WE CANNOT GET INTO NARNIA THE SAME WAY EVERY TIME

WE CANNOT GET INTO NARNIA THE SAME WAY EVERY TIME
Pastor Dongzathawng
Devotional # 44( vol 3)
Fellowship of Thirsty Souls and Hungry Hearts

Lawmte aw I dam chiatna uh maw!

Mangpan tunin na hinna ah thil hoitah khat hing bawl sah ta hen!

TUNI TOPI: "WE CANNOT GET INTO NARNIA THE SAME WAY EVERY TIME”

Tulai ka hun nop penpen uh khu nitah lam 4/5 PM vel in ka loinu toh walking pai na in nai 1 val ka subei jel ua, kava thumden jel uhi. Pasian hoina in ka ngai hi. Ahia abuai huai khat ka loinu’n ni tah khat Ui(Dog) vahlete pi hing dugaw ta mawh hi. “paa deu in lan hia uite khat hing matsah thei le chin hoi di hia maw?” hing chita mai hi. Ei i neu apat uisa ne ngailou khat in UI hing, hing satlup mai ding chuh challenging thou e.

, Tujingkal in 4 AM in ka walking ua, nitahlam a ka nei utoh ite leh anopdan tethei kialou hi. Pasian hoina ka phat chimthei sih hi. Hibang hunnop ahing bawlsah jieh in. Sum leh pai in aleijoulou hamphatna ka chi mai hi.

Tulai ka tate school kai tegel assessment jousiangta. Thawveng himai. Nop sengseng ki thawmhau jawjen hi. Khujiehin tuni'n hibang hunhoi hing pia I Pasian tung a kipahthu genna leh Hunnop ahing pia alopna tobang in message ka hing gial hi.

Tunia i Thupi pen u khu C S Lewis novel minthang leh movie thupi tah $$ 180 million budget a thupi tah a kibawl Chronicles of Narnia: The Lion, the Witch and the Wardrobe ki pat a hing ki la ahi. Naupang 4 te: Peter, Susan, Lucy leh Edmund te khu prof Kirke inn a wardrope (puan khaina) a kimawlmawl uleh kotkhat ana um in ava lutlut ualeh Narnia kichi khawvel dang khah a valut uhi. Khu Narnia ah hunnop tah vamang jel uhi. Tuachiin hing lutkia jel uhi.

Tunia i gen utpen khu Prof Kirke in naupangte kung ah “You won’t get into Narnia again by that route… I don't think it will be any good trying to go back through the wardrobe door ... But don't go trying to use the same route twice.” chi hi. Umjie khu tua Narnia mun lamdang, munnop mama khu wardrope tungtawn mai a paipai theilou hi chi hi.

Hitawh kisai ah CS Lewis in hibang in gen hi “We wont come into the experience of God’s presence the same way every time. God is not predictable, but He is reliable” chi hi. CS Lewis in agensawm khu Pasian toh kipawlna, Pasian umpina, Hagau Siangthou pawlna leh vena nasep kichite khu ei mihing progm bang a mawh um thei hilou hi. Progm khumthei hilou hi. Pasian pen ei hisap dandan in mawh gamtatlou hi chi ahi. Ahiin Pasian khu muantah, ki ngapna thei( reliable) ahi. Ahiin predictable hilou hi. Ajiehpen I Mangpa Jesun Hui(Wind) khu khoilam a hing kipan, khoilam juan chi a thei hamsat dan ana gen hi. Philip Yancey in laibu “Finding God in unexpected Places” achi khu dih mama hi.

Ka loinu toh nitah lam teng a walking ka pai uh anop mama kasah lai un tu in anop jawsem koima thaw ma walking nopdan ka theithah kiata uhi. Tuamabangin Pasian pawlna leh Hagau Siangthou vena leh pawlnate khu mihing in genloh leh guatlohthei hilou hi.

I gengen jel mabangin gentena in Tujing kal i thumna nop mama, toptheilou, pai jarjar, hunbei lam kitheilou ei ading a NARNIA mun himai hi. Ahiin jing chiang ithumna munma, i thumhun chetma ah va thumlei bangma ana umnonlou hi. A gaw in kigaw a, abing in bing hi. Narnia ah kilut thei nonlou in wardrope miallai ah iki maiden hi.

Hun hing paijel in tua wardrope miallai a jingkal simsim a Narnia lutsawm a iki maimai leh i lametlou, i ginlou hunkhat in lametlou mun apatin kot hing kihong in Narnia mun ah va kilut a tuani khu ei ading in Van huikhua diha, Hinna tuisiang i va dawnni, van manna toh ikivah ni himai hi.

Hagau hinkhua kum hijat ka hi nung a, awlawl ka ki sintouna ah , mi bang in saupi, thuuh pi, sangpi chuh ka tung naisai sih hi. Ahiin ka jil khiahkhat khu THUMNA pen abul a kipat jeljel ngai hi. Jil ding umum mai hi. Ka thei kim, a tawp tan ka tungta chi thei mongmonglou hi. Nungjuite bang a “Mangpa thumdan hing hil in” chi thahthah ngai in um hi. Thumchiang a naupang bang a A simple a kipat kia khu kaisaangna lampi hoipen hijing chi ka thei hi.

Ajiehpen i ha thumsem leh abul lam ah kilekia ding a naw ki hi jing mai hi. Zac Poonen in kum tampi (50/60 lam) Pasian nna asep jou a Pasian kung a bangbawl ding in na hing dei ei chia adot lai in kum 60 ma a kagen sa khu chi in theisahna mujel hi. Tua khu Mary in Jesu kengbul a siptah a um khu a teel jaw chi ahi. . tuami mun a kile kia ding in Pasian in theisah jel hi.

Khujiehin Philip Yancey in “ WHEN IT COMES TO PRAYER WE ARE ALL BEGINNERS” achi khu dih jing mai hi. Pasian na semsawtta, pensionta hial a thum dan ki khel nailou, a style kibang jing mi nathei leh tua pan thumnalam ah jil anei sih chi na ahi. Neu lai a pastor ten bial ang tot teng ua a sermon uh kibang jel hi. Ana ki byheart toh kibang ahi.

Ajiehpen thumna ah dan - hichi sese chi umtheilou hi. Tunia i thumdan khu jing chiang mi thum jing mi na hileh athah khat Pasianin hing piata ding hi. Hichi thum teitei ding chi umlou hi. Ajiehpen i tate aneu ua pat akumkum in hing khang ua, a hamdan, adeidan, a nehdan kikheelkheel mai hi. Ei apa-anu ahing houpi dan, ang ki thuapi dan zong khanbangjel un ki kheelkheel mai hi.

Tuate khu bang jieh e ichi leh akhan jieh uh ahi. Hagau lam a khanna etsah na hoipen ahileh Pasian toh i kikal kinai sem ding chi ahi. Ama toh ikinai sem leh ama apat i jil thah, i muthah, i theithah ki belap jing china ahi. Tua akibelapte lai a khat khu ithumdan a kikheelkheel khu himai hi. I Mangpa Jesun Thumda’n ahing hil khu a principle ahi a byheart a phui sam a sap ding hijenjenlou hi.

Phuisam siam, kam teng hoi, Theology thupi leh gil kichite khu pa leh ta kal ah ajatna ding umlou hi. Kamteng hoipen leh kilompen a phuikisam a million a sim a kithumthum British Kumpi insung hinkhua sauna ding a phui kisamsam khu akhiatna umlou hi. A suina uah midang sang in Mangkang kumpite insung khu khantom pen chi uhi( Philip Yancey - Prayer). Kikhop teng a I Mangbiahna gen uh khu kumkhat sung in Lamka sung mai ah siingbang jat vei aki gen diai? eg: “Na gam hing tung hen, Ka tung ua khielte ka ngaidam bang in” chite. A meaning umlou imudoh nai sih uhi. I Mangpa Jesu'n Pharisai ten a gen tuantuan - avialvial in a gen uh achi khu ngaitua tham hi.

Ka tate lai a thumna ka ngai utpen khu aneupen nu ahi. A thum chin in idea thah khat hing gen khia jel hi. A lungsim a umbangbang in thum a. “Mangpa Maw, I maw,” chiin awlawl in ..kei apa ahing houpi bang in Pasian houpi a- Aw I Pa Pasian hi hichidan a houpi or thum ding ma ave maw chi ka mu thahthah jel hi.

Pasian toh ki houdan, kipawl dan, biah dan, houpi ding dan, phat ding dan, pahtoi ding dan hichi bang teitei, hi chi sese ding chi hattuam leh upa na thei leh tua mipan thumdan bang ahi chi a jil khanaisih chi theimai in.

Van a meilumte enlei aki jialdan aki bangbang in ki mu na pi a second a second in jattuam hi. Tuabang in I Pasian in tawp theilou, bei theilou idia leh variety nei hi. Ama khu a creative dan leh creativity angai sang dan khu a LEITUNG siamdan ah ki mu hi. Tuiluang, tui kikhaw, pahpe, loupa, haichi, theiga, ju leh va, sa leh ngate, singkung te, mual leh taangte, tuinuai a ganhing leh adang simseng loute enlei I Pasian un thil tuamtuam, ajatjat bawl athanop dan kimu hi.

Mi khenkhat a Christian hi apat a Pasian houpi dan kilam danglou, apatna a thusap teng, a lai a thum dan, leh atopna abawl dante zong ki kheellou a, ama thum a kumkum a jaahsate ding ana byheart thei ding khop a thumdan ki kheel theilou mi um hi.

Tulai ka family ua, insung maitam, ann neh thumna, mimal thumna, ka bawl dan uh ka kheelkheel mai uhi. Lockdown sung diahdiah style tampi ka jui man uhi. Style umjie khu no style hijaw hi. Bruce lee is “no limit is the limit; the formula is no formula, no style is the style”( memory) achi dan hileh Pasian biahdan khu a rule, adan, bawl ngeina chite ang um chiang Pharisai te toh ikinaita china ahi.

Khatvei tou ama phur dan leh a hahsatna tuah jir a minute 5 vel thumte ding in khupdin a thupi tah a i aw nei sun a kikou a, anal theitop a thumthei ahi. Ahiin niteng, jingkal teng a dahkal a sim Pasian toh hunjangte ading in bawldan tuam hi. Hibang a jingkal teng a Pasian toh hun na man lai a, Pasian in lah hing pawllou , na ngen a um a na ki thei a, chimtah leh gawtah a na um chiang bang na chi um ding hita? Na khawl mai ding maw? Thumna phatuamlou chia thum nonlou mai ding maw? Na thumna atuia, na Bible sim atui chiang a sim ding thum ding in i tuilou sim, i lunglut khawllou leh topsan mai ding maw? Tuapen Christian hinkhua paidan hilou hi.

I gengen ta “simple act of showing up” chi leh “ka kot khahbul a niteng a hing na ngahte hampha” chite i genta hi.

Khujiehin thumdan kibang, style kibang, kamteng law kibang, houpi dan kibang, ahi chiang ritual kichi sakhua mite bawl utpen leh paidan hing lut hi. Ei Pasian pen sakhua mitna dan a bia a kipah ahilou in. A hing leh ahing ki pawlkhawm ahi. Pa leh ta ki thua ahi. Sakhua mite Pasian biahdan in ei Pasian in atate ki pawlpi lou hi.

Pasian in atate khu formal tah in kipawlpi lou hi. Ka tate toh ki thua ding dan idea tuamtuam ka ngaitua jel hi. A jatjat in anopsahna ding uh ka ngai tua hi. KA BORING Sawm sih hi. Pa BORING hiding ka ut sih hi. Tamvei pi anun hing juingaplou in. Hing ning uhi. Tunitah zong alem leh ka tanu lianpen idea a school suti/break ki pan nahnah common room tuanglai a inkuan a lupsawm ka hi uhi.

Pasian in atate style tuamtuam in free tah in ki pawlpi hi. I Pa Pasian pen a boring huai mama Pasian hilou hi. Hagau siangthou in Pasian leh atate ki pawlna a boringlou na ding in a jatjat fresh leh creativity beitheilou hing pua khia jel hi. Pasian kung a hun tam jangte'n thumdan chikhat mai jangdenlou uhi. Ajiehpen I kithuapi, iki houpipa Pasian in chikhat mai theilou hi.

Tulai a Naupang school ading a hoipen ichite khu bawldan thahthah puakhie tampente khu ahimai hi. Ahileh jingkal teng a hun sawtkuampi Pasian toh naki hou chiang na bangchi umta diei? kum tampi lai a na thumdan pangei leh na khupdin dan pangei kheellou a juitou jel ding maw or bawldan tuamtuam toh Pasian na pawltheita diei?

Tuni'n na NARNIA lut na ding a lampi khu hunchin a kibanglou. I gintatlou, ilametlou lam ah kot ana ki hong thei gige hi. I genut khu Narnia lut nading in lampi kibang ki juidenlou hi. Ki kheelkheel hi. Vanleng i tou chiang security check jou chiang gate number hing ki pia hi. Tuapen ki khual jin teng in Vanleng kibang, i jawtna ding kibang nanleh a gate no. a kibang higige lou hi. I jinteng in gate number ana tuam hi. I ticket leh a signal or computer screen or duty te ngaiven ngai jing hi.

Tuami thei in na Narnia lutna ding a ngaiven ding kot ki hong thei chi tuamtuamte neukhat envai:

1). Pasian pawl na mun kichian khat nei in. Ama toh appointment chiang amun poimaw hi. Tuamun ah daidide in Pasian aw ngai leh, ama houpina ngah in hun saupi na umthei.
2). Awlawl in kipahthu genna hun in na jang thei. Paper la in Pasian gualjawlnate abanban in list bawl in kipah thu nagen thei.
3). Pasian phatna la leh music te play in ama umpina na ngah thei.
4). Khupdin in bangma genlou hun saupi Ama na ngah thei.
5). Na lungsim a umteng na suakhia thei. Khat zong im lou in na genkhia thei 6). Na lungthahna, na lungkiahna, na dahna, na buainate imlou in na lungsima um bangbang in na gen thei.
7). Mangpa kang it hi. Mangpa kang ngai hi. Mangpa kang phat hi. Mangpa kang biah hi. chiteng a velvel in dahkal 1 na gen thei hi.
8). Ding sa in leh vah kawikawi pum in na houpi thei. Na khut tung lah jah in na thum thei.
9). Vahkhia in gamlah ah walking / lampai kawm in Pasian na va pawl thei
10). Insong tung, terrace ah na ngen in na va ding or tou kawm in na houpi thei hi
11). Kot kikhah khum in dai tah in Pasian toh umkhawm dan in sip tah in na um thei.
12). Hangsan tah in ki suanglalou in na nu kung a kiphin bang in na ki tom thei.
13). Bibel na mai a phensa in jalen leh free tah in A thu te ngaitua in awlawl in nang leh nang ki hou in Pasian thute ngaitua in contemplation na bawl thei.
14). Phantung a lum leh kingam pum in na khutte gel na ngawng a vial in awlawl in ki ngaitua kawm in Pasian na pawl thei.
15) Chair a tou in na keeng tegel table tung a khaang in jangkhai tah in “Mangpa, ka gim e, ka chau e, ka ba e’ chiin nathuum natau thei.

Adang tampi um ding. Eima lemtan dandan leh Aman ahing pui dan a I Pasian pawl/bawl thei ahi. Hidan sese chi umlou hi.

I gen ut pen khu kumkhat a ni 365, ha khat a ni 30 , kal khat a ni 7 sung Pasian toh khualjin khawm ding, kipawl ding, hun jang khawm ding na hi chiang in boring tah a kumtung a na kithua ding uh ngapsah huailou hi. Noptah a, free tah a, thanuam tah a na khualjinkhawm, na paikhawm ban uah, tua hunkhu hunnoppen na hisah ding deina toh hiteng i gen ahi.

Mangpa’n thum dan hing hilthathah jelta hen!

Shilom Topa Thupha!