KHRISTIAN I HIH A KITHEIHNA

KHRISTIAN I HIH A KITHEIHNA
Nisim Manna

𝘽𝙪𝙡𝙥𝙝𝙪𝙝: 𝙉𝙤𝙩𝙚 𝙠𝙝𝙖𝙩 𝙡𝙚𝙝 𝙠𝙝𝙖𝙩 𝙣𝙖 𝙠𝙞-𝙞𝙩 𝙪𝙝 𝙡𝙚𝙝 𝙠𝙖 𝙣𝙪𝙣𝙜𝙯𝙪𝙞𝙩𝙚 𝙣𝙖 𝙝𝙞𝙝𝙣𝙖 𝙪𝙝 𝙢𝙞 𝙠𝙝𝙚𝙢𝙥𝙚𝙪𝙝 𝙞𝙣 𝙝𝙤𝙣𝙜 𝙩𝙝𝙚𝙞 𝙙𝙞𝙣𝙜 𝙪𝙝 𝙝𝙞, 𝙖𝙘𝙞 𝙝𝙞.   𝙅𝙤𝙝𝙖𝙣 13:35

Hih thu pen Jesu kampaute lakah a lamdang khat ahi hi. Hih thu in Khristian i hihna a kitheihna hi a, leitung mite tawh i kilamdan'na ahih leh eite khat leh khat i ki-itna ahi hi. Ahi zongin tuhun Khristian tampite in midangte it ding pen a thupi pen in koih nawnlo uh hi. Jesu in tuhun a note sungah nungta ka hihna leitung mite in hong theihna dingun hih thu pen a thupi pen in na koih un, aci ahi hi. 

Tuhun ciangin i biakinnte uh thupi in, a sungah vanzat suak thakte kikoihta in, tutna a nuam thei pen kikoihta in, pilna-siamna a nei Sia tampi kinei napi Khris nungzui i hihna a kitheihna ahi lungsim takpi tawh midangte itna kisam lai hihang! Khristian masate nuntakzia i etciangin tuhun a eite neih bang nei lo napi lungdamna thu nakpi takin kizeel sakzo uh hi. 

Bang hang hiding hiam i cih leh amaute khat leh khat ki-it uh a, a neihsate uh neikhawm ngam uh a, thupha kideih sakin a omna hang uh ahi hi (Sawl.2:43ff). Tua manin tuni in eite'n zong khat leh khat i ki-it ding mah a thupi pen in koihna tawh Jesu nungzui i hihna kilangkhia sak ni. 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐧𝐚𝐧𝐠𝐦𝐚 𝐧𝐮𝐧𝐠𝐳𝐮𝐢 𝐤𝐚 𝐡𝐢𝐡𝐧𝐚 𝐦𝐢𝐝𝐚𝐧𝐠𝐭𝐞 𝐢𝐭𝐧𝐚 𝐭𝐚𝐰𝐡 𝐤𝐚 𝐤𝐢𝐥𝐚𝐭𝐬𝐚𝐤 𝐳𝐚𝐰𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐦𝐢𝐧𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!