Lament Psalms- Part 1: What is Lament Psalms? - Dr. Dongzathawng
Lament Psalms- Part 1: What is Lament Psalms?
Dr. Dongzathawng
Devotional # 37 ( Vol.3)
(Fellowship of Thirsty Souls and Hungry Hearts)
Thirsty soul member te i dam chiat na uh maw?
Mangpa lungmuanna na tung uah umchiat tahen! Suun hita nan leh message hing
hah veve ing.
Tuni Shillong gua chiin dil del..
Tuni thupi ding pen hun sawt pi a pat ka na ngaitua leh study ka na bawlbawl
ahita hi. Gen ding tam seng seng in bang chileh tomnou leh mawl tah in a ki
gen thei de aw chi ka buaipi nalam in ka hing sua thei bai sih hi. Tuni
theitawp ka hing sua ding hi.
Tuni Topic: Lament-Psalms- Part 1: What is Lament-Psalms?
Lament-Psalms kichi pen tom gen di dan umsun khu part a ikhen ngai ta
hi.
Khatvei i message ua “Tell what You Feel” chi i houlim kha ta uhi.
Tualeh “An Emotional God” chi zong i genkhata uhi.
Tuni Lament-Psalms bang ahia chi en vai. Lament umjie i gen ma in: Pasian kung
a i ut ut gen thei adiai? I lungthahna, i hasietna, i lungsim a umteng im
lou a Pasian kung a sua khiah thei adiai? chi ahi.
Ahilou leh Pasian khu ki haupi thei adiei? Pasian toh kinial thei adiai?
Pasian mai a phunnoi thei adiei? Pasian mai a guitam leh vui thei
adiai?
Hagau hinkhuo khu kipahna thugen ngen hi ding maw. Thumna nei a Pasian mai iva
nai chiang ua jatat tah a thu hoi ngen gen ding adiai? A jah utlou ding
genkhah ding hoi deu a kiveng ding maw? Pasian khu Kumpi te i
houpi bang a jatat leh um dan kilom tah a jawt( approach) ding adiei?
Mangkang kumpinu houpi ding bang a, a daan tampi (protocol) jui ding adiai?
chite ahi.
Tuni’n Lament Psalms in agen ut ahileh Pasian kung ah i utut i genthei hi. Ei
Pasian leh pasian dang kibat lou na, Ei Bible leh Sakhua dangte Laibu
kibatlouna ahi. Ei thumdan leh Sakhua dangte thumdan kibatlouna ahi.
Pslam labu no. 150 khu Jews te thumna laibu ahi. Himi late khu a thum chiang
ua lasah a asah thaw uh ahi. James Banks kichi pa’n Pslams laibu khu “Prayer
book of the BIble” a chi hi.( Our Daily Bread, 2020).
German Christian leader leh martyr pa Bonhoeffer in “Psalms are the prayer
book of Jesus” chi hi. I Mangpa Jesu jong Juda mi ahina toh Psalm laibu jang
in thum jel hi. A nungjuite toh nitaah ann aneh un zong Pslam 118 khu sa
uhi ( Mat 26:30).
Judate (Jewste genna) adia Psalm laibu khu athumna uh ahileh Paslm laibu ah
bang chi bang thumna kam teng leh style a um ei? chi a khual ngaita hi.
Water Brueggemann, Old Testament Scholar leh amin ban ah DR 7 vel ki
gualsuh pa’n Psalm laibu tung tang ah hibang in gen hi: “I once thought of
Psalms as the kind of Book designed to give comfort at funerals or a hospital
bedside. Choose carefully, I have since learned. Pslams includes passages that
are angry, whiny, petty, remorseful, explosive, loud, irreverent, and oh so
human. chi hi. Ama gen danin nidang in Psalm laibu khu lusuunna leh
damloute hanthawnna ding mai in kana jang hi. Hinanleh hoi tah a ka hing sui
tahtah chiang Psalm laibu ah lungthahna, hasietna, vuina, ki ngaisietna,
chimaw a kikou khiatna, thum dan kilomlou lou pi zong ka mu hi chi hi. Ama
gendan in Psalm pen mihing vai mama, mihing hina tahtah sulangtu ahi chi hi.
Philip Yancey in agen dan in Brueggemann in tulai Evangelical hattuamte lai
kipahna la ngen asahte uh khu dih asah senglou dan hibang in gen hi :
“Brueggemann finds it jarring to visit upbeat evangelical churches and hear
only happy songs, WHEN HALF OF THE PSLAMS ARE “SONGS OF LAMENT, protest and
complaint about the incoherence that is experienced in the world. At least it
is clear that a church that goes on singing “happy songs” in the face of RAW
REALITY is doing something very different from what the Bible itself does”
(capital te kei bawl).
A genjelna ah Bang ding a tulai hattuam tampite’n Pasian ni kikhop chiang a
Pasian phatna ngen leh kipahna la ngen asah uh adiai? Psalm laibu, a
kimkhat mongmong lungkhamna leh kaana laa ahilai a tulai a kipahna la ngen
isah uh khu lamdang sa hi. Khawvel i phut khah uh a sial a sial, a gum a gum
lai a eiten biah inn a kipahna laa ngen isah uh khu nidang lai BIble a mite
bawldan toh kibanglou hi chi hi.
Philip Yancey in “Half of psalms are wintry in tone, and only a third have the
bright atmosphere of the summer about them” Agen umjie khu Pslam laibu khu
akimkhat mongmong nguina leh mauna lam in dim hi. Se 3 sua se 1 khu kipahna
higiap hi chi hi.
Walter in agen jel danin bang ding psalm laibu khu hibang a mauna leh kaana
leh vuina a dim adiai chi agen na ah “Because life is like that, and these
poems are intended to speak to all of life, and not just part of it” chi hi.
Psalm in Mihing umjie leh hina tahtah taahlang hi. Mihing hinkhuo khu hibang
ahi chi hi.
Khumjiein Pasian in amite a ding a Paslm laibu or labu isah leh i thumna ijat
ding or i jui ding, i etton ding in a hing pia ahi. Ahileh himi Psalm labu
danleh enton a thum ding ihileh LAMENT kichi khu alou thei lou ahi.
Dark Clouds Deep Mercy laibu gelpa Mark Vroegop in jong tulai Adiah a Sapgam
hattuam te lai a kipahna laa ngen biahinn a kisah khu hibang in gen hi: The
absence of Lament in our worship services, also struck me. I noticed how the
majority of songs were celebratory and triumphant chi hi. Biahna a Pasian
phatna ahoi hi. Phat ding ma ahi. Kipah ding ma ahi. Ahi’n tunia lament umjie
leh Jews te’n Lament ajat jieh khu kipahlou china hilou hi. Lament apat in
praise hing piang khia hi.
Tuate igen tou jel ding hi.
Ama gen dan in Bible a imu Lament khu Pasian silpiah (gift) mai hilou in tulai
gingtute adiah in 21st century Christian te’n i ngaisahlou leh i mansua uh
gingtu hinkhua poimaw mama khat ahi. Ama gen dan in hi Lament apat in worship
hing ki process thei pan hi. Himi Lament in lungtang natna leh
thuahgimna process ding dan hing hil in tuamun tan ah hing pui hi.
Ama gendanin “We need to recover the ancient practice of lament and the grace
that comes through it.” BIble a mi ten ana jat uh himi Lament khu i
khual khiah ua i practice kia uh angai hi chi hi. Ajiehpen himi Lament apat in
i lungtang natna uh damna lampi hing kimu khia hi. Lament khu alampi ahi.
“Without lament we won’t know how to process pain” chi hi. Lament ichi chiang
Pasian tung a mawh lungthah leh guitam leh kiphin china hilouhi. Pasian gingta
mama nanleh a lungsim kuang leh pohjah ding kisah khu i Pasian i pa kunga sua
khiat thei ahi china ahi. Lament is the language of a people who believe in
God’s sovereignty but live in a world with tragedy.
Lament kichi khu Pasian gingtaloute, Pasian tung a hasie leh lungthahte,
Pasian tung a ginna topsap leh ginna beite thumna kam teng hi jenjenlou hi. It
is a prayer loaded theology” Theology a dim thumna ahi ki chi hi. To cry is
human, but lament in Christian chi ahi. Mihingte aka bang in gingtute khu
Pasian kung ah lament i bawl uhi. Mi hingte kanadan leh Lament kibanglou
hi.
Mihing Pasian neilou, gingtu loute kaa dan toh kibang hilou hi. Gingtute kaana
leh kaadan khu lament ahi.
Tu in lament umjie hil chian ta vai: “Lament can be defined as a loud cry, a
howl, or a passionate expression of grief” (Mark Vroegop). “Lament is the
honest cry of a hurting heart wrestling with the paradox of pain and the
promise of Gods goodness” chi ahi. Lament umjieh khu gingtute lungtang
na leh liam, lungtang a sipawt leh thuah hahsa mama a, a ittu a, a ngaisah tu
hepina leh theisiamna pa Pasian kung a lungsim teng bungkhia a kaana uh
kamteng khu LAMENT kichi hi. A pa Pasian un bawlthei mama, it mama, khual
mama, ngaisah mama chi thei nanleh uh a hinkhuo uah natna, liamna, lawsapna,
thuahna gentheilou a hamsa toh hing uhi. Tua khu imlou leh ki suangla lou, a
muan uh a Pasian kung uah kap khia in, ki kou khia in, mau leh thum uhi. Tua
khu ahi LAMENT kichi. Hipen gingloute kaana leh tauna toh kibanglou hi.
Na nu na pa kung a lungtang hasie leh naa sa a na ka toh midang kung a na kaa
kibanglou ding hi.
Khumjiehin Lament khu lungtang naa sa a thumna ahi a, tuana pat in muanna leh
kipahna ah kichai/tawp hi.
Lament khu kipahna leh phatna toh kikal (opposite) hi jenjenlou hi. “Lament is
a prayer in pain that leads to TRUST.” Koi ahiai nu leh pa kunga gim leh tawl
kisa a kap a lungthah suah den? kaana apatin kipahna leh ginna hing piang khia
hi.
Lament is a path to praise as we are led through our brokenness and
disappointment chi hi
Lament is the song you sing believing that one day God will answer and
restore.” lament kichi khu gingloute hilou in gingtute, lametna neite kaana
leh tauna ahi. Pasian hoi muang na pi tu a din mun uh hamsat seng jieh a
Pasian kung a kap a, a mauna uh ahi.
Christians affirm that the world is broken, God is powerful, and he will be
faithful, Therefore, Lament stands in the gap between pain and promise”
Lament is the prayer language for those who are struggling with sadness,” “The
historic minor key of lament give us permission to vocalize our pain while
moving toward God-centered worship
Hibang a kapthei a, a mautheina un ama uh kehsiat (collapse/break down) apat
in vengbit thei hi.
Himi lament khu lungtang liam leh na, ki tam leh damna, lametna,
kipahna, gual jawna, Pasian ginna jopmattu ahi.
Lament is more than tears and crying. Lamen is the bridge between dark clouds
and deep mercy”
Bible a Lament kijatna thumna te Psalm a kimkhat mong mong hibang thumna ahi
chi i genjouta hi. Jeremiah thumna tampi leh Lamentation laibu pumpi, Mose
thumna te, Habakuk thumnate, Job thumnate, Nehemiah thumna tampi te, Isreal te
a nampi ua athumnate uh: hite Lament Psalms ngen ahi. Ahileh Bangdinga hibang
thumna kam mal Pasian in mihingte or atate jat ding leh etton dinga Bible a
hing tuang sah adiei?*
A dawnna khu Ama’n hibang a ithum uh hing phasah mai hilou in poimaw sa hi.
Ajiehpen hibang mihing lungtang na leh puahgih a dimte’n angah na ding mun a
nei uh ngai hi. Tua khu thumna ahi
Aki chian sem ding in Psychiatrist Gerald C May gen sah vai:
“After twenty years of listening to the YEARNINGs of people’s heart, I am
convinced that human beings have an INBORN DESIRE for God. Whether we are
consciously religious or not, this desire is our DEEPEST LONGING and most
precious treasure. Surely if we are made in God’s own image, GOD will find a
way of responding to the deepest longing. PRAYER IS THAT WAY (capital mine)
Tunia i gensawm uh khu Mihing lunggimna dimte’n i ut bang a i kaa, i kiphin
thei, i lungsim a um bang i gen theina ding uh Ama ang sung mama ah Pasian in
mun hing koi sah a. Tua bang i bawlthei mai hilou in i bawl ding un hing
hanthawn hi. Tuajieh in a THU LAISIANGTHOU ah Laments Psalms kichi hi
jaat joujai a tuang sah hi.
Tuajieh in gingtu koi zong ut dandan in i pa Pasian mai ah kap in, tau in, ki
phin in, vui in, phun in, ki kou in, lungthah in i lung a um bangbang in i
Thuum thei hi. Tua khu Lament kichi hi. Ahiin tami Lament apat in phatna leh
biahna hing piangkhia ding ahi chi manghil sih vai.
Mangpa’n Lament Psalms bang ahi chi hing theisah henlan ki suanglalou tah a
jang thei ding in Hagau Siangthou in hing pan pita hen!
Siamlou leh chiangla tah a igen niainuai hinanleh Hagau Siangthou in
theisiamna hingpeta hen!
Topa Thupha!
Note: Next ah himi topic ma aban suntou jel vai ele…
No comments