WhatsApp Chat
Menu
Cart

TULAI A KITHANG WY (The World Is Yours)

0

TULAI A KITHANG WY (The World Is Yours)

Rev. Dr. M. Thangboi ZouThumapui: Amasan tam Article giel theidia deisahna hing pieh Diamond Jubilee, Souvenir Boardte tung ah ka lungdam thu ka hing gen masa hi. Tukhang a Khangtha tampi hinkhuo suhsetu, tualeh mi tampi Jail bang zutsahtu WY khu “The World is yours” china ahi. Lamka khopi sunga tengte houlimna khat ka jadan ahileh, “Salamte kungah WY, hanglamte kungah Kani kithang” chi khu ahi, adih-le-dihlou ken theilou! Masangin, khanglaiten, RP Tang ineh leh ki fresh chin ana kithangsah ua, tun WY tang ineh leh kipil hing kichikia tazel ei. Tunin igam in ibuoipi mama uh WY hing kipat khietdan, anehte theikhiet ding dan leh a nehte hinkhuo a siltungte mipi theidin ka laibu bawlsom (Suokhiet hinai lou) Tuhun a Khristian Khanglaite Buoina apat ka hing lakhiet ahi. Tami khu atheisate adin ninhuoi maithei nanleh athei nailoute adin kiven theina ahi ding kalam et zieh a ka hinggel ahi hi. Simsuo nailoupin phun sinlen, simsuo phot in, thutha mukhe ding nahi!

  1. Amphetamines:

Methamphetamine (WY) in mihing damtheina lam pang suhkha mama a, tualeh innten, louten zong suhkha in. Mihing tahsa tungah Huoh (brain), lunggel lam zong napin asuhkha mama hi. Tam damdawi khu mi suhalthei chi khat ahia, anehte tam bangin speed chite leh upper chite in akihan uhi. Tami khu nehtho, hiptho leh kikapthaw theidia siem ahi. Tami’n huoh (brain) sungah nna asep ziehin akikap tute mipil Socratet, Sherlock Holmes te bang khop a pil kisahnate apia a, Vompi nangon toh kihau thei ding khawp in a tha uh thousah mama hi. Imut suohtheilou khopin mi asuhalthei a, ahin nguina leh luotnan atunzel/ azui leng hi. Blood Pressure (BP) susang in Stroke a chau thut thei ahi.

Methamphetamine kichi khu WY (World is yours) loutang ahia, tami loutang sungah 25-35 mg um ahia, tami loutang beilamtah a addict theinadia kihal khu ahileh Caffeine 45-65 mg jong pang ahi. Tami Methamphetamine in a kick apia khiet in Cardiovascular toh central Nervous system aha suhkha mama hi. Akikap sawt uleh a Sam (hair) uh pul in a Ha (teeth) uh amuotsah a, ann duhna abeithei hi. Tami bawl danthei a pil sangin theilou in mozoh lei apil huoizaw ding hi.

  1. WY hing kipatna Gam leh akisiem dan:

Tam khamthei WY khu Burma gam akipat hing kipan khie ahi. Burma ten India gam a damdawi (medicine) Ephedrine leh Pseudae-phedrinete agam sung uah kailut un, tuate hing halkhawm in WY ahing siemkhia uhi. Burma akipat in Moreh, Moreh akipat in itenna Lamka khopi, Manipur vel ah ahing polut/thelut un, tuni’n Lamka khopi akipan Zoudawn tan ah khanglai sangnaupang (student) tampi hinkhuo suhsetu, hatpente lah a khat in ahing pang tahi.

Tam WY addict mi nichin in a pung deudeu a, adia in Manipur leh Mizoram gam ah Sangnaupangte (student), khanglai hoi tahtah kum 16-45 kikaal te addict atam diah ua, akhente kum 10-15 kikal (Teenage) tampi zonga addicted hita uhi. Tam khamthei a kick hun sung ahileh naikal 12-14 (hrs) sung ahi. Tuhun a khamthei tenglah a a kick sawt pen akizang khu WY ahi hi.

  1. WY kizatdan:

Tam WY tang khu Tui in aki dia in, atui kilah doh a kikaptho a zangloi, ahilou leh atam zawten Bottle ah tui ah thun/ sung un, Silver lekha atungkhu a koi in, ahal ua, akhu (smoke) khu ahiplut thaw zel uhi. Khanglai tampi’n bangzie a WY khu khamthei dangte sanga atelzaw uh adiei? ichileh:

  1. Tha kipetuo tobangin gel uhi.
  2. Bawlding sepding asui ua, asepkhat poupou semdoh dingin athanuom uhi, tamte zieh hidin misiem ten asuikhie uhi.
  1. WY nete kitheikhiet dan:

Tam khamthei nehte atahsa tung ua ahing kilatkhiet (addict) chiengua kithei khietnate ahileh:

  1. Ann duh nonlou uh
  2. A tahsa uh gong
  • Amaisuoh uh dup
  1. Siengthoutah a kivon nuom nonlou uh
  2. Apdeduh a um uh
  3. Lungvai zing
  • Nu-le-pa kal (sex) a thanuom nonlou uh (zi neite),
  • Shi utna lungsim nei uh
  1. Mani kitha utna lungsim neisah/ tun uh.
  2. Lunggel dudah neithei nonlou uh
  3. Ngaituona mawngmawng neithei nonlou uh
  • A tahsa uh nasa (pain), leh adang dangte ahing neichieng un WY Addict lampang ahita uhi.

WY toh kisai a doctor siemte’n, anehte damtheina suhkha ahidan asuikhiet/ amukhiet dan uh ahileh, tam banga ahi:

  1. BP: 140/86 mmHg
  2. RR: 16/min
  • Weight: 60 Kg (WY akimawl masang (aneh masang) un 68kg apha uh),
  1. MSE (Mental Status): Lungmang hiei hiei, lunggel mumal neilou
  2. KFT (Kidney): Urea 57
  3. LFT (Liver): Sgpt: 140 (ana suse manta), chin amukhia uhi.
  1. WY Addicts ten atopsan chiengua asiltuote uh:

WY nete a addict nuo ua ahing topsan sawm chiengua ahinkhuo zatdan uh ahileh:

  1. Imu theinonlou uh
  2. Atahsa tung zousie uh na (pain) sah uh
  • Shi ding azau uh
  1. A mang (dream) uh sie
  2. Ann du nonlou uh
  3. Kapkap mai uh
  • A BP uh sang
  • A lunggelte uh amanglam bang in ngaisut uhi.

Tualeh a addict saten ni 25 bang ahing bawl nonlou chieng un atahsa tung a natna piengkhete ahi leh: (a) Ekho (b) Lungtang natna nei (c) Gilna leh adang dang tampi tuo uhi, chin misiemten asuikhia uhi.

Akhupsitna: Bible in, “Leitung pumpi nei inlen, na hinna tan lechin nangdin bang aphatuom diei” achi bangin, “The World is Yours” (WY) chi inlen, shi lechin bang metna aum diei! WY neh a mipil a kham mukhie tunitan in leitung ah muding um nailou hi. Setan in mi masa Adam & Evi asol zawna san khu khu, “Pasian bang a pil ding chi khu ahi” (Gen. 3: 4). Tuhun in mi tampi (aneh a kimante leh ajuote) Jail tanna, innsunga mittui luon kipatna leh motna hing tuntu khu WY ahilam theichiet lei ka nuom mama hi. Khanglaite aw, WY neh zieha mipil Socratet, Sherlock Holmeste loi bangdin kigel vawtsih un! Amaute banglou in, zumdan theilouna, gitlouna, mitha ngapna, gutatna leh atawpna ah muolphou tah a shina hing tunzaw ding ahiman in, WY khu pilna kipatna hilou in sietna kipatna, minsiet kipatna leh Jail bang jut kipatna hizaw ahi. Pilna kipat nakhu, Laisiengthou in “Mangpa jau khu pilna bulpi ahi” chin (Prov.1:7) agen a, tualeh “Koi pou in pilna atasap leh Pasian kungah ngen heh” chin (Jak. 1:5) agen a, WY ah ngen in sui un chivawt lou hi.

Khamthei a lungnopna leh kipahna tahtah umlou hi, a kick um sung kipah leh lungnopna mudan in thei zong lechin, a kick ahing bei chiengin jumna, kisiana, muolphou kisahna hing tun veve ding hi. Tangtawn kipahna leh lungnopna khu Mangpa Jesu Khrist kungah aum a, Ama kungah tua kipahna leh lungnopna suizaw chiet din, simtu zousie (adia a WY a saltangte) Mangpa Pasian in WY saltanna (anehte, ajuote) pan zalenna hingpe chiet tahen, chi ka thumna ahi hi.

KHRISTIAN LEH POLITICS

0

THUAMPUI

Rev. Dr. M. Thangboi ZouI maban ah MLA Election hing um ding ahina ah, Hattuom Upa (Elder), LCC leh Hattuom Lamkaiten ithei ding ua hoi mama leh Khristian hina toh bang chi panla ding chi tupna in tam Article ka hing giel hi.

Politics kichi ka line ahisih a, nanleh Khristian ihileh Bible deidan bangtah a Politics bang chi sai ding chi tupna toh mawltah a laibu tuomtuom akipat kaikhawm a hing giel ding ka hizaw a, iphat tuompi theina dingin simtu zousie Mangpa Pasian in Ama (Pasian) deidan a Politics saithei tadin hing guolzawl chiet tahen, chi ka thumna ahi hi.

Politics kichi ahiding bang tah a akisai leh asietna aum sih a, nanleh mimal hamphatna ding, let leh lalna ding deina zieh a Khristian hina manghil zen a isaina un politics kichi isuhnia uh ahizaw hi. Khristian ihi uleh Politics sailou ding ka chi sih a, nanleh i Khristian hina manghil zen a isaina un hoina sangin sietna lienpi hing tun ahizaw hi. Tua ahileh Politics kichi koite sai ding e? Tuami thei khietna din laibu tuomtuom leh Seminar paper bangzat ahiei apat kaikhawm in tamna anuoi a te mawltah in isutkhawm ding hi, tuate ahileh:

POLITICS HILCHETNA

Politics kichi Grik thumal “Polis” apat kilakhie ahia, Mang haam in “The State” china ahi hi. Politics ichi chiengin “Vaihawmna dan” (the art of ruling) china ahi hi. Grik thumal a “polis” khu “Khopi a hinna” (the life of the city) ahi chia hilchen pawl zong aum hi. Ahina toh gen ding hitalei, “Politics kichi mihingte hoina ding, bitna ding leh khantouna nasepna zousie a genna” ahi hi. John Stott gendan in, “Zautah a gen in politics in gam khat hindan leh a sunga teng mite mopuohna akaw hi. Tuami ziehin politics in gam khat a tengte hinkhuo zousie ahuop kha hi. Politics ichipen Community khat a tengkhawm theina siemna ahi” (it is the art of living together in a community) achi hi. Aneuzaw deu a gending hilei, “Politics in asai ahileh gam khantouna dinga policies bawl ahi. Politics ichi khu society a kikhelna umna dinga thuneina lasawnna ahi” (it is about gaining power for social change) chi ahi kia hi.

i) Politics leh Sakhuo: Mipil masate thupil gennei mama khat “Work is worship” chia a um a Pasian silsiemte adieh a mihingte hoina ding a nasepna khu Pasian biehna leh nasep thupi pen khat ahi. Indiate Pa chia chiemte a um Pu Mahatma Gandhi in, “Gandhi adia sakhuona khu mi hinpite adia nahoi sepna ahi ziehin sakhuo nasepna (religious duties) dia politics alut ahi” akichi hi. Tunia igam sunga Politics saitute a political philosophy (concept) uh adih masia a politics saidan uh dih ngailou ding ahi uhi. Thupil khat in, “Na Hagau mit lou inzong sakhuo mit sawm in” akichi hi. I gam a Politiciante khu Khristian ngen ahi ua, nanleh a khristian hina uh manghil zen in agam tang uhi (imai election hun ah ana en ulechin chieng mai ding hi).

PASIAN LEH POLITICS

Pasian leh Politics kichi thumal khu thu lamdang khat ahi a, Bible gendan thei beilam na din mawltahin hichin isut ding hi. Tuate ahileh:

i) Politics alienzaw a etna: Pasian nasepte’n leitung, leinuoi leh huikhuo ahuom suo hi (Gen. 1: 1, Deut. 9: 16, Ps. 148: 5, Jn. 1: 1 & 3). Tomkim a gen din “Sil zousie Pasian bawl leh aneitu ahi” (Exo. 9: 16, 1Chro. 29: 11-12, Ps. 33: 6, Acts 17: 25, 28, Rom 11: 36). Tam Pasian nasepte leh asaitu din Pasian in mihingte mopuona apieh hi (Gen. 1: 26-28). Tam etkawlna ah Pasian in leitung pienchil akipat ana koi khawmsa system ahiman in tuamun a umte Pasian in aguot ahi chin Bible in agen2 hi (Rom 13: 1-3). Nanleh Pasian guot banga um theina din tulai politician ten mipi deitelna sangin Galvan tawite toh pangkhawm in tua mopuona alazel na un Pasian leh Bible deidan a Politics asai uhi, akichi ngam na diei mah chi khu ahi hi. Kei mimawl mudan leh ngaidan in, “Sum senglou leh Galvantawite toh pangkhawm lou a mipite deina toh tua mopuona tangte khu Pasian lemguot hidin ka ngai sun hi, nang zong na chi sih amah????” (I gam peidan enkawm a ka hing get ahi, koima mimal dem hilai zanglou kahi, aselam a nala leh kei gennuom dan toh kikal na hia, amoh ken ka posih ding hi).

ii) Politics aneuzaw a etna: Gam khat ahiei, biel khat sunga khantouna ding, lemna leh muonna a upna dinga nasepna ahi hi. Nang MLA, MDC lawchinna din na pienpi na sanggamte dougal a ki-en din phal sinlen, dougal-melma a ki-ente nang vang in nuikhawm, kihouthei hizaw din pan lasawm hi. Politics neuzaw a etdin, “Mangpa Jesu’n political party abawlkhe sih a, Ama hunlai a siltungte bangma a ngaisah nuom sih hi. Nanleh A nasep zousie khu political ahi”.

HATTUOM LEH POLITICS

Pasian silsiemte etkawlna leh nasepna khu Hattuom dinmun (a role) toh kisai a et ding ahi. Politics kichi Hattuom toh kisai ahimasa sih a, Sakhuona toh zong kisai ahimasa tuon sih hi. Tam gamsung vaisaina ah Moral value leh hoina dan (virtue ethics) zui ding aum a, tuami zui khate a vangpha ua, azui khaloute a gam miten avangsietpi uhi. Hattuom hina theichet dingte:

a) Hattuom toh kisai:

i) Hattuom kichi bang adiei: Hattuom kichi khovel a kikepna (system) umsate hilou in Penticost ni a Pasian in (Jesu Khrist) aphukhiet ahi hi. Hattuom umnasan/ atup thupipen ahileh, “Khelna vanga anapuosa, tangawn shina tangdia umsa mihingte hundam/ tungdin kia a gingtute lah ah Pasian leenggam tun ding kia ding, Gingutte hinkhuo leh anasepna ah Pasian min suh thupi ding” chi khu ahi (Mt. 5: 13-16, Tit. 3:1-2, Eph. 2: 10, Phil. 1: 27, Jn. 18: 36, Lk. 17: 20-21). Tamte tup a neiin Pasian in Hattuom kichi ahing phut khie hi (Mt. 16: 18, 1Kor. 6: 20, 7: 23, 2Pet. 2: 1). Hattuom lutung khu Mangpa Jesu ahi hi (Eph. 5: 23, Kol. 1: 18, 2: 10). Nanleh Politics tup ahileh, “Politics in mihingte leenggam (political kingdom) bawlkhiet a, tua sungah tasahlam khantouna, lemna leh muonna umsah ding” chi ahi hi.

ii) Hattuom gamgi hoitan: Tam leitung peidan umsa sunga siltha Pasian in abawl pen bang tupna adiei, system umsate toh kisai bang dinmun a koi ding ahiei chi khu Bible pansan a theisiem ahisih leh a buoihuoi sil ahingsuo ding hi. Hattuom leh politics kibang ahi ichileh Hattuom hing kiphu khietna san in umzia anei sih ding hi. I gensa mabang in, Politics in “Tasahlam khosatna ding vai asai a” nanleh Hattuom in, “tasahlam hinkhuo a abeipei dingte pansan in Hagaulam nna asem hi” (2Kor. 4: 18, Kol. 3:2, Mt. 6: 19, Jn. 4: 13, 6: 27). Hattuom lamkaiten igamgi manghil zen a nasep khat inei chiengun i politics uh asia a, tuamin hattuom sung leh chi-le-nam kal tan ah buoina ahing pieng hi, tuami ziehin Khristian te i gamgi kansan in nasep kidiem mama vai….

iii) Vaisan dan kiheng zel: Politics leenggam ah Kumpiten akul leh poimaw bangin thagum, thatang zangin vai ahawm uhi. Leitung kumpite Sum sen tamna pen khu gamsung humbitna dinga Galvan leina khu ahia, hinanleh Hattuom ah tuabang ahisih a, Pasian leenggam tunding nading, thagum hilou in itna, nunnemna leh ngaidamna chite toh ahizaw hi (Mt. 5: 39, Lk. 6: 29, 2Tim. 2: 24, Isai 53: 7, Mt. 26: 63, Mk. 15: 5, 1Pet. 2: 23).3

b) POLITIC NASEP

i) Koi patawi: Politics in, mimal (politiciante) nasepte uang getna, mimal akan aval a kipatawina leh kitoisangna thu a uang gen mama a, nanleh Hattuom in vangin, “Jesu Khrist tanchin, Khantanhoi aung gen mama hi” (1Kor. 2: 2).

ii) Kidemna: Politics vai a party tuomtuomte kidem tuana, panpi tuom nei a kilang khen in thuneina akituh uhi. Vaihawmna innpi sungah zong vaihawmtu leh apposition a kikhenna aum hi. Nanleh Hattuom tup leh ngim ah tuate aum sih a, Bible in tabangte aphal vawt sih hi (Rom 16: 17, 1Kor. 1: 10, 3: 3, Jude 1: 19).

PASIAN ZAU KUMPI NASEMTE ETTON VAI

Tami toh kisai Bible apat leh leitung vaihawm Pasian jau mibang zat ahiei eaten iphattuompi thei ua, amaute banga Politics isai theina dingun tamlou anuoi ah enkhawm nailai vai ei, amaute ahileh:

Bible sungah:
Bible ah genthei ding tampi umnanleh mi-4 te hinkhuo tomkim in anuoi ah enkhawm vai, amaute ahileh:

i) Pasian zatat mama Danial in Babylon kumpi vaihawmna napi’n athuzaw mama hi. Dan. 4: 27 ah, Danial in kumpi Nebukkadnazzar kungah, “Leengpa aw, ka hing thuhilnate tawpsan inlen pomtah hihen; na khelnate tawpsan inlen sildih bawlin, na gitlouna tawpsan inlen, mi genthei tung ah khotuona langsah in. Tamte’n na nopsahna asusau khamaw sih ding hi” achi hi. Danial in hangsan tah leh chiengtah in leengpa lamdih ana koh mu hi. Danial ahileh Babylon gamsung pumpi ah houtulien leh mipilteng zousie tunga upipa ahi (Dan. 2: 48). Denial in leengpa vaihawmna innsung ah dinmun thupitah nei a, tuami banah aman leengpa dih leh tang a vaihawm dingin thuhil hi. Danial in kumpipa thupia ajuilou ziehin Humpi kulsung ah kumpipan khe nanleh ajuipa Pasian in Humpi hon akipat Danial humbit leh kembit hi.

ii) Joseph in Aigupta a Pharaoh vaihawmna nuoi a upipa khatin ana pang hi. Bible ah Pharaoh vaihawmna ah Jospeh in ana thuhil zeldan imu hi (Gen. 31: 37-44, 42: 6, 45: 8-9).

iii) Baptispa Johan in Kumpi Herod Antipas, amimal khelna ziehin a taihil thu imu hi (Mt. 14: 3-4, Lk. 3: 18-20).

iv) Sawltah Paul in zong Kaisaria thonginn a khum a aumlai in Rom Governor dihtatna leh mani kithununna leh Pasian vaihawmna hing tung ding thu ana taihil hi (Acts 24: 24-25).

v) Exo. 1: 15-21 na sungah Pharoah in Hebrew pasal naupangteng tha chimit dia Order asuo lain, Shiprah leh Puah ten Phoroah thupia sangin Pasian thupia “Tualthat sin” azuizaw ziehun Pasian in aguolzawl hi.

vi) 1 Leengte 18: 4 ah, Jezebel in Guolneite tha siengdia thupia abawl laiin Guolnei Obediah in amaute ahin theina dingun kohawm sungah phuoldap in, nei-le-dawn ding ape ngam hi.

Bible toh kikal Kumpiten Dan (Law) ahing bawl chieng ua, gingtuten douthei ahidan tamna igente apat zilkhiet thei ahi hi.

LEITUNG VAI AH

Leitung ah politician genthei ding tampi a ua, nanleh mi-2 hinkhuo tamlou anuoi ah enkia vai ei, amaute giel ahileh:4

i) William Wilberforce: Ama ahileh 19th July, 1759 in Yorkshire Suolam, Hull, London mun ah apieng hi. Baptist minister leh social activist khat zong ahi hi. Kum 21 (1780) apha in Britist Innpi ah, Hull biel akipat M.P. din ahing lut hi. London khopi ah khotang nasepna ah athuzawsem in a hinglut kia hi. Ama hunlai in agam sung uah “Suoh-le-sal a sum suina umpen abeina din House of Common ah hangsan tahin kum tampi lungkelou in ana tangkoupi hi.” Aman “Abolitionism” a tangkoupi khu Evangelical Khristianity Thugin apat piengkhie/ kilakhie ahi hi. Aman Pastor John Newton, “Amazing Grace la phuopa leh Suoh-le-sal a kimat ahoiloudan mukhepa” khu “Spiritual adviser” din azang hi. Kum tampi lungkelou a atangkoupi nung ashi masang deu ni-3 akivat ni’n tami (26th July, 1833) “Slave Abolition Act” innpi ah lemsah (pass) in ahing um hi. Suoh-le-sal a sum suina suhbei ahinua in William Wilberforce siltup dang khat ahileh, “Silhoilou, Umdan; gamtatdan toh kisai a gitlouna, khelna, tatletna, hiamngamna leh adang dang Khristian gamtat dia kilawmlou zousie Vaihawmna Innpi tungtawn a suhbei ding. Kikhailup ahiei, kigawtlup ahiei ten silhoilou asuhbei sih ding a, mani phalna kipie a nasep zousie khu gitlouna kipatna ahi” chi khu apeipi ahi hi. Tuachi’n, William Wilberforce zong Flu natna ziehin damzou nonlou in 29th July, 1833 kum in, ama tahsa kum 73 apha in Codagon Place, London, United Kingdom ah amuolliem tahi. Kumpi vaihawmna sunga Issue khenkhatte Political action henglam dan theina dia Pasian jau leh thudih dinpi ngam te’n gamsung kivaihawmna ah heng lamdang thei ahidan ahing zilkhe sah hi.

ii) Martin Luther King Jr: Ama ahileh 5th January 1929, Atlanta, Georgia, United States ah ana pieng hi. Ama zong William Wilberforce ma banga Bible zilsahna jui a dingkip khat ahi hi. Aman apeipi/ atangkoupi ahileh a gam sunga “Mingou leh mivom kikal a kidaidanna suh bei ding” chi khu ahi hi. Tamte toh kisai a “Civil Right Movement” lamkaitu khat ahi. Aman khotang a kihuotna leh kimudana adim khu pansan bulpi a anei ahileh “Kingaidamna” chi khu ahi. Ama kitheina khat ahi kialeh “I Have a Dream” chi khu ahi. Luther a dingin ngaidamna khu “Khotang kisesa tungding tha na dia khotang sietna douna dinga Khristian galvan ahi” ahi hi. Ama ahileh 4th April, 1968 kum in, ama tahsa kum 39 ahi in Memphis, Tennessee mun ah ana muolliem tahi.

William Wilberforce leh Martin Luther King Jr bang conviction nei Khristian politician igam in akitul moh hi. Thutah, thudih, leh thuhoi thei pumpum a Innpi vaihawmna sunga ahing tou chieng ua Sum amla nazieh a amite gentheina leh chimohna, nuoisie a umte manghil thei tu khangin Politician kidei nonlou akihi man in, Pasian jau, khotang leh amite bitna dia Sum amla lou akidei mama tahi, na chisih uh mah, nou zong…?????

KHRISTIAN POLITICIANTEN ATHEIDIA HOI KASATE

Tami toh kisai kei mimawl mudan tamlou mawltah in hing kum vang ei. Khristian Politician khat na hileh, na thei dingte:

i) Galvan toite panpina toh na lawching leh amaute deidan leh lemsahpi khu na jui ngai dinga, na mite gentheina leh chimohnate ah dei bangin panpina nasep nabawl jou sih ding hi.

ii) Khristian politician kahi na kichi ngal leh, Vote Capture, Force leh Sum hawm a kaidin kisah sin len, tamte panglou a na mite deisahna toh kaidin kisah ngam zaw in.

iii) Khristian khat kahi, mi piching khat kahi na kichi ngal leh, na Vote suilai a na thugente, thuchiem na bawlte manghil vawt sin!!! (Thuchiem bawl a zawploute kihai tuonlou ahi hi).5

iv) Gam leh muol (leitang) Chi-le-Nam kal bitna susedia Sum tampi piadia jol a na um hun chieng un, Sum sangin Gam leitang leh chi-le-nam bitna ding telngam hing hizaw ta un.

v) Lawchinna ding deina zieh in na mite (Innsah, innhang) dougal melma a ki-en din siemkhiet sawm sinlen, dougal melma a ana ki-en kha aum tah uleh nang vangin tuate beisah sawm zaw in.

KHRISTIAN DIHTAH NA HILEH NA MANGHIL VAWTLOU DING THUTE

Southern Manipur khu 99. 99 % Khristian dihtah kahi kichite tenna khopi ahi hi. MLA, MDC Election hun chiengin i Khristian hina uh mansuote (mipite ka genna ahi) akihi paipai ziehin, tutung “MLA Election” hun a ithei ding ua hoi kasah tamlou anuoi ah hing koi vang ei, tuate ahileh:

i) Ei mihingte pen imel ipuom uh akibatlou dung jui un, I support uh zong kibang lou hi. Tami thu ah nang hing support bang hing supportpi lou na innsah, innhang, na mite khu dougal melma et in en non sih vai… “Hattuom Lamkaite” (Upa, LCC Members, Khanglai leh Nupawl) Vote Campaign na zousie a VIP dan in kikoi non sin, na support bang hing support pi louten “Pulpit tunga Pasian thutah na gen chiengin, Vote sui a na dieng koikoi hing muten na Pasian thugen hing gingtatpi lou thei ahi man in pil vangin”. MLA Term khu Kum 5 ahia, Pasian gam nasep khu tawngtawn ahi, heipen lawching leh na ut ei? Telsiem mai in…

ii) Hattuom lamkai (Khristian dihtah) kahi kichi in, Vote zuo, ama Vote loupi khe ngam na hileh kingaitua in. India Kumpi’n zong “one man one vote” achilai a, nang na Vote na jua, nang Vote loupi (midang a, mi shisate Vote) tampi na khiet thei leh, na hina leh na dinmun theichienlou Khristian hikha ding na hi, kigelpha in!!!

iii) Biehna ngaisah manlou zen a dieng koikoi Hattuom lamkai (Khristian) namah? Juou leh nal a thugen in dieng koikoi non sin, “Limlang (Mirror) khu khatvei ake (broken) leh tua Limlang ah na mel hoitah nou in kilang nonlou ding hi, akilat chiengin 2/3 vel in na kimu ding hi.” Na deisahpen pen khu Thumna leh na Vote manpha pe lechin tua kan a hoizaw umlou hi, tami khel a na gamtat leh Khristian Dan (Law) palsan nahi kia ta ding hi….

iv) A Vote manpha Rs 500, 1000, 2000 ah jua thei Khristian nahi leh kigel pha in (vote bon kikhiet theilou zia jua). Na Vote na juajua zieh a igam hichituh a khangtou lou ahilam geldoh hun ahi tahi. Tutung a zong na jua kia leh na maban zong apeisa hun bang veve ding ahi, maban a khantouna na dei leh tunin na VOTE JUA non sin aw….

v) Candidate kunga Sum nget teitei ding, bangja ama khat election masang a loikhiet teitei ding lunggel na (i) neite uh tawpsan hun ahita hi, na deisah leh na panpi theina ding lampi sui inlen panpi zaw in, tami’n khonung adia chidamna ahizaw ding hi.

vi) Na Khristian sakhuo suh beinuom a lunggel nei, hing soisah zing Party (any party) khu Khristian dihtah kahi kichiten tuami party izawp ua i support thei zing uleh, na hina khu adihlou ahizaw ding hi, aziehpen “Miel leh Vah umkhawm ngailou ahi”.

Tamte manghil non sih vai, “Election ibuoipi bangun Pasian thutah buoipi thei talei moh… election thu ihoulim ut bangun, Pasian thutah houlim ut zaw talei moh… Mi khat Kum 5 sung alal dih i (na) deisah tuh in, mi dang khat a tawngtawn mun ding ngaikhopi thei talei moh… mi khat a dia shi ngap a na pan bangin, nang adia hing shi Jesu Khrist adin shi ngap zaw talei, igam ah muonna leh bitna, khantouna dih hing um mai ding hi”.

AKHUPSITNA

Khristian khat in Politics asaipen khelna ahi pai sih a, nanleh i politics saidan6 pen Bible leh gam kipuodan toh akituo sih leh khelna ahi hi. Politics in khotang ah hoina, muonna leh bitna hing tun ding ahi chi theina pai, lal utna zieh a Khristian dan toh kituolou pi a Vote gu (capture), Vote lei, force zang ichite Pasian masang ah sil kidah huoi ahi hi (Ps. 119: 137, Jer. 9: 23-24, Ps. 117:7). Hattuom leh Politics tup-le-ngim kibanglou ahi man in Hattuomte (Khristian te) politiciante vanzat a ipan kha ding ikiven ding leh ipilvang mama ding uh ahi (Vote capture, Voluter, force a nasem dia Sum a goi). Politics asia kachi sih a, nanleh Khristian ten Politics isai dan poimaw kasa hi, Khristian ihi ngal leh dihtatna toh sai theilei ka nuom mama hi (Mika 6: 8). Arch Bihop Desmond Tutu in, “Khristianna leh Politics peikhawm thei na chi leh bang Bible e na sim?” chin agen hi.

Atawpna din, “Tu ahing tung ding election ah Khristian dihtah kahi na kichi ngal leh Na Vote Jua non sin, Sum dei man in Vote Capture, Voluter din kipe khe non sinlen, na hinkhuo tomnou na nei sung pen Pasian leh na mihinpite chidamna ding, bitna ding leh muonna tuntu hizaw sawm tavai, Hattuom lamkai (Belampu) na hileh hing pilvang in, dachia Pulpit tung a na Pasian thugen minten angai nuomlou kha ding zen in Vote campaign in hing dieng koikoi nonsin” chi khu simtute kunga ngatna ka hing bawl hi. Thupil khat in, “Na tawm (Jump) masang in na tuhna ding en chienin” achipen manghil sih vai aw….. na Vote nang ma thuneina ahi, na zatkhiel leh nang leh na gam miten athuoloh ding hi, pilvang chiet vai.

Khristian ihina utoh Pasian leh Bible deidan bangtah a Vote khe thei chiet tadin simtu zousie Mangpa Pasian in hing guolzawl chiet tahen

Lungput dih leh Nunnopna

0

Lungput dih leh Nunnopna (Positive thinking and mental relaxation)

Nunnopna sangin hahsatna tamzaw abang a, nopna tahtah umlou bangin a ngaisut thei hi. Ngaisut thah lechin, na upat nung sangin na naupang/khangdawng hun sungin nunnopna tamzaw na sa ding hi. Tammi in agennop ahileh, leitung ah nopna sangin lungkhamna tamzaw, ahisihleh lungkhamna sangin nopna tamzaw china ahisih a, eima lungsim put dan dungzui a kinga ahizaw achina ahi.

Nunnopna bang chileh piang ding?

Aziahpen, leitung ah nopna-hahsatna ituah chiat uhi. Kibang chiat sih nanleh i siltuahte uh pen eima thuahkham siltuah ahi chiat hi. Tuaziahin, tambang silte pumpeel thei ihilou ziahin, Nunnopna i neithei na ding un, isiltuah zousiate khu imaituah dan, ipom dan, ilaah dan ihenlamdang ngai ahi. Tuachilou in nunnopna toh iki gamla mama kha ding uhi.

Mi khenkhat siltuah dan enta lei: gua azut leh, Gua (rain) zong ha zutna lomlom e, ni asat leh Ni (sun) zong ha satna eu-ou e, chi in phunphun uhi. Tuabang sangin Pasian hoina zaal in guazu-nisa chi’n Pasian kung ah kipahthu gen lei Pasian itung ah kipaah in a lungdamna eite tung ah kilamet huai zawlou ding amah? Tuabang lungput hoilou inei leh ihinkhua ah nopna leh kipahna inei vaang mama ding hi. Tuazaihin, lungput hoi (positive mind) toh silzousia la henla hi lei ihinkhua ah nunnopna leh kipahna a um zaw ding a, tua khu eima Tahsa, Hagau leh Lungsim tawldamna asuah zaw ding hi.

Tambang lungsimput hoi toh silzousia ahoilam vive a i lathei ni chiangin ihinkhua a kilamdang ngeingei dinga, mi lungsim tawldamte leh mi gualzoute i suah ding uhi. Aziahpen, sil bangkim ahoilam ngen a na et leh, ahoi lam vive in na mu dinga, tuate’n ang thahal sah dinga, chidamna, lungnopna hing pia in, hing hatsah ding hi. Saap thupil khat in, “nna hasep ziahin koima’n kiamna/shina a tuahsih a, lungkham, lunggeel, ngaisutna nasatahte ziahin thahatna/pilna/lamzanna te apat in ang kainiam zaw hi” achi hi.

Tam khu adih ahi, mi tampi tambang a buai katheite lah ah khat hing gen vang. Mi khat pen pil mama leh laisiam thei mama khat ahi. Saapte’n daydream achi uh, zungolvei, khamthei addict te bang a lupnatung, toumun, lampai lai nangawn in silkhat khawllou keei in ngai sutsut mai hi. Tuabang a ngaisutna in mingol lah hi deulou, apil lah hideulou hinkhua atutlaw hi. Tua ngaisutna khu bangdang hilou in, mabaan hausat/nopsat ding dan – duthusam ahisihleh mite apat asiltuah alungkimlou daan, athangpai dan, hibang silte ziah a hichia bawl ding chite bang ahitangpi hi. Ama pa’n tambang ngaisutna aselam ahiziahin koima toh kituahthei tahtahlou ama lungphut dandan in ahinta a, silzousia aselam in alata a, ama ah nunnopna melmu ding a um sih a, Pasian lam zong ngasah in aneithei tasih hi. Tambang silte khu sawltaah Paul in “tam leitung hindan toh kituah in um sih unlen, hinanleh Pasian deilam hoi leh pomtah leh hoibukim bang ahiei chi na thei chienna dingun na lungsim uh atha a um in hing lamdang zawta un” – Rom.12:2 achi khu imimal hinkhua in ahinpi khalou ziah ahi hi. 

Teehkhinna tuamtuam ensuh vai

Nopsatna ding ngaisutna hi in, lungkham-daahna lam hita leh tambang a avaal a ngaisutna mihing khat in anei chiangin, ama a dingin poison tobang ahi hi. Aziahpen, alungsim ngaisutna sukha mama ahiziahin lungsim buaina (mental affect) anei ngeingei ding hi. Tuaziahin tuabang mi khu hindan pangai a hing bangin um nanleh buching zou deulou (avaat hiau) kichite bangin a um ding hi. Hinanleh amapa-amanu pen angol chu ahi tuansih ding hi. Tambangte khu natna chikhat ahitaah ziahin lungsim chouh buai hinonlou in khovel hindan pangai zong ang subuai dinga, hagau lam tanpha zong ang nongkai sah ta mama ding hi. Tuabang hinkhua zangkha mi in Nunnopna atasam mama ding hi.

Medical lam telsui mite’n agenna ah, mihing khat surgery-operation aki bawl chiangin, silzousia ahoilou lam a la gigete sangin, ahoilam a la gigete adamdoh bai zaw uhi achi uhi. Aziahpen itahsa ah natna hit neunounoute thattu a um a, tua khu lungsim hoi put mite tahsa ah ahat diah hi chi’n asui khia uhi. Tuaziahin sil aselam a la gigete sangin ahoilam a la gigete a damtheihna uh a hoi zaw hi.

Tuabaan ah mi koipou in Philistia mi Goliath khu a haatna leh a zauhuaina te ngen amu lai un, naupangnou kumpi David in Pasian panpina toh kizou ding ahi chi amu hi. A hoilou lam lungput sanga, ahoilam lungput toh naupangnou kumpi David in a enta a, tuaziahin koima zozoulou Goliath tung ah gualzawna atangta hi. Tualeh Kanaan gam enkhia mi 12 te lah ah mi 10 te zauna-litna, huphulna te toh asilmu uh angaisut ta ziah un Gamchiam khu lazoulou dingin a thupuuh ta uhi. Hinanleh Joshua leh Caleb in a silmute uh etdan dih leh ngaisutna dih toh pan alaahziah un Gamchiam gam khu Israel te khut ah piahkhiat ang hita hi.

Nunnopna masang ah kiniamkhiat na

Upa khat in tambangin ka houlimna uah agen hi. Ka piangthah masangin, meeting leh ngaidan kikup khawmna um tengin kei ngaidan ang pompiah masang tan uh ka pawngpan zel a, tuachi’n kibuaina, kihauna, kiseelna a um leng hi, achi hi. Hinanleh kang piangthah apat in keithu (idea) akilalou dingsa bang in ka geel a, tanvou kihawmna, neehkhawmna chite ah zong atangzou lou dingin kakikoi pei a, Pasian min in silbangkim kei deidan a pailou ding sa a kaki koi leh ka nun anuam mama mai hi, achi hi. Aziahpen, Paul toh atekhin theina khat ahi leh, a ngaidan alomte’n apompiah chiang un akipaah a, apompiahlou chiangin zong apona nawn tasih hi. Tambang kiniamkhiatna neipum a gingtu hinkhua ikisahkhol leh lungsim nopna, tawldamna leh hagau lam pichinna manaw in ipei tou zel ding ahi.

I siltuahte eima deidandan in hithei sih leh zong ilaahdan, imudaan, ingaisutdan, ipomdan te dungzui in i Nunnopna akibang sih ding hi tuakhu eima mimal ah akinga hi.

Simtu zousia itanchiat ua dingin Pasian in sawltaah Paul banga, hausatdan siam, zawndan siam, puahdan siam dingin hing gualzawlsah ta hen.

A next ah na sim ding in

Good Evangelical Christian

, 0

A Good Evangelical Christian

Tavang ninou suah kilom tah toh Tuilaphai vangkho apat in chibai!

Tunin Mangpa’n na thumnate hing jahsahta hen!

Tuni Topic: “An Evangelical Christian”

Introduction:

The Lainat Huhhing na Camp a 5 veina Songkot khuo (a gen nop in Henglep bial) ah khuo 7 kigom a camp hina pi khuo 18 akipat mi 70 val hing pai khom uhi. Khuo Hausa 4 vel, hattuam pa 3/4 vel leh kum 60 tung lam 5 vel tel in ni 4 ki mang in lawching tah in ka chai ta uhi. Thugen siam leh aw ngaih man hilou in awlawl a Pasian Thuhing lai natna toh ki gen in mite hinna tui suah sah hi.

Kani kichinna gam- a mun pi ahia a, koi man lungtung ah gospel lut jou non lou ding aki chi lai in Pasian Hagau in AThu tungtawn in lut sah jung jung hi.Cross thilbol thei na in khen jaan la neu lou hi. Gospel. Power um nalai mai hilou in a ngeingei hinalai.

Thum sah tute jieh in kipah thu ka gen hi.

Janni jing kal in Songkot khuo apat scooter a hing tai in Tuilaphai Hausapi Pi Pari inn ah ann tui tah ka ne uhi. ama inn ah sunni tum in ka tawl dam uhi. Nitah in Rev Seiboi inn ah fellowship nop ta ka nei uhi. Tujing kal in Lamka juan vang in, jing ah Shillong lam ka juan ta ding hi.

Thumpi te tung ah kaki pah na ka hing puang hi:

Topic ah lut ta vai: Khovel pumpi ah Christian billion 2. 56 lam um ding hi.

Hinanleh christian jousie Evangelical hilou hi. Christian kichi jousie Prostestant hilou hi. Roman Catholic tampi um hi. Protestant christian jousie evangelical christian hilou hi. Evangemical hattuam kichi denomination a tuam in tampi um hi. Evangelical Christian kichi hattuam jousie Jong evangelical christian hi tuan lou hi.
Tualeh piangthah leh gingtu phot jong evangelical christian hilou hi. Evangelical thugin hoi tah a pom a, hangsan tah a defend bol te jong evangelical christian hi tuan nai lou hi. Evangelical church min a ki vaw leh evangelical christian ka hi chi man a evangelical hi sese lou hi.

Tualeh evangelical hattuam nuai a umlou jieh a evangelical chriistian hilou ding chi na um tuan lou hi.
Ajieh pen RC,AG, Baptist, Fundamental , presbyterian, Methodist, Mennonite, Anglican te lai apat in jong evangelical christian hoi tah tah um hi. Alang khat ah evangelical hattuam a ki vinvaw te lai ah evangelical christan hilou tampi um hi. Amin a Evangical hattuam aum ahi vang a ahina leh ahindan evangemical hina ( characteristic) Toh ki kal deel gingtu tam hi.

Ahi leh Koi te hita evangical christian?

Evangelical Christian hina te:( Characteristic)
Evangelical christian a thugin hoi tah in thei a, chiamte in, tudet a, gum hi. Thugin siang set nei hi. A hui nun na lamlam dellou hi. Pasian Thu Bible ah pil vang tah leh det tah in ki ngam hi. Himi thugin kal te muda leh hua lou in ahivang in Compromise lou hi. Itna toh confront hi. Midang te hua leh mu da kawm in a thugin veng bit som lou hi. It na leh lainat na toh athugin tudet hi.

Evangelical christian in Christ tatna leh Gospel thupi ngai jing hi. Khujieh in evangelical christian te um na ah camp, crusade te gen hah lou hi. A hi ding sa ahi. Hagau matna ngai nep ngei lou hi. Evangelical hattuam kichi a hagau mang matna ngai poi maw non lou hattuam khu evangelical ki chi thei non lou hi.
Evangelical hattuam in missions khu hattuam nasep ding mawng in ngai uhi. Api bol Pen lou thei lou hi. Nei leh nei lou hilou in, hattuam neu leh neu lou hilou in mission pi bawl pen uhi.

Tualeh evangelical christian ten Pasian toh akikal buaipi pen uhi. Thumna, Bible sim, Ann ngawl thumna, jann thumna, chi te serious ngai hi. Moh hoi a, moh chitah, moh thutah, moh fel gingtu ah hun lou hi. Komiti fel, biah in kai tai ma, sum piah lam hat, sa khuo mi, chi te mai ah hun lou hi. Pasian toh aki kal niteng in ngai poi maw in Quite time, personal devotion te serious mama uhi.

Tualeh Evangelical christian te siangthou na hinkho lam ah highest standard maintain uhi. Pasian ging kom a ut ut bol, ut ut neh thei, ut ut na bual thei hi lou hi. Gamgi ki chian tah leh hoi tah in nei in tua sung ah pilvang tah in gam ta uhi. Mun jousie, thil jousie, mi jousie toh ki compromise thei pai pai lou hi. Pil vang tah leh hepina toh khawvel apat ki kaang koi dan siam uhi.

Evangelical christian in tulai bawl dan thah method thah te nual lou in a hoi lam jui pai ding in mansa in im u hi. Ki kheel, ki siamphat welcome jing hi. Church reformstion, renovation welome mai hilou in a abul Pan in pang uhi.Worship style hi in tulai vai thil phot welcome in jui pai pai hi.

Ahiin tulai bol dan thah te a jui pai pai lai in Thil lui a hoi te pai mang lou hi. Pasian thu tah nusia (compromise) lou in thil thah pilvang tah in la lut u hi. Athah phot moh kipapi lou hi. Athah a guang lut lai in alui a hoi te pai khia lou hi.

Atung ate ban ah thiltampi gen di um nalai va. Ahiin igen ut khu tulai evangelical chistian leh hattuam te i pol tee dan uh, i min ua evangemical kichina pi Evangelion- Gospel toh ihin dan uh aki tuah lou dan uh chi jat huai hi. Hattuam tampi in evangelicak hattuam min pua ding in i chit non lou hi. Ajieh pen evangelical hina tampi ipai ta uhi.

Tualeh evangelical hattuam kichi lou ahi vang a Evangemical christian hina igen te hoi deu a jui um hi. Tuate khu evangelical christian ahilou na uh bangma um lou hi.

Evangelical nuai a Hattuam pastor a evangelical lou dan dan tampi um hi. Evangelical / fundamental kichi hattuam nuai a Upa fel mama, hoi mama, chi tah mama, ahi vang a Evangecial christian dinmun tung nai lou mihoi tampi ka thei um hi. “Hia lamkai hoi mama napi evangelical chritian chuh hilou aveh” chi thei tampi um hi. Mi hoi mama, evangelical hina teng jui in ahi vang a Evangelical thugin ngai sah lou mi hoi tam um hi.

Evangelical Christian ki chi thugin khau mama , hattuam dan jui mama ahivang a Pasian toh kal
Ngai sah lou mi hoi tampi um hi.

Tuni upa hoi mama, pastor hoi mama, gingtu hoi mama, ahivang a evangical christian tan tung lou te da huai kasa hi. Evangelical hina te tan tung chiah lou te da huai kasa.

Tualeh evangelical kichi a evangelical Christian hina point 7 te theipha lou te jong poi kasa hi.

Adiah in hoi mama, chitah mama, fel mama Ahivang a evangelical christian hichiah nai lou te dahuai in pammai kasa hi. Ajieh pen hoi na pi a khanlet hattuam jieh in hitan tung thei mama lou hi.

Tunin bang hattuam denomination nuai ah um nan le chin atung a point 7 te toh na ki tuah leh evangelical christian hoi tah na hi.

Evangelical fundamental nuai hattuam min hoi pen ah um nan leh chin atung a point 7 te toh na ki tuah lou leh evangelical Christian na hi nai sih hi.

Tuni Hattuam pawl tuam tuam te apat in Evangelical christian dih tah Pasian in hing ki belap sah ta hen!

Kipa huai e!

Tuilaphai apat Tv Gunlian toh scooter in hing ki pan ta va ung!

Also

Pastor Dr. Dongzathawng
Fellowship of Thirsty Souls and Hungry Hearts!

VOW, NEVER TO ADVERTISE YOURSELF

, 0

Thisrty Souls simtuteng tuni’n NEVER VOW TO ADVERTISE YOURSELF chi topic tungtawn in Pasian hepina leh khotuana in tunin hing vuhkhum ta hen!

Introduction:

1) Kei ma mimal mu dan in Mangpa’n Sajik Tampak khua kum bangjat e khat a nutsia nung a Pastor Muan leh Pastor nu Mary thumna leh ministry hapan jieh a Pasian in hing ve kia, hing puatha kia in ka thei hi. Huikhuo gih te awlawl a ki hoh in Hagau Siangthou pawlna huikhua damdam a hing tung kia in ka thei hi. Nupite biahin nusialou a lapawl jil leh thumte imu chiang Pasian thu dangtahna lianpi hing tung in ka mu hi.

2) Tuni jingkal a Imphal lam direct a juan ding ka hi ta uhi.

3) Manti Pukhri Reteart Centre a Imphal Area ECA- pate camp pen jing nitah a kipan ding ahi. Hing na thumpi vole… ka lin gu mama hi..

4) Ka nutsia ding Sajik khuo leh amite ka ngai hi. Mangpan tangbang dam hun khat kimu kia dingin hun hoi hung bawl sah kiata hen!

Thumpi tute jieh in kipah ing. Hing na support nalai un maw!

I thupi uh NEVER VOW TO ADVERTISE YOURSELF ah lut ta vai.

Issue masa in “ vow, never to defend yourself” chi i houlim a, Tunin ahileh “ Vow Never to advertise yourself” chi i houlim ding hi.

Youtube en lei a hun teng in adverisement dim hi. Mite’n a company uh, a product uh leh nasep miten a deitheina ding un sum tampipi seng in ki advertise uhi.

Achang ah tua ki advertise te khu ahoi di sa in ki order kha jel hi. Thil him him aki ha adverise te khu aki khawng nonlou vanlui hi ut hi.

Ahoi te ki advertise ngai nonlou hi. School jong athahte adverise hat ngai hinanleh a minthang sate khu miin va dawpthawta hi.

Tunin speaker or preacher or pastor hina ah tamvei pi ei leh ei miten ahing dei , ahing am, ahing ngai sangna ding ihina, i nasep hoi, i lawchin dan, Pasian in ahing jatdante ki tahlat ding temptation hat mama hi.

Adiahin speakerte bang mite’n program ading ahing invite na ding ki chial sah or ahing chial na ding ua ei leh ei ki adverise bailam mama hi.

I crusade na piangthah ki lante lim, mi lim leh lam kipahte vedio clipte bang tahlat ut huai na temptation hat mama hi. I thu genna mi tamdan, i program a tam dan, i buai dan miten ahing deidante ki suhlat ding temptation um tham hi.

Ajiehpen i mantam dan, Pasian in ahing jatdan mite’n ana thei ua, ilimte, dawi idel khiahte, i thumdam sahte, i thugen na piangthahte mite’n a na et ua a kinkin a hattuam ua ang chial kinkin ding temptation hat sih leh jong um thamtham hi.

Khenkhat in hattuam commitee a bolthei, mi chialthei ding a theite uh bia siam in ki invite sah na lampi khuat siam uhi. Seminar, camp, crusade, conference a hing chialthei ding a key personte hoibawl in biahdan siam uhi…

Khenkhat ahing ki chialna ding a Pasian thutah genlou in comittee te lungkimkimna ding thuhoi pipi ngen gen uhi. Khenkhat in amaingapte uh kung uah “bang ding a nang chial nonlou uh” chiin a phul in phul thaw hi (ken jong ka na chhing ngei hi).

Tunia i gensom khu: khawvel mi Medical Dr, lawyer, Salesmen tuamtuam te’n vang a ki advertise siam dandan in cumstomer nga ding uhi. Ahiin ei pastor, preacher, singer te’n vang I Lal Jesu khu ih adverstise ding ahi. John in “Ama sang semsem ding. Kei ngiam semsem ding” chi hi.

Achang ah i program neute koima ki musah utlou in mite thei ding ki jum a, i program liante mite theilou kha ding kilau in khovel pumpi mu di’n ki tahlang hi. Tunin ei ma mongmong ki genlang, ki genhoi, ki gendih, ki advertise lou ding in ki chiamna la in “to keep that vow the rest of your life” chi bawllei Pasian in a kul leh hing advertise thei mama ding hi.

Tuni’n bangtan i hina i fuhna, i bolhoi i tahlang jou ei? Chi hilou in bang jatah in ei leh ei ki advertise lou ding in iki sumjou ei chi khu i kilatna ding ahi. Bangjat tah in himi temptation khu i nangjou ei chi khu i thupuh ding uh ahi.

Mangpa’n a lung tunna, a jat ut te khoi mun ah ki phual chip in, ki hem mangmang nanleh Aman a suhlat dan, a dopsang di dan thei mama hi. Tua Pasian hun ngahjoulou a ei leh ei iki suhlat sawm leh Pasian in hing lakhia in hing pampai kha jaw ding hi.

Ahi, na bol thei, na gensiam a, gen ding sah ding burden tampi na nei hi. Hinanleh Pasian in tuate kuakua nalai ding, vomvom nalai ding a hing dei nalai himei thei hi. I thei teng, i puahnat teng tu leh tua sua khia ding a Pasian in hun sa nailou hi thei hi. Pasian in a hun leh a mun ngahphot zong hi kha maithei ding hi.

Ei leh ei ki advertise iki sumthei dandan in Pasian in hing advertise ding hi.

Achang ah i programte thumpi ding or iki jatna lim thupi tahtah kipah thu genna ding a i postte ana en ten thumpi gige khollou uhi. News item dan in en mai ua ki chaita hi. Ei ma lungkimna dia ki tahlang bang hi. Ahiin mimal leh group i postna ding um mai thei ma ven.. ahiin ataangpi in atam jaw in hing na thumpilou ding uhi. News item dan in en ua ki chai mai hi.

I kiphual iki imjou tantan in Pasian in ei hing na advertise ding hi. Lungkham sih vai. Ki tawldam in ama khut ah kikemsah vai. Aman apoimawna mun leh hun ah bangma in daltheilou ding in hing guanglut ding hi.

Ei ki guang lut, ei ki invite sah, ei va ki khum lut te bawl nalai stage khu i kaan uh ngai ta hi. Khenkhat ama uh ki phual siam nanleh atapa atanu suhlat sawm tei tei – midang te gen phat ding ten ama uh ki gen siangta uhi. Mite gen phat na ding khen lou khop in ama un atate hoina uh ki gen siangta uhi.

Product hoi, school hoi, dr hoi, nungah melhoi, Pasian mijat lasa siam, thugen siamte ama uh ki phualphual nanleh mi’n va sui khia veve uhi. A ki advertise hat te khu quality hoilou, min adeilou, a ki khawnglou te hi ut jaw hi…

Mose te, Paul te. Samuel te, Peter te Pasian in a ki phualna ua pat va hankhia veve uhi. Atahtah in na ki phual, na ki im na in na quality khangsah in gih sah jaw a ei leh ei ki expose tamna in ih value kiam sah sah jaw hi.

Pasian lenggam leh khawvel lenggam ki batlouna khu ina gen sasa bang in:
Pasian lenggam ah: aneute khu lian a, a ngiamte khu sang hi. A liamte khu tuamdam in um a, a damloute khu adam ahi. Ahatloute khu ahat ahi a, ajawngte khu ahausa ahi. Ama ki gentawmte khu miten gen tam a, ama ki phualte khu suhlat in um hi, amawte khu mipil ahi a, a niinte khu siangthou sah in um hi. Tua bang ahi. Khawvel lenggam toh bangkim kikal ahi. Ahiin ei ten Pasian lenggam ading in khawvel lenggam paidan i bultuah sawm hamham jel hi…

Tozer in “leave your reputation in God’s hand” achi ka thei kha hi.

Mangpa’n ki advertise nonlou dingin i kam i lei hing vengsahta hen!

Also

Pastor Dr Dawngzathawng
Devotional # 36 ( Vol 4)
Fellowship of Thirsty Souls and Hungry Hearts

HINMAN UMLOU NA KISAKHA ZEL EI?

, 0

HINMAN UMLOU NA KISAKHA ZEL EI?

HINMAN UMLOU NA KISAKHA ZEL EI?
 
Na hinkhua ah, lungkham-mangbat, leh ki ngaisiat vungvung hun na tuahkha tai? Kenvang kana tuahkhata hi, khumziahin leitung ah hinman um sih e zong kana chi kha hi. Hinanleh Pasian hoina, iitna, leh lemgel siamnate ziahin tunitan dam in ka um nalai hi. Tamlou hing share zual vang aw?
 
Ki ngaisiatna hing kipatna khu eima gitlouna, tatkhelna, bawlkhelna, leh hinkhua a tuasiat-vangsiat ituahkha te ziahin ahi ut deu hi. Tamteng baanah Pasian mapui dan itheisiamlou ziah zong ahi ut mama hi. Tuni’n eima khelna ziah a kingaisiatna lam gen vai. 
 
Pasian deilou bang silte bawl khu hoi nanleh khelna ahi (Thamlou in Pasian toh ki melmaatna ahi). Pasian deilou bang silte ibawl ziah in Amatoh ki melma leh ki dou ihita uhi. Tamte ziahin ihinkhua pen nopsatlouna toh apum dimta hi. Biahinn ikai a miteng in i gitlouna mu un i nunglam apat hing dapkawh uh hileh kilawm in lunggel ang um panta a. Mi kihoudap imu leh ang gensia hidi’n lunggel inei paita mai uhi. Sermon ingai leh ei kawhna a kigen bang in iza ua, deisahtah a khat in itanchin ang kan chiangin nou bang na hituam uai? chi in lungsim gilou i paaipai uhi. 
 
Tambang zousia khu eima khelna ziah a sil umte ahi zaw hi. Aziahpen lungsim hoilou ang neisah a, koima theipi lou pi in lungtang sou vitvit in bang i umkha leng uhi. Thamlou in i sep i bawl taphot ah miten hing thangsiat in, a dihloulou a hing gelgawt uh hileh a kilawm hi. Mite’n i umdan lamdang sa in gen leh sah ang neitah chiang un tuasang in naahpi in ilungthah deudeu ua, kinuahtuah leh kilungthahtuah in i um leng uhi. Hoilouna pen eima apat hing piang ahi a, tuapen Pasian thu hinpilou na ziah ahileltah hi. Aleh bang chiin i siamhoita di uai? Point khat leh ni gen zual vai.
 
Pasian thupina di’n hing gen vang. Tambang hun katuahlai in biahinn ah laapui in bang ka pang a, koima theipi lou in aguuh in zum mama leh hagaulam gawh viamvuam in ka umkha leng hi. Tambang hinkhua tuahpumpum a kikhopna leh Pasian thulam ka khawlsan tuanlouna aziah ahi leh Pasian ta ka hita a, ka khelna te ziah a zumna leh mualphouna ka tuahte ziah a ka Pasian apat taimangthei ka hituan sih hi ka chi ziah a keima leh keima kisiamphatna lampi del a Pasian mai a ki pong bawl kahi. Kisia a kisiamphatna neita nanlei ilungsim, ingaituahna, leh itung a siltung te normal tah a ang um kiana ding in hun sotpi (10yrs about) bang alut hi, Luka laigialtu in meithainu’n lungkelou kei in thukhenvaihawmpa kung ah atungthu dihtah a vaihawmpiah dia a ngetnget leh atawp ah vaihawmpan atungthu aleelpia maitaah bang in (Luke 18), Mangpan Ama toh kizopna suhthah na ding in zummawpan top a pan kalaahnate kumsawm (10yrs) zoulam in hing ngaikhiatsah in hing suhdam sah veve hi. Mangpa phat in um hen! 
 
Tuni’n ka genthei-hahsatna te leh ka siltuahte ka hinpi ngaapnonsih hi ichi kha maithei hi. Hinanleh unaute aw, Mangpa mai a ngaidamna ngeenthei a hinkhothah zang dia kihenna ding hunpha inei lai sia akikheel nailou ahizaw hi chi thei vai. Ki ngaisia a eima leh eima hinna kilaahsawm mai chite bawllou keei ding ahi, tuate sangin iit tah a hing ngaah zing iMangpa lam zuan zaw vai unau. Mangpa’n lungsim tahtah a Ama deibang bawlta ding a ikipiahkhiat ang ngaahzing hi. Giitlouna leh hoilouna neitalo lomlomlou hi veng aw chite sang in, ka gitlouna Mangpa’n ang ngaidam zouna diai maw chite khu Pasian toh kilepna lampi ah aki naizaw uhi. Pasian in atenna dia a siamsa ilungtang ahi (1 Kor.3:16). I lungtang neitupa Pasian in a tenna innmun dia asiamsa ilungtang eite ang kepsah (1Kor.6:19) ahi zaw. Tuni’n iMangpa’n aluah utta hi, na pephal ei? oleh na pe ut sih ei? Pasian in a sisan a aleisa ahi (1 Kor.6:20), na piahsih leh khatvei chiangin a sisan man ang phuul ding hi, tua ni chiang in bang na genta diai?  Ngai vawi unau gingtute leh gingloute a ding in lampi a kibang khat chouh a um hi. Tuapen Pasian deilou bang a hinkhozatna tawpsan a Pasian deibang chouh a hingta ding a lungsung apat pusuakhia in tahsa hinkhua dong a kisiamphat na khu ahi. Aziahpen tambang a ginna leh kinepna nei a iMangpa mai a kipuangkhia mite a ding in ikhelna teng ngaidam chouh hilou a sawpsiang ding in iMangpa amuanhuai in a ginum hi (1Jn1:9). 
 
Ka bawlthei khamkham chi’n tam lavui ka siam dohta hi
Ka phaltheilou mun nuainungpen tang di’n
Na liangvai seng hing lungsiat ing Mangpa
Chitna neilou pen hinanleng zong
Na tenna mun dia na siamsa ka lungsung
Hingtengta in tun ka lungsung a
Nang di’n hongta ing na siamsa ka lungsung
Hing teng ta in Mang Jesu aw.
 
Unau tuni’n hun, aki kheel ma in i Mangpan ang hatna bang leh ang deina bang a hinkho thah zangta ding in, hinman umlou nakisahna hinkhua nusia in kipankhe ta in. 
 
Simtu teng adiah a Pasian a dia panthah laah lunggul teng tung ah Pasian hepina umta hen! Also

VACCINE: Bawl Ding Maw Bawl Lou Ding?

, 0

VACCINE: Bawl Ding Maw Bawl Lou Ding?

VACCINE: Bawl Ding Maw Bawl Lou Ding?

Thirsty soul member te Chibai!

Sun lai hileh zong msg hing gial mai vang. Ka Laibu project lah ngap sing. Lament Pslam part 3 zong lah ngap sing. Jing kal ka gellou khu ka gellou himai hi. Sun a gelthei ding chi hi lou hi. Khujieh in tun nitah lam a ding in a topic simple leh poimaw mama khat ki tawldam kawm in ki kum vai.

Tuni Topic: VACCINE: Bawl Ding Maw Bawl Lou Ding?

Vaccine free a kap ding a kum 45 tung lam te ka veng community hall a, ahing ki taangsapna a sawt sim ta hi. Ka na ngaisah sih hi. Ka ki naw sih hi. A langkhat ah Vaccine hoilou dan, jauhuai dan ngen ki ja hi. International level a specialist ngen in agen ahi jieh un gintat lou thei lou hi. Khujieh in ka ki naw sih ih.

Tuni’n Vaccine toh kisai: theibe ding, jilbe ding, bangma ka gen sih ding hi. Ajieh pen gen ding ka thei sih hi. Ka gen ding khu bang ding a Vaccine ana kikap lou? Bang ding a tu a ki kap ding hoi sa? chi chauh ahi.

Ken ka na ngaiven na jiehte:
1) Vaccine leh DNA toh kisai.
2) Vaccine leh Stem cell toh kisaiki
3). Vaccine leh Blood toh kisai.
4). Vaccine leh No.666 chip toh kisai( mi tampi buaina- kei chuh buai sing).

Hite zong a kip a kawi a, a genna jieh te uh ei mivan taang te diing sil hi thei hilou hi. Ki thei sah leh kithei lou sah zong ngai se lou a, aki thei lou himai hi.

Hiteng aning a kawi a va sui a, va buai pi zong ka hisih hi. Hinanleh a siam mama ding a i ngai ten ang gen chiang ua awm thei mama hi. Khujieh in ka na ngaiven nalai lai hi.

Hibang a hinna leh shina kal a i umlai a ka thujahna, ka thulahna te ka vel vengveng chiang khoimah hilou in Whatsapp leh Signal pou ana hilam kang thei tha hi. Tua pen ka ki ngai tua chiang ki ngap na taah kasa sih hi. Ngawl huai zong ka sa hi. Genuine source en ngaita hi. Fake tam mama hi.

Tua chiin kang kipan a neu khat ang sui pan ta hi. Ka ngaisang mama James Dobson in ana pat khiah FAMILY FOCUS te Show ah kang pan a, Tua jou in American a Chirsitian net work lian pen Pat Robertson pat khiah CBN Christian Braodcast Network te kang en pan ta hi. Tuachiin Franklin Graham ngai dan ka ngai khei kia a, tualeh Southern Baptist convention te sou ka tham kia hi. Tualeh alou thei lou a India ten ingai sang uh ,Zac poonen in bang agen ei chi zong ngai ven tei ngai ta hi.

Hi chi lom lom a research thupi chuh hisih. Hinanleh keima thupuhna kham chuh ka ki mu khiah hi
A tawp in hichiin thupuhna kang la thei ta hi:

1). Focus on the Family ten America a Christian doctor muan huai mama te interview abawlna ua pat in atung a DNA, Stemcell, Blood etc te toh kisai kalung buaina teng hing siang sah hi. Vaccine in hite su buai lou chi chiang tah in hil chianta uhi.
No 666 pen vang buai pi mong mong sing.

2). Zac Poonen in vang “Bang tan na ngah ding” chi hi. No 666 toh ki sai lou hi. Damdawi bol te leh aki bawl dan sui sui ngai lou in Vaccine hi in dam dawi dang phot thumna toh ka neh ahi chi lel hi.

3). Franklin Graham in ama akikap jou ban ah President Biden in pha asah leh mi tam thei pen aki kap thei nading a sem khawm ding a ut thu gen hi.

4). Southern Baptist convention te khu USA a leading leh most influential denomination ahi uhi. Tua pastor minthang pipi ten vaccine a phasah mai hilou in drive bawl in ha pang in pang ua abiah inn tan pha jang um uhi.

President Donald Trump ha pan jieh a vaccine a kin lam a hing umkhia ahijieh in Donald Trump support ten vaccine zong pawm sim chiat uh hi.

5). Atangpi a evangelical pastor lam ten hoisa chiat in ha gen in gen uhi. Pasian kung a i thumna tawh “ bang chi chiang in vaccine ang um diai” chia kithum thum a tu a Pasian in a mite siamna apiah na toh vaccine hing um ta a bang ding a nual ding? chi ahi.

6) Pastor tampi thugen: nang ma na ki it bang in na inn vengte it in chi ahi. Ih inn veng te i it leh vaccine iki kap ding ahi. Bang ding a ei natna ama uh law ding? Ahilou leh ei jieh a midangte buai sah ding? chi khu itna nasep hilou hi chi uhi.

Nang na gintat lou leh zong na inn veng te na khualna jieh a na ki kap ding ahi ajieh pen na iin veng te na buaisah leh a it lou na hi. Ih inn veng te i chi chi khu i ji i ta, i tanau leh ei ahing kem te agenna ahi.

7). Sapgam a Pastor leh hattuam vaccine gingta lou, mask jang ut lou zong um mah? A hiin hibang hattuam leh pastor te pen neu khat a jattuam deu te hi deu jel uhi. A paikhial deu, ana extreme deu, mi toh kibang lou deu mun chin ah um hi.

8) A tawpna ding ah: Ih Doctor muan huai mama te ahi ding mawng in koi ta lei: Hagau lam a i muan mama pastor vaccine ki kap jou te: Rev.Vanlalngaka, Rev.Dr. Kh.Khaizakham, Dr. Rev.Ginneithang, Dr. Rev. JM Paupu, Rev Nengzakhup, Rev Khamkhosiam, Rev Helen Singsit leh adang tampi um va. I gam a hagau lam a imuan pen te un hoina va, chia aki kap ngam uleh eite adiing in bang ase sam ding e? Hoi in bitna lou ding amah? chi ahi.

Ama uh te jong adam ut na lai uleh bang ding a eite dam ut lou ding? Ama uhten covid alau uleh bang din en lau lou ding? Ama uh ten vaccine agin tat ua a ki kap ngam uleh bang din eiten lau ding? A hoi lou hileh hing gen sah sam na lou ding maw?

Tuania bang ding a* Franklin Graham te, Robert Jeffress, Zac Poonen te leh Khawvel pumpia chiristan leader muan haui te ngai dan ka thei ut e? Ajieh pen Vaccine toh kisai en ki thei tawm mama hi.

International level a scientist te ang ki debate chiang en gintat ding pen kithei lou hi. Khujieh in FOCUS OF THE FAMILY te, CHRISIAN BROADCAST NETWORK TE, Sapgam a pastor muan huai tah tah te ngai dan ki thei ut hi. Ajieh pen ama un khawvel a Doctor siampen pen te apat in bailam tah leh kinai tah in FIRST HAND INFORMATION ana ja uhi.

EXPERT ten zong thei kim lou ma hi. Ahiin thei lou seng seng (ignorance) in zong jauna leh gin la na hing pia hi. Nidang lai a India a *TRAIN te MEIVAH te ahing um chil lai in India mipi ten dawi nasep sa uhi. Vanleng ki bawl chil lai in zong Sakhaw lamkai ten mihing khu apai ding a siam, Angel te mai a leng ding asiem ahi chiiin ana dal uhi.

Vaccine phot zong aki bawl chil lai in thu tuam tuam ana um ma hi. Tuama bang in tutungin zong thu leh la tampi um hi. Ken zong ka na en veng veng a, a tunin ka va ki kap ta hi.

khujieh in Vaccine toh kisai a buaina nei i um nalai uleh buai ngai non lou. Ken ka thei ka chi sih. Khat beh hing gen chet sah thei sih vang. Ahiin ATHEI TE genna pat in lung muang tah ka ki kap ngam ta hi. Zac Poonen gen dan in damdawi ki bawl teng a, bawl tu koi, a hoi leh hoi lou ka sui se sih hi. Hinanleh thumna toh ka ne jel hi achi bang in eite mawpuahna khu kipah thu gen a i thumna toh i dam na ding kikap chiat ding ahi.

Pastor tampi te gen bang in: “Nang na ki it bang in na inn vengte it in” chi umjie khu: En gingta sih nanlei ih inn vengte: i ji i tate, i u, inuate, i tanau tem i khua i vengte khualna i kikap chiat ngai hi. En mi law sawnlou ding, miin zong ei ahing law thei lou ding a ki sah chiat ding thil hoi ahi. Adiah in 3rd WAVE i maban ah um hi.

Nikum a Vaccine hing ki siam khiah ding kingah la mama a, kithum thum a, tuni a i kung a hing tung mai jen khu I mang lam bang hi. Pasian hepina leh Donald Trump hapan jieh ahi.
Khujiehin kipah thu gen kawm in ki kap nai nai ta vai.

I MANGPA JEHOVAH RAPHA in i dam chiatna ding un hing vangbuah sah ta hen!

Topa Thupha!

next ah: LAMENT PSLAM part 3 jom vai. Franklin Graham promotes COVID-19 vaccine: My father believed in modern medicine. If anytime there was a vaccine or something that could help protect you, he was an advocate for it. He took it. It’s consistent with Scripture – we protect our lives and do whatever we can to save lives. So I don’t have any problem with telling a person to take an aspirin or telling a person to have a vaccine” Also

By:

Dr. Dongzathawng | Devotional # 39 ( vol 3)
Fellowship of Thirsty Souls and Hungry Hearts

Gamsa Number 666 Tungtaang Kihilna

, 0

Gamsa Number 666 Tungtaang Kihilna

Thumapui

Revelation 13 a John in ana genlawh, Gamsa Number (666), tungtaang pen theikhiat zawlou diing thu kiphualguuh ahisih a, ahivanga ledoh dan lampi tuamtuam atam ziah in theikhel abaisam mama hi. Sildang teng sang a poi kasat mama khat ahi leh, theibu ding hilou chia ngaidan inei ukhuh ahi Ngaidan dihlou ahi. A buaikaina dangkhat ahileh tam laigel pen a tungzou ata mah, oleh tu lellel a siltung amah, ahisihleh mailam a hing tung tounalai diing amah? Chi ahi. I gennop pentah khu tam ahi chia munkhat mei tuuh sawm ihi sih a, ngaidan tuamtuam umte achiangthei dilam a gen sawm ihi zaw uhi.

Gamsa Number 666 Sim Ding Dan 

Revelation 13:17-18 dungjui in Gamsa teptena nambat khu 666 hiding ahi. Tua apoimaw pen khu bang chidan a 666 hing piangdoh thei a hiei? Bangchi sim ding ata diei? chi ahi.

Tam itheisiam theina diing un Greek mite leh Hebrew mite number simdan theimasat angaita hi. Greek mite leh Hebrew miten English te bangin atuam in number (eg.1, 2, 3…) chia neilou un A=1, B-2, C=3, chia asim mai uh ahizaw hi. Tamziahin 666 khu bangchidan a hing piangdoh thei ahiei chi khu sil poimaw leh itup thupi ukhat ahing hita china ahita hi. Example khat bawl sin vai: 

  1. 666 pen Zagup Somgup leh Gup chia sim ding ahi.
  2. L- 30 + A-1 + T-300 + E-5 + I-10 + N-50 + O-70 + S-200 = 666.
  3. Hi a tekhin na ah 666 hing piangtheina pen LATEINO laiteng (word/name) ahi.

Tambang ma in min tuamtuam zong apiang thei hi. eg. Kumpi Nero. Tambang a suidoh theina din pilna apoimaw dan alang hi. Khumziah in John in Kihilna 13:18 na ah tambang in agen hi: “Tanah pilna a poimaw dan alang hi. Koipou theisiamna neiten gamsa nambat tuot heh, aziahpen mihing nambat ahi, anambat pen zaguh sawmguh leh guh ahi” achi hi. Tampen atung a tuotdan agenna hiding in igingta uhi. Thamlouin, Pompeii khopi luigei a suangpheng khat ah tambang a kigial aki mudoh hi (Tam suangpheng in agen ahileh: Ken nungah khat ka lungsiat in, ama nu number khu 545 ahi, chi’n aki sun hi.). Tam tuatdan jang in antichrist hi ding a gintat tamtah aki tuatdoh ta hi. Hinanleh, John in tami lai agel pen a simkha ten athei siam uh ana diai chite entoutou nalai vai.

Rome Lenggam Leh Gamsa Number 666:

Tam laibu pen sawltaah John in Rome vaihawmna nei (nuai) a gingtu tamtahte’n nasatah a gimthuahna athuah uh henepna ding leh hamuanna aneitheina diing ua tamlai ana gel ahi chi ageldan apat in imuthei uhi – John kipuanna. Tamte ziahin Rome kumpi lallai in gingtute khun Jesu tahsan na ziahin suhgenthei leh bawlgenthei athuah uhi chi I thei uhi. I gennop pentah u ahi leh, tamte ziah in John in tamlai agel pen Rome lenggam agenna ahi a, khumziahin 666 zong Rome leengte lah ah khat genna hi ding in a ngaisut uhi. Abanban in en toutou vai.

Daniel Lekhabu a Gamsa Lina leh Thupuan Suang a Gamsa Khatna Etkaahna:

Daniel 7 na ah, Daniel in Pasiam mite (Israel) hing dou a, aleenggam hing toupha diing lenggam li Gamsa lim in anamu hi. Tam gamsa lite khu, Humpi bahkai – Babylon, Vompi – Medo-Perisa, Gialbem – Greece, huleh Gamsa gimnei – Rome ahi uhi. Tamna igen diing uh khu a lina Gamsa gimnei – Rome khuh ahi.

Tam Gamsa gimnei lina pen tungtang ngaidan ni a um hi tuate ahi leh: Medo-Persia khat a sim ten Gamsa gimnei lina khu Rome achi uhi’n, Medo-Persia pen atuamtuah ahi chiten Gamsa gimnei lina pen Greece lenggam genna in a geel uhi. Hinanleh Daniel 8:20 na in Kelngawi tal khu Medo-Persia kigawm a lenggam khat genna’n azang hi. Tamziahin gamsa gimnei lina pen khu Greece leenggam genna hilou in Rome leenggam kigenna ahi zaw hi.

John leh Daniel in tamthusim agelte un kibatna mama anei uhi. Aziahpen tuipi apat hing potdoh ahi tuahtuah ua, ki sawm (10 horns) nei ahi tuahtuah uhi. John in, Gamsa in lutang sagi anei hi, tuachi’n atung ah kizuahnu atou hi (Rev.17:9). Tamna Kizuahnu khu Rome genna ahi a khumziah in John leh Daniel in amu gamsa pen Rome leenggam genna ahi chi gintaat a umta hi. Tamziahin Kihilna 13 na a gamsa pen Rome leenggam hi ngeingei ding baan ah Antichrist khu John in ama hunlai a Christian sugenthei Rome vaihomna agenna hi ngei diing ahi.

Number 666 leh Rome Lengte Sakhua tualeh Sumkawlveina Kisamkai dan:

Kihilna13:17 sung i-et leh Gamsa cheptena 666 neiloute’n leitheilou diing tualeh zuahzong zuahtheilou diing chi umzia khu 666 hing kizat chiang in sumkawlveina lamtoh kimatna anei ding ahi china ahi. Tami tungtang itheisiamtheina diing un (1 century) hunlai a Rome mite sumkawlveina leh Rome lengte sakhua paidan tualeh Christiante toh akituahlouna uh et angai hi. Baan et tou vai eleh.

Kihilna 17 in kizuahnu tungthu agen a, atawpnalang v18 na ah leitung a leengte tung a vaihawm khopilian khu Rome ahi a, tuaziahma in sumkawlveina zong ama uh khutnnuai ah akoi uhi. Tuachi’n kizuahnu khu Rome khopi genna ahi a, khumziahin mi koipou sumkawlveina nei zousiah in amanu a angkawmpita uhi. Ahileh koilim (statue) mai a kuun a bia ahita di uai?

Nidanglai 1 BC beikuan leh 1 A.D kipan kuan veel in Rome leenglian mamate’n Pasian ka hi akichi jel ua, mite biah diing in a lim (statue) a tungdoh ua mite abesah jel uhi. Tamziah ma a sumkawlveina Romete khutnuai a um ahitoh kiton in tuahunlaitah a leengte’n a lim (statue) uh tung doh a mite amai ah bohkhup va uh chi ngaidan um ahi. Tualeh silsui mite leh lekhabu gialte apan aki theidan in, Caesarea longkhawlna mun ah leengliantah Herod in Rome lengte toh kihouna mun biahinn (imperial temple) khat alam a, tualeh Rome gam lutna dia dawngkot (gate) zong ahi ngaal hi. Tamziahin, koipou ma sumkawlvei a hing pei kha taphot tuamun a tun chiang un Rome leengte lim kitungte mai ah kuun teitei diing in a gintat huai hi. Tuabaanah, Ephesus khopi lutna ah Rome lengte aki tung a, koipouma tammun a paikha jousia abohkhup un abia uhi, zong akichi hi.

Tambang igenna ziah uh ahileh itheisiamna diing un, Romete’n sumkawlveina akhutnuai uah akoi ua, tuaziahin koipouma sumkawlvei a paitaphot in Romete hina bang leh demand bang in a Amen (agree) jel uh china ahi. Tampen kizuahnu angkawmpi uh china ahi. Aziahpen tambang in bawllou uh hitaleh van leitheilou diing thamlou in amau vante zong zuahtheilou diing ahi ziah un. Tambang khu huntawplam ah hing um panpan ding a, antichrist hun ah nasatah in paipi hinalai diing in agintat huai hi Tambang ahi John in agel, Gamsa masang a bohkhuplou leh belouten leitheilou diing zong zuahtheilou diing ahi chia 1 Century A.D lai vel a ana gen pen khum hunlai a gingtute dinmun ahi a tuhun leh malam a gingtute dinmun diing zong hing hepeh nalai diing ahi. Tuabang ahita leh Gamsa teptena number 666 neipa khu koi ata diai?

Nero-Antichrist ahi chi Pansan a Thuhilna (Nero Redivivus):

Gamsa pen Rome ahi leh 666 neipa khu Rome leengte lah akhat ahi china ahi. Tamziahin mitamtahten Nero Kaisar toh 666 akituahziahin ama hi diing in a gingta uhi. Akisimdan Nun – 50 + Resh – 200 + Waw – 6 + Nun – 50 + Qoph – 100 + Samech – 60 + Resh – 200 = 666 ahi. Tamziah ahi Bible siam tampite’n Gamsa leh a number 666 pen Rome leh alengpa Nero, Christiante gawtgentheipa, genna hi di’n ana tahsang uhi.

Thamlou in John in tam laibu agel lai in mitamtahte’n Rome lengpa, Nero Kaisar, mama khu hing thoukia diing ahi chin zong a gingta uhi. Tam Nero thokiahna pen “Nero Redivivus” chin aki thei hi. Tampen Sibylline Oracles 4:115-139 in Italy apat Jerusalem tunga gaal bawl ding, Rome mi Christa doupa, ama khu Rome lengpa Parthian gam kheellam a taimangpa chi’n agial hi. Tamna jawlnei in a gen pa khu koidang hilou in Rome leengthupi Nero ahi. Suetonius in (1st Cent) lai a, alaigelna ah, leeng Nero a si in agualngai te’n kumbangja ama khat sung a haantung ah paahvui ava the ua, hichin achi uhi: “Leng Nero khu asi sih a khat vei hing thoukia diing ahi tuahun chiang in agal (melma) te ajou diing hi” achi uhi. Tuathamlou in 1st century lai a laigial minthang Dio leh Suetonius ten AD 69 & AD 90 lah vel ah leeng Nero a thoukia ta a, kei ka hi chia ki puang mi a um hi chi’n agial tuahtuah uhi. Tamte ziahin John hunlai a ana umnonlou Nero khu hing um kia di’n mi tamtah in a gingta ua, ama chet ahilou in zong ama hagau mama tahsa dang sung a lut in hing piangkia diing ahi chitan in a gingta uhi. John in tamlai pen hattuam sagite siang a ana thot ahi. Tuaziahin hun hingtung ding genna hilou a, asimtuten ama uh hunlai a Christian te soisahna thuah ahiziah ua, amau hunlai mama a azat ding ua John in athot, tualeh a mengmu(vision) un zong atung ua sil tung te kilang ding in a gintat huai hi. Tambang ahita leh hun hingtung ding ah antichrist leh 666 kigen pen dihlou china ata diai? Tuaziahin atung a gindan kigen pen dihlou ichi taahleh zong Gamsa pen Rome genna ahi chi pen adih veve ahi chi thei vai. Entou nalai vai.

A suahsa ahitaah ziahin a hing suahkia nalai ding hi:

Bible in silkhat agen chiangin, gen ni anei nuam mama hi. Tekhin thu in, Late 22:18 na in “Ka puansilte akihawm ua, ka puanahtual a ding in ai asan uhi” chi khu agialtupa’n ama tanchin agen na hilehzong, Jesu si ni in zong a tangtung hi (John 19:23-24). Tuabangma in Late 34:20 na in “A gute zousia akembit a, khatbeh zong atawng sih diing hi,” chi pen Jesu si ni in a tangtung hi. Tualeh adangdang zong tampi a um hi. Tambangma in John in ama hunlai in Christian te gimthuahna toh kisai in ana gelh hi nanleh mailam hun a muphalou a sil tung ding genna zong ana hi ahi. Aziahpen Gamsa (Gamsa) tungthu kigial munkhenkhat te pen John hunlai a Rome lengvaihawmna ah suhlat in ana umnailou zong a um hi. Theisiamna din Kihilna. 13:5; 11:2-3 na in agen bang in tua Gamsa (antichrist) thaneina ding hunsung pen ha 42 (1260 days) tualeh Gamsa (antichrist) in Israel toh kilemna asiam ding (Dan.9:27) chite a um naisih hi. Khonung a siltung ding ahi leh bang chihchiang in ata diai?

Gamsa number 666 kizatna ding hun:

Gamsa (antichrist) thunei hun ding sung piah ahi, tuapen kumthum leh akim ahi. Tam kumthum leh akim pen gendan tuamtuam tambang in akigen hi: ha 42 (Rev.13:5; 11:2), ni 1260 (Rev.11:2), hunkhat, hun ni, tualeh hun phelkhat (Dan.7:25). Tam pen bang dang hilou in Daniel in a mengmuna ah hapta 70 tuate lah a, atopna kum 7 (70th week) kimkhat, tuapen kum thum leh akim tuah in aki hawm a anukhiahpen genna ahi.

Daniel 9:26-27 dungjui in, mengmu hapta 70 te lah a, Jerusalem lamthah ding thupiahpot apat a Jesu pampai ahi dong in hapta 69 aching chet hi. Tualeh Jerusalem kisuhsiat ding chia Jesu’n Palm Sunday ni a Leng bang a Jerusalem alut a, Israel ten ana pampai ni un, na sa mama in kateng toh a ki suhsiat ding agen pen AD 70 in Rome sepaite’n, Titus thuneina nuai ah suhsiat ahita hi (v.26 cf. Luke 19 – talent gentena v11-27). Jesu cross dawn ah asi apat Rapture huntan khu church period or grace period akichi ding a, tuazou phatphat chiang in Daniel mengmu hapta tawpna 70th week umnalaipen akipan ding a tua hun khu tribulation aki chi ding hi. Tam hun chiang in antichrist in mitamtahte toh (Israel tel in) thuhun kiptah (strong agreement) anei ding ua hinanleh antichrist in kum thum leh alang achin chiangin tam kichiamna Israel toh kaal a anei ukhu asuse ding a, sillat kithoina zong atawp sah ding hi. Tam pen 70 AD a siltung pen hilou in tribulation hun a, kumthum leh akim achin chiang a antichrist in ang boldoh pan ding genna ahi zaw hi.

2 Thessalonika 2:3 – 7 in antichrist hing kipuandoh na ding daaltu khat a um hi, tuaziahin ama pa aki laahdoh chiang in antichrist chu ang kilangdoh ta ding hi ana chi hi. Tamnah antichrist kilat ding daaltu kichi pen koidang hilou in Hagau Siangthou kigenna ahi. Tami umzia ahi leh 1 Thessalonika 4:15-17 in agen bang a, misiangthoute laahtou (rapture/caughtup) ahi chiang un, antichrist hing kilangta van, Israel toh kum 7 sung a di’n thuhun (kichiamna) abawlta ding uhi. Tamte ziahin Misiangthoute laahtou ahi masang un antichrist zong ki puangkhe nailou diing baanah, 666 zong ki hawm nailou diing ahi

Ahin hattuam misiangthoute laahtou zou ahi chiang in ama pa (antichrist) hing kilang van, mitamtah toh (Israel tel in) kitamna thuhun hing bol van kum 3 ½ achin chiang in khautah in mizousia in ama abiat diing uh hing chi van tuahun chiangin a utlou zousia gawtgentheina nasatah in hing kipan ta ding hi, tuakhu Jacob thuahna chin Jeremiah in bung 30 nah ana gen hi. Tam antichrist in ama thuneina toh khautah a kum 3 ½ anukhia zo pen hun ang zattah chiang in 666 khu ama lang a pang leh panglou te theikaahna ding in ang zang panta ding hi.

Number 666 kizat dingdan envai:

Gamsa number 666 khu tribulation seni sua a nukhia zopen a zat ding ahita leh, Bible in agen bang a khut toh talpaang a zat ding ahi tahtah na diai? Ahisihleh azat dan lampi tuam deu a zat ahi diai? Bible gen bang chetchet a khut leh talpang a kizang ding ahisihleh zatdan tuam a kizang ding ahi chi zong gen chiang thei ahisih hi. Envai ele.

Bible geldan bangchet a ledohna: 

Mi khenkhat in Bible kigel dan bang chetchet a ledoh (literal interpret) ding ahi, tuaziah in 666 pen atahtah a hing ki zang ding baan ah khut ahisihleh talpaang a kitaah ding ahi achi uhi. Tambang miten Daniel mengmu pen 69 week bawn ahi bang chet a tung ahita leh bang dia a 70th week na pen tunglou ding ahiai chi’n Bible in antichrist toh kisai a agente adiah in number 666 hi in, akitaahna ding khut leh talpang ah kitaah ding chi zong aki gel bang chetchet a tangtung din a gingta uhi.

Tambang gindan neiten Kihilna (Revelation) a ki gialte khu khonung a leitung beimasang a sil um ding dan ahi achi uhi. Ahinlah igentasa bang un number 666 pen (geometry rule) zang a simdidan jui a isim leh min tamtah mu khiat thei in a um hi. Eg. Pope, Adolph Hitler (German dictator), Ronald Wilson Reagan (former U.S. President) tualeh adangdang zong antichrist ahi achi uhi. Tambang simdan zop zel ulei tamtah umthei nalai didan in lang hi. Tuate ziahin khut leh talpang a kitaah sese ding ahi chi pen gintaat ahuai seng sih a, zatdan chituam lamdaih ah hing ki zang leh kilawm kasa zaw hi.

 Alimguong Etsahna ahi (Symbolic Interpretation): 

Ahibang chetchet a letlou a, alimguang etsahna a gel ahi chia pomte in 666 pen talpang leh khut a ki taah tahtah ding hilou in aneitu um ahi chi etsahna ahizaw hi achi uhi. Tambang gindan neiten Revelation a thukigialte abon a chu hilou ahivang a tampi te pen akigen pen kheellam ah, sildang khat genna ahi ut zaw hi achi uhi. Etsahna di’n: Gamsa-lenggam (Rev.13:1-2), kizuahnu – Rome khawpi (Rev.17:7-9), Ki (horn) – lengpa (Rev.17:12), Numei nauvop – Israel (Rev.12:1-2). Tamte ziah in literal interpretation gingtaloute’n 666 pen atung a igen bang un zatdan tuam in ki zang ding in a gingta uhi.

Tam gindan dih hi dia agintathuaina khat ahi leh, Revelation sung a Satan leh anatoh kigialte in Pasian leh anatoh te alimchiin (mimic) ahi. Etsahna di’n: dragon, tui gamsa, lei gamsa (satanic trinity) – Pa, Tapa, Hagau Siangthou (Holy Trinity), sithei khop hial a kisat damdoh kia (Rev.13:12) – Jesu a si a thoukia, van a pat a leitung ah meikuang khesuh – Elijah in van a pat mei a hatkhiat (1 Kings 18:38) leh adang dang ahi. Tualeh 666 talpang leh khut a nam ding chi zong Pasian in atate Hagau a seal anam ding (Eph.1:13) chitoh kibang ahi. Tamte ziahin aki gen bangbang a um chetchet hizolou in silkhat agen utna hizaw in alang hi. Mangpan atate kung a seal abawl ding kigenna te ana ban et vai.

  1. “I pasian suahte talpang a chiemte na ikoi sieng zou masangsie, leitung leh tuipi ahisihleh singkungte suse sih un,” achi hi (Rev.7:3).
  2. Amaute khu atalpang ua Pasian chiemtena neilou mite chilou, leitung a hampa ahiei, loupa hing ahiei, ahisihleh singkung mawngmawng suse lou ding a thupieh ahi uhi (Rev.9:4).
  3. Tuachi’n ka en a, Ngai vawi, Zion muol tung a Belamnou leh mi tulza leh tulsawmli leh tul li ding ka mu a, atalpang chiet uah ama min leh apa min chiet uh aki gial hi (Rev.14:1).
  4. Amaute’n A mel amu ding ua, a talpang uah A min a tuang ding hi (Rev.22:4).

Tam Bible chang te a kimu ahi leh, mi sugimthei vansolsiang ten asuhkhah lou na di ua, Pasian in amite seal/mark anam, tualeh tam seal/mark khu amin ahi. Tambang mama in Gamsa (antichrist) in zong ama nungjuite vanjuah thei leh vanleithei na ding leh a nungjuilou te apat a bawlsiatna umtheite apat a, avenbit theina ding a 666 toh atepte (mark/seal) ding ahi. Pasian in atate atalpang uah teptena mark anam ding kichi zong atahtah a nam ding ahi sih a zong aki nam sih ding hi. Mangpa’n atate ama a ahi a, ama khutnuai a humbit a, a-um uh etsahna ahi bou hi. Tuziahin, tambang ma in Satan in zong a nungjuite abol ding hi chi gintat a umjo hi, tua ahileh pen atahtah a mark chu um seselou ding in zong alangta hi.

Tam atung a etdan nite I etkaah a ahi leh, anukhia zawpen “Alimguang Etsahna” pen khu alai gialtupa’n a gennop pen hizo ding in agintat huai zaw hi. Tamte ziah a, a kigen zousia a ki gel bangbang (literally) a laahlou ding china hi diahlou ahi. Eg. anitichrist vaihawm sung ding kum thum leh akim (1260 days | 42 months) chia kigen pen literal deu a ledoh thouthou ding ahi. I gennop pen chet ahi leh 666 leh azat dingdan pen akigel bang chetchet a ledohlou ding ichi vang a adang tengteng zong aki gel bangbang a ledohlou ding china hilou ahi. Aki gel bang chetchet a ledoh ding leh ledohlou ding um china ahi. Tamte ziahin igintat uh micro-chip, barcode leh adang dang te zong hithei, alelam ah zong hilou thei china ahi.

Thukhaahna:

Sawltaah John in ama hunlai a, hattuam misiangthoute toh kisai a agel leh ana thot ahi. Gamsa leh a teptena 666 zong gingtute suliing ding leh suse ding a na tong gige Rome leng vaihawmna leh a lengte amau leh amau Pasian a ki tunga miten a biah diing ua thupete genna ahi. Adiahtahin Nero Kaisar, gingtute melma lianpen genna ahi. Tualeh 666 neilou te’n van leitheilou ding, zuahtheilou ding chi zong, sumkawlveina khu Rome te khutnuai a um ahi ziah in, sumkawlvei taphot in Rome leengte’n a lim (statue) atunte uh mai a akun/akhupboh ding ua thupia toh kisai a kigial ahi. Asia minor a hattuam sagi (7) ten 666 pen Jesu hing kum masang a sil tung ding chi’n geel sih va un, amau hunlai a siltung te haw a geel zaw ding uhi.

Tam 666 pen John hun lai a gingtute tung a siltung toh kisai a gel hinanleh, kumtawn Pasian lemgel siamna toh khonung a hing tung ding (Jesu hing pei masang a sil tung ding) genna zong ana hi ahi. Tam, 666 akizat ding hun ahi leh Daniel in ana mulawh, hapta 70 a nunung pen 70th week = 7 years, mun ni a ikhen leh 3 ½ tuah a khen thei, a nukhia pen a siltung ding a gintat ahi  Nidang lai a gingtu masate muda leh doudal Nero Kaisar tobang Rome lenggam apan khat Jerusalem biahinn (Jerusalem Temple) ah ama Pasian bang in mite biah ding in ang ki bawl khe ding hi.

Atung a 666 kizat hun ding igen utoh kiton in, UID (Aadhar Card), Bank A/C, PAN Card, leh adangdang te khu 666 ahi chia igintat pen dihlou ding ahi. Tualeh Manipur CM in Covid Vaccin kikapna certificate neilouten leitheilou ding, juahtheilou ding achite ziah a vaccine certificate khu zong 666 hinailou ding ahi.

666

Tam 666 pen mailam a siltung ding ahi nalai ziahin bangtobang hi ding adiai chi chiantah in leh hangsantah in aki genthei tadi sih hi. Gendan tuamtuam a um a, tampi ana dihsih hi, tamziahin ahun chiang in itheisiam pan ding uhi. Tam Gamsa teptena (mark of the beast, 666) khu ahoi (Jesu) leh asia (Satan) kaal a gaal (war) beini umlou khu ang theisah jeljel na khat ahi. Gingtute’n hunchin a ituah uh hahsatna, satan to ikaal a gaal, tuakhu Jesu taisan ding a Satan in nichin a ang heem ahi. Thamlou in gingloumite zang in Satan in nichin in Jesu nung ijuina uh suhmualphou ang sawm ahi. Tambang hahsatna tuahnanlei khatvei chiangin itahsan pa uh Jesu tungtawn in hutdamna leh gualzawna bukimtah itang ngei ding uhi chi zong ang theisah hi. Tamte zia mama in Jesu lam a ipanna uh hasuamailou a, Satan gal idou zinglai un lungkelou a ama ikidoupina ding ua kihanthawnna ahizaw hi.

Simtu tengteng tung ah Mangpa’n athupha hing gualzawlta hen. Also



by:

Henzathang Haokip, M.Th | 28th June, 2021
Contact: (Email:thangboi13kip@gmail.com | WhatsApp: +91-8838252101)

BIBLIOGRAPHY

Boda, Mark J., and J. G. McConville, eds. Dictionary of the Old Testament Prophets. Downers Grove, Illinois: IVP Academic, 2012.

Aune, David Edward, Bruce Manning Metzger, David A. Hubbard, Glenn W. Barker, and David E. Aune. Revelation 6 – 16. Nachdr. Word Biblical Commentary, [General ed.: Bruce M. Metzger; David A. Hubbard; Glenn W. Barker. Old Testament ed.: John D. W. Watts. New Testament ed.: Ralph P. Martin]; Vol. 52, B. Nashville: Nelson, 2008.

Aune, David Edward, Bruce Manning Metzger, David Allen Hubbard, Glenn W. Barker, and David E. Aune. Revelation 17 – 22. Nachdr. Word Biblical Commentary, [general ed.: Bruce M. Metzger; David A. Hubbard; Glenn W. Barker. Old Testament ed.: John D. W. Watts. New Testament ed.: Ralph P. Martin]; Vol. 52,C. Nashville: Nelson, 2008.

Chadwick, Harold J, and John Foxe. The New Foxe’s Book of Martyrs. North Brunswick, NJ: Bridge-Logos, 1997.

Charles, R. H. A Critical and Exegetical Commentary on the Revelation of St. John: With Introd., Notes, and Indices Also the Greek Text and Engl. Transl.; (in 2 Vol.). 2: … The International Critical Commentary. Edinburgh: Clark, 1976.

Collins, Adela Yarbro. “The Political Perspective of the Revelation to John.” Journal of Biblical Literature 96, no. 2 (June 1977): 241. https://doi.org/10.2307/3265880.

Cuss, Dominique. Imperial Cult and Honorary Terms in the New Testament: Paradosis Contributions to the History of Early Christian Literature and Theology. Vol. 23. Fribourg: Fribourg University Press, 1974.

Charles, R.H. The Apocrypha and Pseudepigrapha of the Old Testament in English, Forbes & Charles: The Book of the Secrets of Enoch, n.d.

Charlesworth, James H. The Old Testament Pseudepigrapha, 2015.

Deissmann, Adolf. Light from the Ancient East: The New Testament Illustrated by Recently Discovered Texts of the Graeco-Roman World. New and Completely Revised Edition with Eighty-Five Illustrations from the latest German Edition. Grand Rapids: baker Book House, 1965.

Eusebius, Geoffrey Arthur Williamson, and Andrew Louth. The History of the Church from Christ to Constantine. Penguin Classics. London: Penguin Books, 1989.

J. Collins, John. The Apocalyptic Imazination: An Introduction to Jewish Apocalyptic Literature. 2nd Addition. Grand Rapids: William B. Eerdmans Publishing Company, 1998.

Koester, Craig R. Revelation and the End of All Things. Grand Rapids, Mich.: W.B. Eerdmans, 2001.

Kraybill, J. Nelson. Apocalypse and Allegiance: Worship, Politics, and Devotion in the Book of Revelation, 2010. https://www.overdrive.com/search?q=DB8C7BCB-F4B3-4D66-9083-27D1FC9E82E4.

Lupieri, Edmondo. A Commentary on the Apocalypse of John. Grand Rapids: Eerdmans, 2006.

May, David M. “The Empire Strikes Back: The Mark of the Beast in Revelation.” Review & Expositor 106, no. 1 (February 2009): 83–98. https://doi.org/10.1177/003463730910600109.

Naylor, Michael. “The Roman Imperial Cult and Revelation.” Currents in Research 8, no. 2 (February 2010): 207–39. https://doi.org/10.1177/1476993X09349160.

Philo, and Charles Duke Yonge. The Works of Philo: Complete and Unabridged. New updated ed., 6. printing. Peabody, Mass: Hendrickson, 2002.

Plutarch. Plutarch’s Lives, Lysander: With an English Translation by Bernadotte Perrin. Vol. 4. Cambridge: Harvard University Press, 1959.

Price, S.R.F. “Between Man and God: Sacrifice in the Roman Imperial Cult.” JSTOR- Society for the Promotion of Roman Studies, The Journal of Roman Studies, 70 (1980): 28–43.

Rowland, Christopher. The Open Heaven: A Study of Apocalyptic in Judaism and Early Christianity. London: SPCK, 1982.

Suetonius, Robert Graves, and Michael Grant. The Twelve Caesars. Revised ed. Penguin Classics. Harmondsworth; New York [etc.]: Penguin, 1979.

Taylor, Lily Ross. The Divinity of the Roman Emperor. 1st edition. Philadelphia: Porcupine Press, 1975.





Pasian Aw Bangchi Thei Ding

, 0

Pasian Aw Bangchi Thei Ding

Samuel in Eli kung ah, Pasian aw azaahpen ahil masang teng atheisiam thei sih hi (1 Samuel 3:1-10). Tammabang in Gideon in zong Pasian apat tahsa ngei a kihilna thumvei hiilhial tuah nanleh atheisiam sih a, abuai nalai hi (Judg. 6:17-22, 36-40). Pasian aw bang chi ngaikhiat a theithei ding ata diai? Tuni’n Gideon leh Samuel ten aneilou, en inei khu bangdang hilou in Bible ahi. Tam Laisianthou ah Pasian aw kimtah in ineita uhi. Tuaziah in, Pasian aw i zaahtheina dia kisam ahi leh sildang bangma hinawn talou in, Bible simtam ding, zil ding, ngaitua ngitnget ding ahi. Aziahpen, Pasian thu khu i hagau leh itahsa ngel a dia zong lamhiltu leh melma tung a hing gualzou sahtu baanah idihlouna apat hing correct tu ahi (2 Timothy 3:16-17).

Siltuahte apan

Bangpen bawl a bangpen bawllou ding chi dinmu mihing hinkhua in a tuahmun mama hi. Tambang i tuahchiang un Bible khu i lamhiltu ahi pai hi chi manghil sih vai. Tulai hinkhua enthah lechin, Lamkai khenkhat leh Gingtu khenkhat ten silkhat poupou a bawl ding chiang un, miten bang chin a bawl uai? hatttuam dangte’n bang chin a bawl uai? ahisih leh gamdang ten bang chin a bawl uai? chi ahi paipai hi. Hinanleh ei gingtute iki bulphuna uh sildang bangma hilou in Bible ahi mai hi. Tuaziahin Bible in bang chin a gen a chi khu dot masatpen hithei henlan hileh a ut huai mama mai hi. I gen ut pen ahi leh midangte bawl dan va etkeeilou ding ichisih a, i et tham ding uh ahi, hinanleh Bible gendan toh bang achi a chikhu gingtuten chiin a inei uh poimaw ahi.

Hinanleh gingtute theidia poimaw mama khat ahileh, Tambang a bawl dia hoi isat pen Bible to akikal kha ei? aki kal sih leh bawl dia hoi isat leh lem isat pen bawl ding ma ahi. Ahivanga Bible toh kikal leh zong bawl dia atamzaw in hoisa hi chite khu mimal, insung, gamsung, hattuam sung hi in heimun ah tambang kalsuan dante ang pichintah chiang in Pasian apat hounamtui izapan zel leng uhi. Tanglai Mosi hunlai in, Israel ten Pasian amu sih ua, a aw aja maimai un a tun lum deh uhi. Tuamabangin, Pasian deibang sang a eima deibang a gamtat zawhna ang umtah chiang in Pasian thangpaina ituahpan ua tuapen koima nangual ahita sih hi (irresistable). Aziahpen Pasian in a Laisiangthou a ana gensa dung zui in eipui zobou hi (Titus 1:2). Hoisatleh satlou hizolou a, Pasian deidan gumsan zuina pen, bangma zalou leh theilou na pi a Pasian aw zaahna leh theina chikhat ahi.

Pasian aw

Jesu’n, “Ka belamte’n ka aw aza ua; ken ama uhte kathei a, a hing zui uhi” (Jn.10:27) achi bangin Pasian a hingsate (mi piangtha tahtah te – genuine born againte) chouh in A aw azathei uhi. Aziah khat ahileh sil bangteng atung zong in amaute’n Pasian deidan pen ahah-anop umlou in azui ua, sina ding tanpha hinanleh a zui uhi. Tamteziahin amaute pen bilbing, mittaw, khelbai leh mipoite hinan uleh Pasian thu a gumsan zui ziah un amaute pen direct a Pasian aw zaah ahi mai uhi. Theisiamthei na ding in: Leitung a mi mawl penpen in ginna ziah in hundam hita leh, apil a pil, gospel pom utlou mi sang in pil zaw mama akichi ding hi. Tampen apil-amawl ziah hilou in Pasian aw a zaah a, apom ziahin ahi. Pasian aw zaah dan khu natheidan toh kibang lou maithei ahi. Awging tahtah zaah hilou in, Pasian deidan pen tambang ana hi aveleh maw chitheina baan ah iza (itheisiam) bang a zuina/hinpina pen khuh PASIAN AW ZA ana hi zaw hi.

Thuumnate, Bible simnate, siptah a Athu ngaituahna te in Pasian aw ang zasah ut mama hi. Tualeh mite um dan leh Pasian a ki ngainiam mama te hinkhua umdan ngaitua detdetna in zong Pasian aw ang zasah nuam mama hi. Thamlou in Pasian deidan bang chouh a hinkhua zang ta ding a ginumtah a kibulpatna in Pasian aw naahpi in ang zasah thei hi. Pasian thu tamtah Bible sim ziahin, thugen i ngaimun ziahin, leh lamtuamtuam apat huahpilna ziah a ithei ziah un Pasian aw za hinaisailou ahi. Pasian aw zaahna bailam pen khat ahi leh, Pasian thu toh kisai i bil a izaah zousia, imit a i mu zousia leh i experience zousiate Pasian deina bang a zui ding leh hinpita ding a Pasian mai a ki surrender na khu Pasian aw zaahna bailam pen ahi.

Conclusion

Mipil misiamten gen tuamtuam tam pi ihin sung un anei tham ding ua, ipot-ilen nalah ah zong thu leh la tampi izatham ding uhi. Hinanleh izate, imute tung a kingam a zui leh hinpi mai hilou a, Bible in bangchi’n agen ei chi’n Bible toh entuah papa lei Pasian aw zathei, gingtu chouh hilou in, lamdih zawtkha leh mapui ding a muanhuai gingtu isuah ding uhi. Pasian deibang chouh bawl vang, zui vang ichi thei masang sia, a aw iza thei sih ding uhi. Pasian deibang zui leh hinpina tungtawn a Ama toh kipawl khawmna, lamzawt khawmna gingtute’n i poimaw mama uhi.

Eima deina bang sang a Pasian deina bang chouh zui leh hinpi ding a Pasian ang a ki surrender gingtu dihtah hithei ding in simtu teng teng Mangpa’n athupha hing musah chiatta hen. Also

KEN KA GINGTA JESU

0

KEN KA GINGTA JESU

KEN KA GINGTA JESU

Ken, ka gingta Jesu, Aw….
Ken, ka muang Mangpa….
Ken, ka gingta Jesu, Aw….
Ken, ka muang Mangpa…

Mang Jesu, Pasian Ta ahi
Pasian toh thakhat zong ahi
Mihingte a hing itt man in
Cross tung ah hing hundam zouta….

Mihingte khelna tanpa khu
Jesu chilou midang umlou
Lungsim zousia toh na gin leh
Tangtawn in hundamna ngah ding..

Jesu hing ittnathu sut vang
Midang in a theisiamna di’n
Mun zousia thangzua zel ta hen
Kumtawnna khu Mangpa ahi.

Load More