UNWORTHY or WORTHY FOR WHAT??

UNWORTHY or WORTHY FOR WHAT??
Pastor DongzaThawng
Devotional # 49 ( Vol 3)
Fellowship of Thirsty Souls and Hungry Hearts

Thirsty Souls member teng Jingpha!

Mangpa lungmuanna in tunin na hinkhuo pumpi hing vaihawm ta hen!

Kal khat sung inn holnan ka subei a, ni 3 inn ki tuanan kabei sah a, ni 2 ma vante suh tupnan kabei sah kia uhi.  Tu'n jong ka buaibuai nalai uhi.

A joi in ka joi bei a ang panpi te tung ah jong kipah thu ka gen jou nai sih hi. Tualeh noute: ka  lomhoi pente kung ah jong kang hil mai nai sih hi.

Tuni topic pen "less is more" ichi hina pi hibang topic lian gelna ding in lungsim leh thah leh hun nuam ka  nei man nai sih hi. 

Tualeh  tulai ka umna utoh kisai in ka lungsim ah thilkhat tham jing khat um hi.  Tuami ka hing share ut hi.

Ka umna lui uh khu Shillong ading a mun nop mama, a bahara jong tam mama ta hinapi tui hoi lou jieh leh ka inn nei pa uh ang umlou apat in aji pen-numei lungneu chi tah ma,  hing buai huai sim hi. 

Thum kawmkawm in inn hol kang ki pan hi. Shillong inn hol pen a gim huai mama mai hi. Ajiehpen inn lua man rate umlou in a ut dan dan hisah uhi. 

In tuamtuam, mun tuamtuam ah rate tuamtuam ah agent te jang in ka en kawikawi uhi. 

Tu a ka umna uh khu ka mu masat pen khat ahi. Ahi in hoi seng seng in kou ading ka koi sih uhi. Hinanleh ka mu ni un ka loinun ding khia utlou phial in touden hi. 

Ahiin a bahara leh a stardard ka et chiang un kou ading dan a koilou in mun dang rate niam jaw ka en kawikawi uhi. Hi pen kou ading himhim in ka koi sih ua ka buai pi sih uhi.

Tuachin mun dangdang ka en tou uhi. Mun dang 2 kou budget toh ki tuah hoi 2 ka mu uhi.

Tua tegel lai ah ka dei joh pen choice # 1. La ding in kang ki sa ua. Inn neinu toh ka ki hou ta uhi. Ahiin Ki final ni ding aman athu kheel in a inn kikal a baang satsiet a kot bawl ding pen ut nonlou hi. Ajiehpen inn neu ni 2 ahi. 

Tuachin choice # 2 lam ka va en kia ua. Aman ka ki dehdeh uhi. Hoi deu a thum a innkuan ki lem tah a lua ding a ka um lai un  inn nei pan hing dei mama na pi ka gen ka sah uh tam seng sa adiai hing "all the best" chiin hing vai hah ta hi. 

Option 2 pen a um ding hi ta. A Jingkal morning walk in choice # 2 toh kisai a final ding ni in, a inn en ding a ka pai lai un lampi ah tua ka phulou pen a gate mai ah ki baang malam in ka ta tegel kung ah " Bawi hih aveleh ahoi pen khu. Ahia mantam seng ei ading hilou. But who knows God can do miracle even at the last hour chin thum himhim ni" Chiin ka thum uhi. Ken chuh ka ging ta sia ajiehpen nitah 2 pm chia khat pen ka final ding uh hi ta hi.

Nitah in ka ki lamet mama, jing chiang a innki tua ding dan ngaitua ding chia ka ngahngah lai un ahi thei nonlou chi thu umta hi. 

Tu in chuh choice #1 lah fail ta.Choice # 2 lah ki chai kia ta.

A um sun chuh choice tung lam/ kheel lam a pen khu mai  ahi ta hi. Himi ading ka biahbiah ana ka sep Ka Van Pasian ang ki pat ngai ding hi" Tua chi lou in kou lung sim leh  income in jou nonlou hi.

Ka ta neu te, naupang lungsim mawl leh siangthou tava thumna khu dawn lou ding Ahina toh ki tuah lou Pasian in ajing ni mama in ka phulou ka tuplou pen ah final hing bawl sah in ajing in ki tuan ka ki pan ngal ua. Tu in jou in ka ki tuan lut ta uhi. Tu ni khu a ni 4 ni ahi ta. 

I thei ding in himi inn hoi mama na pi adangte gel toh aki khiah na khu Rs 5000/ ahi. Tam thou ahivang a I Van Pasian ading in atam seng adiai??

Ka tapa in "Pa pa ih inn uh restaurant bang e" achi hi. A inn nei te hausa seng un avan te uh ka lua sawn uleh etlom hi. Ahiin leitung pen anop pen ahoi pen himama, hi mun mama ichi te jong Pasian in i lungmuan senglou na ding in limitation khat disadvantage khat um sah teitei hi. Psalm 119:96 in "to all perfection i see limit" achi dan in I Lal Jesu chi lou phot phot bangma abukim a nop kim um ngeilou hi.

Tunia bang ding ahi teng pi kang gen?

Ka loinu toh ka ki hamuan ua himi inn a um dia taah iki sah lou leh Pasian hoina i jou tampi sim seng lou te khu ataah ihi diai leh? chiin ka ki henem uhi.

Tunia i topic uh Unworthy for what? Worthy for what?

"Ahileh hih inn khu ka worthy lou ahi leh" Thil tampi aban ban ka lungsim ah hing ki lang jung jung mai hi:

1) Kumtawn hinna, ka khial ngaidamna, Van Lal ta,  Pasian ta ka hina, kum tawn a Van a suangtampi khuopi lua ding a worthy ka diai? Ka worthy lou dan dan.

2)  Ka leitung Pa  hoi mi dihtat leh hangsannu thummi leh taimanu leh ka sanggamte, family background hoi tah hibang ang piah khu ka worthy ahi diai? 

3)  Pasian nasem ding a kei bang leltah ang hat a, ang tel a  pastor ding a  Thaunu na ang piah khu a worthy mama ka diai? Ka ha sia hi.

4). Leitung gam thupipen USA ang lutsah a *Doctoriate degree ang lahsah khu a worthy ka diei? 

5) ka ji khu kei ading a ka mel ka ki tuah pi mel hoi a ka ki bat ka mi tuah pi adiai?

6). Ka tate khu kei ading a ki lom mama ahi ding ma adiai?

7)) Shillong a ka base thei a ka tate school hoitah a akai thei uh khu kei worthy mama ka diai?

8). Ka lawm leh gualte a ding a kei khu a lawm manpha uh ka diai? Kei hoi loulou toh.

9). I gam a Pasian mijat pen leh  ka ngai saang pen pen te adiah a  Dr Rev Khaizakham toh bang ki close tah a ka um thei khu ka worthy jiah adiai ??

10) Tuni tan a Pasian in kei lel tah jang a asep khiah te khu ka worthy jiah a ang sep doh sah adiai?

11) America a ka Car jat 3 te thutuam hileh Shillong ka um sung in gari thah tunai a  ka nei uh khu a 2na ahita hi. Ka worthy jiah ahi naisai sih hi.

12)Ka jinna gam tuamtuamte, progm thupi tahtah ka ki helte, laigelna lam a Pasian thaunilna te, neh tui tahtah ka nehte khu ka worthy jiah ngen a ka mu adiai??

Aban gen jom da ta vai. Tam seng ding hi

Ka pian apat, ka  naupang, ka teirol, ka tamgval, ka Pastor nasep, ka ji nei ka tanei leh ka Pasian nasep leh adang simsenglou teng khu ka worthy khat jong umlou hi. Unworthy sasa Pasian Mercy and Grace jarjou toutou, mailam dam sung leh kumtawn a jou ding ka hi nalai hi.

Khuh ahi leh chu himi inn saan ka um theina jong tua ka worthy lou sim sengloute lah a khat ahi mai hi. 

Hun paisa a ka worthy lou hijat joujai ka joulai a himi worthy lou chia ka lah ngamlou leh adang ka lahsa te ka musitna toh ki bang ahi. 

I thupi Worthy for what? Hun paisa leh tu leh mailam  tangtawn in jong bang ma worthy ka hina khat jong umlou, jong um ngei ngei lou ding hi????

Pasian mu ding in hih Rs 5000 a tam jaw adia worthy ka ki sah lou leh hisang a ngiam jaw slum / bong buh ading in jong ka worthy na um tuanlou hi. 

I point khu bangma ih worthy na khat jong a um sih hi.Inn hoi hiin, gari hoi hileh, ji hoi ta hoi, lom hoi, neh tui, nasep hoi hi leh bangma ih worthy um sih.  Ahiin i worthy lou lailaiin jong i tanlou, ineilou,i nehlou, i joulou umlou hi.

Ama Tatna leh Van hoina jieh in maban ah jong ih worthy lou simseng lou i tan ding um nalai a..atawp ah i worthy lou penpen suangmantam khuapi i tung ding a kam teng in agenthei nonlou Hundampa Mang Jesu mel i en ding a athupina kumtawn kumtawn in i jouta ding hi. 

Ahin ithei ding ka worthy jar jou ka veleh chia moh gamtat ding hilou in ahia Pasian in na phulou pipi mun leh gam leh din mun leh hunlemtaang te i mai ah ang koi chiang kipah tah in saang in lungneulou in, ki awimaw seselou in Ama phat kawm in a hoina leh a hausatna i jouthei hi.

A mah a ding in leitung khu neutalua hi. Ei ngaisang leh thupi isah, lianseng isah, tam seng isah,  hamsa seng  isahte khu Ama etna ah ana tuachilou hi.

Mangpan ahi niai nuai a i gen te dih asah leh taah asah te simtu te ading in hing gualjawl sah ta hen!

Topa thupha!

Tu nitah chia ZCBC HQ  Zoom meeting 7PM  a hun jang ding hing thumpi vaw. A ut jenjen i um uleh chial hi ngaal.