TOPA HONG NGAK NING

TOPA HONG NGAK NING

TOPA HONG NGAK NING

Nisim Manna

𝘽𝙪𝙡𝙥𝙝𝙪𝙝: 𝙏𝙤𝙥𝙖 𝙣𝙜𝙖𝙠 𝙣𝙞; 𝙝𝙖𝙩 𝙩𝙖𝙠𝙞𝙣 𝙤𝙢 𝙞𝙣, 𝙣𝙖 𝙡𝙪𝙣𝙜𝙨𝙞𝙢 𝙝𝙖𝙣𝙜𝙨𝙖𝙣𝙨𝙖𝙠 𝙞𝙣; 𝙏𝙤𝙥𝙖 𝙣𝙜𝙖𝙠 𝙞𝙣. 𝙇𝙖𝙩𝙚 27:14 (𝙕𝘽) 

I nuntakna ah thagum-thatang kihello napi i hih dinga hong kigente lakah a haksa pen in, "Ngak" cih ahi hi. A ngak lamin i pan leh i ngakna in bangmah phattuamna hong tunlo bangin kingaihsun in, tua in i lungsim hong siasak in, lungtomna dong hong tun thei hi. Tua-in i lametna zong beisak theilai hi. I Lai Siangtho i et ciangin Pasian' mite in Pasian' kamciam a tangtunna dingin sawt pipi na nak uh ahihna kimu hi: Abraham leh Sarahte nupa in Pasian' kamciam ta kum 25 sung ngak uh hi. Joseph in a mangmat a tangtunna dingin kum 13 sung na ngak hi. David zong Samuel in kumpi dinga sathau a nilh zawh kum 15 khit ciangin kumpi na suakpan hi. 

Tua mah bangin nang zong Pasian kiangah deih na nget sawt napi Pasian in hong dawnsak nailo ahih kei leh bangmah lamlahna om nailo zong hithei hi. Tua bang ahih leh zong lungkia-a kithanem sak ding hilo hi. Topa hong ze-etna zong hithei hi (Pau.17:3). Tua manin na ngak hunsung na sep ding a om hiam, Pasian dong zaw in! Pasian in bangmah hong gen keileh zong lungkia kei-in. I Lai Siangtho bulphuh ah i muh bangin Topa ngak in, hat takin na lungsim hangsansak in Topa ngak teitei in. Tua banga Topa' zia na ngak teitei na in a hun a cin ciangin thaman na ngah ding hi. Tua manin lungkia in, tawpsan het ken! 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐧𝐚𝐧𝐠𝐦𝐚 𝐝𝐞𝐢𝐡𝐧𝐚 𝐥𝐞𝐡 𝐧𝐚𝐧𝐠𝐦𝐚 𝐳𝐢𝐚 𝐤𝐚 𝐧𝐠𝐚𝐤 𝐳𝐚𝐰𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!









No comments

Powered by Blogger.