NA PIAKKHIATNA BANG IN HONG THANUAM SAK HIAM?

NA PIAKKHIATNA BANG IN HONG THANUAM SAK HIAM?
Nisim Manna

𝘽𝙪𝙡𝙥𝙝𝙪𝙝: 𝘽𝙞𝙖𝙠𝙞𝙣𝙣 𝙨𝙪𝙢𝙥𝙞 𝙠𝙝𝙞𝙖𝙩𝙣𝙖 𝙠𝙪𝙖𝙣𝙜 𝙜𝙚𝙞-𝙖𝙝 𝙅𝙚𝙨𝙪 𝙩𝙪 𝙖, 𝙢𝙞𝙝𝙤𝙣𝙩𝙚 𝙞𝙣 𝙨𝙪𝙢𝙥𝙞 𝙖 𝙠𝙝𝙞𝙖𝙩 𝙡𝙖𝙞𝙩𝙖𝙠𝙪𝙣 𝙖 𝙚𝙣 𝙝𝙞. 𝘼𝙝𝙖𝙪𝙩𝙚 𝙞𝙣 𝙩𝙖𝙢𝙥𝙞𝙥𝙞 𝙝𝙤𝙣𝙜 𝙠𝙝𝙞𝙖 𝙪𝙝 𝙝𝙞.  𝙈𝙖𝙧𝙠𝙖 12:41

Hih mun ah Jesu in mihonte sumpi khiatzia na en hi. Ahaute in tampipi khia-in ahi zongin a zawng meigongnu in sumnen tang-nih khia hi. Hih tangthu in hong theihsaknop ahih leh Topa muhna panin piakkhiatna ah bangzah pia cih a thupi hilo in tua sangin piakkhiatna ah bang lungsim tawh piakhia hiam, cih thupi sazaw in tua a en ahi hi. 

Tua manin Jesu in tua meigongnu in tamkhia zaw hi. Bang hang hiam cih leh midangte in aneih val khia uh a, ahi zongin meigongnu in bangmah siit nei lo hi, na ci hi. Pasian in leitung mite hong it luat manin a tapa neihsun hong piak (Jn.3:16) mah bangin eite'n zong piakkhiatna ah amah i etteh ding hong deih hi. Pasian deih piakkhiatna taktakin itna bulphih piakkhiatna ahi hi. 

Tua manin tuni in na piakkhiatna bangbang Topa' muhna ah a santak, a manpha a suah theihna dingin Topa leh mite na itna in na lungsimah thanopna hong piakna hangin a piakhia hita hen! Mite phat ding deihna leh lunggulhna tawh piakna hi kei ta hen! Tuni in piakkhiatna na neih pen sawl hat thu zong hikei henla, mite zahtak manin a pia zong hi kei ta hen! Topa leh mite na itna hangin a piakhia hizaw ta hen! 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐦𝐞𝐢𝐠𝐨𝐧𝐠𝐧𝐮' 𝐬𝐮𝐦𝐩𝐢 𝐤𝐡𝐢𝐚𝐭 𝐛𝐚𝐧𝐠𝐢𝐧 𝐥𝐮𝐧𝐠𝐬𝐢𝐦 𝐭𝐚𝐤𝐩𝐢 𝐭𝐚𝐰𝐡 𝐧𝐚𝐧𝐠𝐦𝐚𝐡 𝐥𝐞𝐡 𝐦𝐢𝐭𝐞 𝐢𝐭𝐧𝐚 𝐭𝐮𝐧𝐠𝐭𝐚𝐰𝐧 𝐢𝐧 𝐩𝐢𝐚𝐤𝐤𝐡𝐢𝐚𝐭𝐧𝐚 𝐤𝐚 𝐧𝐞𝐢𝐡 𝐭𝐡𝐞𝐢𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!