GNFA: October Report Tomkim

GNFA: October Report Tomkim
Amasapen in I Toupa Jesu Khrist' min in chibai ka hon buuk uhi!

Kipahthu genna leh thumpih ding point tamlou ka hon taaklang uhi:

1. Non thumpihna uh leh non support nate uh ziak in ministry in maban sawn zel in, kikhopna, counseling, innvehna leh damlou thumsakna te thoveng tak in hihzom theihin om a kipahthu gen ni.


2. Kikhop khawmna hun a mi 50-70 kikal ki paikhawm tangpi a, gingtu ki behlap zelte ziak in kipahthu gen ni.


3. Saptuam Electric connection leng bawl zoh ahih taakman in kipahthu gen ni.


4. Tukha gingloute inn vehna ki neihte lak ah Unaupa Talbong Reang leh a zi, Joingka Reang, family te leng Khristian a hong kipiak lunggulhna a neihta uhi. Amau Hindu sahkhua zui ahi ua, ta 4 neih ua, ki lohtawm a nek zong ahi uhi. Huai ban ah Unaupa Debjoy Reang leng counseling kipia hi. Kipahthu gen in thuumpih ni.


5. Unaunu Baseling Reang leng naktak in hong damlou a,  Evan Anonto te nupa in thumna va neihsak ua, hong dam kheta hi. Golkuram leng a damlouhna apan damkheta a, tulel in Evan Rindik Apeto in counseling pe lellel hi. Thumna ah delh zui ni.


6. December first week a ginna toh Biakinn bawl pat kisawm a, bawlzoh tantan hih phot di'n lem kisa hi. Pathian in biakinn bawlna ding sum-le-pai a hun bang zel a, a misiangthoute tungtawn a, a hon piak zel na di'n thuumna ah phawk ni.


7. December kha a  Baptisma tang ding mi 8 om te ziak in kipahthu gen ni.


8. Tukum Sports Meet, Advent Christmas, Christmas leh New Year zang ding in naktak in kisak kholhna pai lellel hi. Khamangthang tampite Khrist nungzui a hong suak theihna ding un thum ni.


9. Children's ministry leng pai hoih tou zel in kum nawn chiang in primary school, Nursery, LKG leh UKG pat nawn ki sawm a, Toupa'n school room 3 beek a hon piak theihna dingin thum ni.


10. Unaupa Tonuram Reang in a singphuk ziak a electric khuam a suk khak pen bang chichi hiam in a liau dingte pekhinta hi.


11. Chidamtak leh hangsantak a ka sep touh theihzel na ding un, na thumna uh ka poimoh mahmah ua, Evan Anonto leh Bro Rindik Apeto te'n leng thanuam tak a, a septouh theihzel na ding un thumpih ni.

Toupa'n hon vualzawl hen!

Khrist aa dia semkhawm

B. Thang Ngaihte & Ching
Good News For All (GNFA), North Tripura
Ph. 8974099164

View More Photos

Also Read

June 2021 Report
July 2021 Report
August 2021 Report
Progress Report
Prayer Request
Piangthak mi 6te tawh