KIGINGSA A UM

KIGINGSA A UM

KIGINGSA A UM
By Rev S Kaikhanmang

"Ajiahchu ahun diing na heet louh jiahun, pilvaang unla, kiging zing a umin haamtei un." 
(Mark 13:33)

Pastor khatin accident a tuaah a, huchiin a khut, a keeng leh tahsa teng a se veh a, hizongleh a brain chauh hoih in khophawh louin hospital ah koihin a um hi. A lupna kawmah ginglou damlou pasal khat a brain hen ngai a um hi. Hi damlou innkote'n pastor tanchin a heet tahun, a brain a ngeen va, huchiin pastor innkuante'n, 'Na poimoh u'leh ka hung pe diing uhi. Ajiahchu amah hi a Lalpa toh kimu tuah diinga kimansa ahi' a chi uhi. Hun bangtan aha nungin hi damloupa chu hospital apat damin a pawtta hi. Ahung damsiang phetin Bible chaang tuam2 ahung soidoh a, phatna la tamtah ahung sadoh a, amah chauh hilouin a innkuante zousiah ahung piang thah uhi. Pastorpa chu si diingin mansa in a um a, amah diingin sih chu midangte diingin hinna ahi. Apostol Paul in, 'Kei diingin hin Khrist ahi a, sih chu punna ahi' (Phil.1:21) a chih chu adih mahmah hi.

Unau deihtah, sih theihna, nat theihna, buai theihna atam hi. Hizongleh banglam banglam ah sihna tuaah diing hileh chin mansa in, kigingsa in na umta ei?

Hagaulam a na kiman, na kiging chauh hilouin, na lungsim a kiman ei? Na pasal in, na zi in, na tate lah a khatin sihna, um louhna nei taleh, pomsiam diingin, pomthei diingin, pozou diingin na kimanta ei? Ajiahchu koima'n mabaan a sil tung diing i he sih uhi.

Lalpa'n na hinkhua a na tuah bang bang pozou diingin hung suhaatta hen. Amen!!











No comments

Powered by Blogger.