A Bulpi Khu I Innsung Ahi

A Bulpi Khu I Innsung Ahi

A Bulpi Khu I Innsung Ahi
Pastor M. Thangboi Zou 

Tangtel: Tuami ni mama in, Noah tapate shem, Ham leh Japheth toh Noah zi leh atate zi thumte toh kuong ah a lutta uhi (Siemchilbu 7: 13).

Innsung ki chi khu Pasian in umzie neitah a, a tunding ahi. Tuami dungzui in innsung ki chi khu mawpuohna lientah mai anei hi. Prof. Garner Murphy in, “Leitung bang chie umding ahiei? Tu leh tunung a khovel um ding dan etna hoipen khu innkuon ahi” chin ana gen hi. Tualeh Dr Kenneth Chaffin in, “Innsung i chi khu leitung a mihingte kilawikhawmna lutang pen leh amasapen ahi. Innsung alawching lou leh leitung kilawikhawmna zousie a lawching theisih hi. Tuachi’n innsung nuom siemdoh ding khu leitung a nasep poimaw pen khat ahi” chin agen hi. 

Innsung ki chi khu bangkim kipatna bulpi ahi. Tulai i khotang sietna leh i gamsung sietna khu innsung hoilou zieh ahi, chi muthei in a um hi. Nulepate’n innsung siemhoi ding dan i thei chiet ua, nanleh innsung hoi tunding na dinga panla, innsung ngaisah nulepa muding a tawm deudeu hi. Innsung poimawdan ngaituo tha ding akul a, innsung hoi tungdingtu hi ding in kizilsah tha chiet vai.

Lot in a innsung a etkawl hoilou zieh in a zi atanlaw hi (Siem. 19: 26), Siempi Eli in a innsung a etkawl hoilou zieh in Pasian gausapna a tang uhi (1 Sam. 2: 31-34), Leengpa Ahab in Pasian thu toh a innsung apuilou man in Pasian thangpaina leh gausapna tang in, shi hoi a shi umlou uhi (1Leengte 21: 17-26), Mi hausapa’n Pasian thu toh a innsung a etkawl zoulou zieh in, ama leh asanggam pasal 5ten gotmun meidil tung uhi (Lk. 16: 27-28).

Innsung siamtup din lunggel in len, panmun bang chi la ding chi lunggel pipen a neitheita diing in Mangpa’n hing panpi in hing umpizingta hen!










No comments

Powered by Blogger.