LAMENT PSALMS - part 2: Why God Places Such a High Value on HONESTY in Prayer?”

LAMENT PSALMS - part 2: Why God Places Such a High Value on HONESTY in Prayer?”

LAMENT PSALMS - part 2: Why God Places Such a High Value on HONESTY in Prayer?”

Dr. Dongzathawng
Devotional # 38 ( Vol.3)
(Fellowship of Thirsty Souls and Hungry Hearts)


Thirsty Souls member teng Jingpha!
                            
I dam chiatna uh maw. Tunia himi message sim ding jousie ka hingthumpi jing na hi chi ka hing theisah hi. Himi message ka hahkhia masang a hoitah a Pasian kung a nang a sim ding tu ka hing latmasat na hi.

Adiah a Thirsty Souls sim mai hilou ah comment hing pia gige mi 20-25 na min uh lou a ka hingthumpi jing na hi uhi chi na thei uh ka dei hi. 

Tualeh 15-20 kikal “AMEN or Thumps-up sign” hing pie gige te zong ka hing thum pi hi. 

Hite pen direct a ka ki connect pi te na hi uhi. Group tuam tuam a comment te zong indirect in ka hing thumpi jel ahi. Himi msg na sim him him leh thumpite lah a huamkhah na hichi ka hing thei sah hi. 

Simtu comment pelou a taima tah simte zong mang hil na hi sih uhi.

Ahiin mi 20-25 kikal te niteng a peel lou a msg toh kisai a bang e khat hing gel tei tei te vang na min min uh lou in ka hing  thumpi hi. Nou zong kithei nava uteh koi koi na hi uh. Hi ka gel lai in zong na min uh leh na mel uh ka mit ha in ki lou ta hi.  

Ajieh pen tu NEW NORMAL a i um ua patin, kikhopna um theilou, tahsa a ki pawl na hamsa ta ahijieh in media tungtawn a ki hanthawn tua lou ngal i bawl ding dan kaan um non lo hi ta hi. Kei ading a noute khu ka loi hoi pente na hi ta uhi. Tampi tahsa a ki mu kha lou i um uhi. Ahiin iki ngainatna uh pen i hattuam pi, ahilou leh  tahsa a iki naipi, tampi sang in i kinaina uh thuuh jaw in hat jaw hi. 

Henri Nouwen in “In solitude we grow closer to each other... we take the other with us into solitude, and there the relationship grows and deepens. In solitude we discover each other in a way which physical presence makes difficult, it not impossible” ( The Only Necessary Thing). 
 A ma gendan in mi ading a ithumpi chiang amaute toh munkhat ah umkhomlou lei zong ama utoh  thumna tungtawn in iki fellowship thei chi hi. Tua leh i thumpi bang jel in iki kaal khu a thuuh semsem hi chi hi. Khumjiehin thumna tungtawn leh himi msg tungtawn in noute toh iki jopna det in thuh semsem hi.

Ham tuamtuam, hattuam tuamtuam, mun tuamtuam, sepna tuamtuam hinanleh himi msg tungtawn leh thumna tungtawn in nai a umkhawm, sem khawm, bia khawmte sang in zong iki nai jaw thei hi. A lamdang pi hi ei!

Khujieh in ih Fellowship of Thirsty Souls tungtawn a hagau lam a ka lawmte ading a thumsah khu ka nasep khat in ka ngai hi.

Mangpa’n tuni in zong Ang houpina aw hing jahsah kiata hen!

Tuni i Topic ding uh zong a hamsa sim pi ahia, kipat ding ngap la sasa kipan kahi. Janni leh janni masa vel a kipat sawm sawm hinapi ka tate buaipi toh, ka laibu buaipi toh, tua leh adiah a topic ka lit sim man a kipan doh theilou ka hi. Thum kawmkawm leh chinglou kisa kawmkawm a ka hing kup ding ahi aw. 

Tuni Topic: LAMENT PSALMS- part 2: Why God Places Such a High Value on HONESTY in Prayer?”

Tunin thumna inei chiang  a bang ding a Honesty - (Thudihna) hichi poimaw e chi en vai?

I msg paisa a neukhat review ta lei. Lament Psalms topic tungtawn a i gen sawm khu: Pasian kung ah ut dandan a thum thei adiai? chi ahi. Mihingte lungtang natna leh puah gih a dim ten Pasian kung a va thum chiang in kamteng hoihoi, thum dan kilawm chi a um sese diei? Ahilou leh ihina bangbang ilunggel bangbang in Pasian i houpi thei diai chi ahi.

Lament Pslams in ahing gensah ut khu HITHEI E chi ahi. Lament Psalms in ahing gensah dan chu Pasian in tua bang a bawl ding ahing phalsah mai hilou in bawl ding in hing phut hi chi ahi.

Amasa in Mark Vroegop laibu Dark Cloud Deep Mercy chi i pansan ua, tu in ahileh Philip Yancey laibu Prayer ha pan a pansan ding ihi. Amau te laibu review bawl ihi sih a hinanleh ama uh te apat lah ding tam ahijieh in i entou jel ding ahi. 

Philip Yancey thugen khat ka nui ja, jong lamdang kasah khat hing gen masa vang: ama gen dan in Leitung a Pasian umlou kichite thugen kamteng Pasian agensietna, a chounate uh,  eg Voltaire, David Hume, Bertand Russel leh a dangdangte ka en a, a Pasian gensietna te uhkhu Habakkuk, Sam laibu, Ecclesiastics, Lamentation leh Job laibute a Pasian a gennate sang a huaise jaw ka mu tuan sih chi hi.
I challenge skeptics to find a single argument used against God buy the great agnostics - Voltiare, David Hume, Bertrand Russels - that is not already included in such a biblical books as Habakkuk, the Psalms, Ecclesiasites, Lamentation and yes, Job. These strong passage from God express the anguish of dislocation of hurt and betrayal of life that don’t make sense of God who seems not to care of even exist"  chi hi.  Bible a Pasian mite'n Pasian hina a genna uh khu tulai pasian umlou chite sang in huaiselou tuanlou chi ahi. 

Himi thu ka type lai in ka lungsim kapkap hi. Ka mittui zong pot hi.  Ajiehpen Miihing lungtang sungnung pen a thawm hauna ki koukhia khu Pasian in ana theisiemlou leh koi in a theisiam ta ding lah? Hibang a theisiem inei man in i hampha hi. 

Ngaitua di vua leh: Pasien umlou kichi te'n akam teng ua a awsie teng utoh Pasian a gensietna uh teng toh kibang ding in Pasian ithu mama ah Pasian mite'n Pasian a na kou khum uhi. Hinanleh Pasian in ana phasah mai hilou in tuabang a bawl ding in hanthawn a, tuamai hilou in A Laisiangthou ah ana tuangsah nalai hi. 

Yancey gen dan in tua bang a mite'n Pasian a mawsahna uh kamteng khu “THUMNA” chi'n kimin vua nalai hi. “Most Importantly, these accusations contained in the Bible itself are framed as Prayers” chi ahi.  Heihah! gih in theisiam hah e. Thuuh in ngaituana in baan sih ei. 

“Like Abraham, I approach God at first in fear and trembling, only to learn that God wants me to STOP GROVELLING and Start ARGUING"  chi ahi.  Abraham in Pasian khu awlawl in amai pha en in jau kawmkawm in houpi hi. Hinanleh Pasian kinial pi ding in ana dei hijaw hi. Aw i Pasian thupi khu i PA i mai jen hia maw. Lian in Siangthou na in tuam nanleh ata ihina toh naitah a ki nial pi thei ding khop a hing ki su ngiam ahi maijen hi. En kaang nounou a jatat tah a bia i sawm lai in Ama’n bawl thopthop ding in hing na ngah hijawta jen hi. I PA uh lungsim thei tahtah lei aw! 

I Pa Pasian lungsim leh hina tahtah theisiam tahtah lei a aang ah, bualbual ding, kitattat ding ihi.

Philip in “When I finally approach God, in fear and trembling, I find not a TYRANT but a LOVER”  chi hi. 

Bang ding a hibang lawm a Pasian in a tate a ut dandan a, a lungtang tawng ua pat a, a lungthahna uleh a lungkim louna uh teng a suakhiah, a genkhiah ding uh phalsah adiai? or Ahilou leh tua bang a mihingte phunnoina leh lungthahna ki koukhia kamteng te khu THUMNA kichi thei adiai? I genjou ta Psalm laibu se 3 sua se 2 khu LAMENT Psalms ahi. 

Bangdang jieh hilou in Pasian in  HONESTY a ngai poimaw leh angaisang seng jieh a tuatan jong aphalsah ahi ta jen hi. I have sometimes wondered why God PLACES such a HIGH VALUE on HONESTY, even to the extent of enduring unjust OUTBURST” chi hi. 
Pasian in thujuau deilou seng, thudih ma adeiseng man in i lungsim a um teng, i suakhia a, ama tung a i lungkim louna tanpha i genkhia khu ana thuahjou jaw hi - JUAU genna sang in.

Khumjieh in Job in a utut  agen a, Jeremiah in Lamentation laibu ah a ut teng toh katam lou a, Jonah Shiding in thum a, Elizah in Pasian kihaupi in, Psalm laigialpa in Pasian anu apa sang in zong naijaw in kinialpi a, Mose in Pasian in that ding in thum hi. I Mangpa Jesu ngawingawi in zong a jauna, a gimna, a ngapla ngutngut nate genkhia in. Tua mai hilouin Pasian in bang ding a taisan e chi tanpha in kikou khum hi. Paul in zong a thawmhau dante imlou hi. A lungthahnate Pasian kung ah phual lou hi. 

Mihing tungman a kisiamte chauna, natna, hamsatna theisiam Pasian inei hi. Aman akhut a asiamsa mihiingte hina theiseng in… i utut a kikou zong hing phalasah hi. Pasian in  Ama kung i jawt chiang a i hina bang a i pai ding khu adeina jiehin hibangteng zong phalsah hi.  

Mihingte iki phual dan uh, i ki-im dan uh, iki dihtat sah dan uh, Pasian in thei mama hi. Ki-im-im sang a ihina bang a Ama jot dingkhu Aman lam-en hi.

Cousellor minthang Paul Tournier kichi pa kung a mi in: "Hyporcite-pharisai or thadou ham in nalpen mipha-lhem"  khu a hilchetna bang e chia adot lai un ama'n "It is I” “kei ka hi chi hi.” Kei ka hi pharisai hilchetna chi hi. “Prayer reminds me of that truth” chi hi. Umjieh khu ka thum chiang pharisai ka hina hing kilang jel hi. A genut khu ithum chiang ua Pasian mai a ama’n ihina, i lunggel uh atheilou ding dan a i va bawltawm uh khu Pasian in ning hi. Tua khu ahi mipha-lhem hina uh chi ahi.

C. S Lewis in vang “We mush lay before Him what is in us, not what ought to be in us, We must TRUST God with what GOD  ALREADY KNOWS’ chi hi. Pasian kung  a i thum chiang ua “Ahisa, a umsa te bang a iva pai ding uh ahi. I hi ding, a um ding a kilawm didan hilou jaw in Pasian in ahing theisa siang ahi a, I va pai ma a zong Pasian in ahing theisa ahi chi i muang phot ding ahi. Va bawl tawm a, a kilawm ding a va ham, thu vagen siam ngai sese lou chi ahi. 

Philip Yancey gen dan in  "Self-exposure is never easy, but when I do it I learn that underneath the layers of grime lies a damaged work of art GOD LONGS TO REPAIR” himi ahi atup. Doctor mai ah inatna teng igen ua, iki hohkhia ua ama iki etsah chiang aman inatna hing mukhia in, i damna ding hing buaipi pan hi. Tuabang ahi Pasian in a tup khu. 

Pharisai pa an ngawl thum leh somakhat piah genteng Pasian in ja nuamlou a Siadong pa a awm tum a mikhiel ka hi chi pa Pasian in hepina pejaw hi.  Thumna lawching in kile kia hi. 

A chang ah Pasian kung iva pai chiang un Ama kung iva pia thei uh bang ma kineilou hi. I lunggimna leh i puahgite chilou tut ding ki neilou hi. Tuabang hun a vai nai  leh i va jawt thei ding uh Hundampa hoi inei ahi. Aman hingpai un nou  semgim leh puahgih pawte jousie keima'n tawldamna hingpia vang chi hi. I lungthahna, i hasietna, i lungkimlouna, i thangpaina te genkhelou in bangchi'n i puagih iva sua khia  tahtah thei diei? chi ahi. I puahgih, i natna , i lunggel tahtah te nusia a Ama kunga  bangkim ahoi dandan a va thum ding chi pen Ama deidan thumna hilou hi. 

"Sometimes we have nothing to offer in our prayers but COMPLAIN” chi hi. 
Yancey in “ Not only does God tolerate complaint in our prayers, the SCRIPTURE FILL IN THE WORDS FOR US” 

Ama gendan in Pasian in I thum chiang ua i complain ding uh phalsah mai hilou in i complain na ding uh kamteng zong A THU in suh dim sa in ( fill up sa in) hing na kawi sah chi hi.  Laisiangthou ah tuabang thumna adim in eiten i jatthei ding in umsa in Eina koisah hi. 

David Wong in: "We may get angry with God, but it is better than getting angry with people, or with things, or with ourselves. GOD CAN TAKE OUR ANGERS- HE CAN HANDLE IT” chi hi. 

Mihing tung  a lungthah hi in,  thil tung hileh, eima tung a ilungthah sang in Pasian tung ah lungthah in ama tung ah phun lei AMA'N alaw ding dan, akhawi ding dan thei mama hi. Aman i lungthahna hing  sudaai sah ding in muan huai hi. Tua i lungthahna i vatut khu LAMENT Psalms ki chi khu ahi.

Bangding a hichi bang liang a Pasian in i utut igen ding ahing phalsah mai hilou a ahing hanthawn e ichi leh HONESTY a ngaipoimaw seng jieh ahi. Ama kung i va thum chiang ua thujuau igenlou ding uh a deiseng manin i vuina leh i lungthahna, i lungkim louna teng zong ama kunga i thum chiang ua gen ding in hing phalsah hi. Aman i lungkimlouna te ngaikhie ut in, i lungnatna GU-TE  hing topkang sah thei hi 

Tu in atawpna ding in YANCEY thugen: “I HAVE SOMETIMES WONDERED WHY GOD PLACES SUCH A HIGH VALUE ON HONESY, EVEN TO THE EXTENT OF ENDURING UNJUST OUTBURST” chi hi.

Tunia igen ut khu Pasian in atate bawltawm ngailou, kamsiam ngailou, ki suangla lou, gensiam ngailou a i lungsim  a umbang a Ama houpi ding khu ngaithupi hi. Tua i lungsim a umte khu achang ah a hoilou lam zong tam maithei hi. Tua zong khawhsalou in Ama kung ah ibung khia thei hi.  Ajiehpen Aman juau leh bawltawm pawmlou hi.’

Khumjiehin Bible a thumnate i sim chiang atung a igen lungthah na, mauna, hasietna leh Pasian tung a lungkim louna  tanpha jong imlou leh khenlou in gen jialjial uhi.  Pasian in ngaikhie in theisiem hi. 

Tuajieh a tawpna ding ah Philip Yancey in a laibu dang “Disappointment with God” ah Job tungtang agenna ah  "ONE BOLD MESSAGE IN THE BOOK OF JOB IS THAT YOU CAN SAY ANYTHING TO GOD”. Job Laibu ka sim jou apat in (ahilouleh) Job laibu in hangsan tah a hing hil ut thil khat ahileh Pasian kung a utut genthei hita chi ka mu hi chi ahi. 

Tuami ahi LAMENT PSALM i chichi uh. 

Mangpa Hagau Siangthou in i  bawn un theisiam na hing pia ta hen!

Topa Thupha!


NEXT ah: Lament Psalms: RELATIONSHIP lam ki kum vai. Hing thumpi vaw..

Part - I na simnuam leh hiah lut in

Part - I














2 comments:

  1. Lungdam mahmah e Sia. Na thugelhte akipan cihtakna leh thumanna tawh Thunget ding ahih dan ka phawk thakthak hi. Tua bek hilo in kidiksakna tawh Pasian maipha kimulo ding ahih dan zong ka phawk thak² hi. Khat vei² i theihloh kal in ei leh ei hoih kisakna tawh i ut dan lam in Pasian kiang ah thu kingen kha thei hi. Kiniamkhiat na tawh Pasian mai ah lungsim niamkhiat a thum ding leh A maipha zon ding ahih dan ka phawk kik hi.

    Lungdam

    Zahtak Natawh

    Cin Mung. Singsit

    ReplyDelete
    Replies
    1. Lungdam ing Mung na comment hoihtakte ziak in kei a post khetu leh a laigialtu in tha ngah mahmah hi ung. Tuathamlou in, na gendan mah bang in ken zong ka mimal hinkhua ah kiphokthakna lianpi hong tun in ka thei hi.

      A hong kipost jel ding tampi omlai ahih man in hiai blog hong na visit sakjel in la ana sim jeljel in. Topa thupha

      Delete

Powered by Blogger.