ITNA KHU KIZOPNA AHI

ITNA KHU KIZOPNA AHI

Pastor M. Thangboi Zou
HINNA TANGHOU
Devotional Message, | June 3, 2021

Tangtel: “Pasian khu itna ahia, koipou itna a um khu Pasian ah a um a, Pasian zong ama ah a um hi” (1 Johan 4:16)

Bangchi’n Pasian hing itna thei sem in i umthei diei? Bangzata in hing it nanleh nang nana thei sihleh, tami’n nang a phattuomna tunlou ding ahi. Mi khat in hing it a hing ngaina ahi chi ahinglatsah chieng in nuam nasa vele maw? A ziak khu koi ahiei khat it a um hivechin. Pathian in hing it a, tua itna hinglah nuom hi. Mangpa toh niteng hunchin tengin kithuo theilei Ama deidan ahi hi.

Mimal tah in Pasian toh kizopna i nei na uai? Hun sawtpi peita a hundam na hi zie mai a Amah toh kithua na nuam leh manpha zangkhawm china hipai samlou ahi aw. Tam khovel zatat mai leh a sung a, Pasian’ nna sep leh A’ kipahna sui kan a uthuai/telhuai zaw ding sildang bangma a um sih hi. Mi zousie sungah Pathian piensa a vang (God-shaped hole) um hi, tua pen Pasian bou in suhdim thei hi. Sildang, na dei ei, na ut ei, na ut naten tamna a vang pen suhdim theilou hi.

“Jesu a na sang (received) zouta kave” na chi maithei hi. Ahileh, na niteng, hunteng leh munteng ah Jesu na sang nai? Pasian in hing it a, nangpen A deituom die nahi. Ama toh kipawlkhawm die ahing siem mihingte i hi uhi. Tam kithuokhawmna khu A lunggulpen leh nang lam a A lungput dihtah ahi. Silteng a liem mangzel a, hinanleh a um gige gen thei umsun khu Pasian ahi. Tuami hilel ve aw. Ama toh i kizawpna (relationship) i nei sih u’leh tua kizawpna bawlphat angai ding hi.

Pasian hing itna bangza a lien ahiei chi na ngaisut ngai tai? Pasian khu itna ahi a, itna a um gige mi khu Pasian ah a um gige a, Pasian zong ama ah a um gige hi. Mi khat na thei chienloupi na lungsim zousie na pen gam sih hi. Nang hing it tahtah mi ahi chi na theichien chiengin na lunggelte na gen ngam pan hi. Pasian toh na ki-itna na tansah sih pouleh Aman guolzawlna dang tampi hing pe ding hi.