisang ding deina dim, Article a dim, message adim, mahni ki deikhop na dim etc etc te khua khie sah in Hagau Siangthou chial lut vai.

Moody in Chicago fire lai in ama biah inn jong kang tum hi. Nikhat kum pi lam apat panpina fund sui a pai koikoi lai in Lampi lai ah Hagau Siangthou in luadim somta mai hi. Hagau dangtahna thupi seng in umthei nonlou in A buaipi fund khu ka lunggul pen hilou chi phoh in room ki khah khum in a ngen in khumun a Hagau Siangthou buahkhumna thupi tah tang hi.  Mangpa'n a khawl sahlou leh kipah seng a shithei khop in um a. Pasian a a Hagau Buahkhum na  khawl phot ding in ngen hi. Tua ni apat in DLMoody khu Chicago pastor pa maimai hinonlou the greatest Evangelist in 19th century chi tan hing tung hi.

Mangpan tunin a homguah ahi dan ki mukhia a, Christ hinna tui khuh juan hagau te  Dimlet na thupi tah hing pia ta hen!

Mangpa ni man nuam!

Topa thupha!

Shalom!

Pastor DZT

(devotional talk delivered at  Vission Lamka Prayer zoom Fellowship- 29th july)

Note: ka nu hing na thumpi jel vo. CT Scan result ngah lel lel- lungdam!