KHRIS' TANGMI

𝗞𝗛𝗥𝗜𝗦' 𝗧𝗔𝗡𝗚𝗠𝗜
Nisim Manna

𝐁𝐮𝐥𝐩𝐡𝐮𝐡: "𝚃𝚞𝚊 𝚊𝚑𝚒𝚑 𝚖𝚊𝚗𝚒𝚗 𝚝𝚞 𝚒𝚗 𝚔𝚘𝚝𝚎 𝚒𝚗 𝙺𝚑𝚛𝚒𝚜' 𝚝𝚊𝚗𝚐𝚖𝚒𝚝𝚎 𝚔𝚊 𝚑𝚒 𝚞𝚑 𝚊... . " 𝙺𝚘𝚛𝚒𝚗 𝙽𝚒𝚑𝚗𝚊 5:20

Tangmi cih ciangin palai (ambassador) cihna hi. Tua hi-a Khris' tangmi cih ciangin Khris' palai, Khris' tanga pai (ding) cihna hi. Hih Khris' tangmite hihna tawh kisai tamlo en ni:

1. Tangmite in a sepna gamah gammi hihna (citizenship) neilo in, amah a sawl, akipatna gam bekah gammi hihna nei hi. Tua mah bangin Jesu gumpa le Topa in a sang mite zong i sanni a kipatin vantung gammi hihna anei i hi-a (Fil.3:20), tua a kipatin leitungah Khris' tangmi nasep a sem pah i hi hi. Tua manin Khris' tangmi hihna don man lianglo-a aituam vai hi-in leitungah kikhual luat pen i hihna tawh kituak lo hi.

2. Tangmite' a va sepna gam in a khasum pia lo in, amah a sawl, a kipatna gam in a piak ahi hi. Tua mah bangin eite zong Khris' tangmi nasep i sepna ah Pasian in i sepna tawh kituak in thaman hong pia ding hi (Matt.6:6; 1Kor.3:8; Mang. 22:12). Na nasepna tawh kituakin thaman na ngahzo takpi ding hiam?

3. Tangmite a sepna gamte deihna le thupiak bangin omlo in amah a sawl, a kipatna gamte deihna le thupiakna bangin om zaw uh hi. Tua mah bangin eite zong hih leitung mite gamtat bangin omlo in Pasian deihna bangin i om ding ahi hi. Nang na nuntakna leh hong sawlpa deihna a kituak takpi hiam? A kituak leh mi hampha na hi-a, a kituak kei leh kibawlphatna ding hunpha Topa'n hong pia lai hi.

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐊𝐡𝐫𝐢𝐬' 𝐭𝐚𝐧𝐠𝐦𝐢 𝐝𝐢𝐧𝐠𝐢𝐧 𝐧𝐨𝐧𝐠 𝐬𝐚𝐰𝐥𝐧𝐚 𝐚𝐡 𝐧𝐚𝐧𝐠 𝐚𝐝𝐢𝐧𝐠𝐢𝐧 𝐭𝐚𝐧𝐠𝐦𝐢 𝐦𝐮𝐚𝐧𝐡𝐮𝐚𝐢 𝐤𝐚 𝐬𝐮𝐚𝐡𝐭𝐡𝐞𝐢𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!

(𝗡𝗕: Hih Nisim Manna na sim leh a gelhpa 𝐂𝐨𝐯𝐢𝐝 𝐏𝐨𝐬𝐢𝐭𝐢𝐯𝐞 hi. Khris' tangmi muanhuai a hih theihna dingin thahat lopi in hanciam tantan hi. Nang a cidam, a thahat in Khris adingin koibangin na sep sawm a?)