A LUNGDAMTE LUNGDAMPIH, A DAHTE DAHPIH DING

A LUNGDAMTE LUNGDAMPIH, A DAHTE DAHPIH DING

Nisim Manna

𝘽𝙪𝙡𝙥𝙝𝙪𝙝: 𝙏𝙤𝙥𝙖' 𝙩𝙝𝙪 𝙎𝙖𝙢𝙪𝙚𝙡 𝙩𝙪𝙣𝙜𝙖𝙝 𝙝𝙤𝙣𝙜 𝙩𝙪𝙣𝙜 𝙝𝙞: 𝙆𝙪𝙢𝙥𝙞 𝙞𝙣 𝙎𝙖𝙬𝙡 𝙠𝙖 𝙠𝙤𝙞𝙝 𝙠𝙖 𝙠𝙞𝙨𝙞𝙠 𝙝𝙞, 𝙗𝙖𝙣𝙜 𝙝𝙖𝙣𝙜 𝙝𝙞𝙖𝙢 𝙘𝙞𝙝 𝙡𝙚𝙝 𝙖𝙢𝙖𝙝 𝙥𝙚𝙣 𝙠𝙚𝙞𝙢𝙖𝙝 𝙯𝙪𝙞𝙝𝙣𝙖 𝙥𝙖𝙣𝙞𝙣 𝙠𝙞𝙝𝙚𝙞 𝙠𝙞𝙠 𝙖, 𝙠𝙖 𝙩𝙝𝙪𝙥𝙞𝙖𝙠𝙣𝙖𝙩𝙚 𝙨𝙚𝙢 𝙡𝙤 𝙝𝙞. 𝙏𝙪𝙖 𝙘𝙞𝙖𝙣𝙜𝙞𝙣 𝙎𝙖𝙢𝙪𝙚𝙡 𝙝𝙚𝙝 𝙝𝙞, 𝙯𝙖𝙣 𝙩𝙖𝙬𝙣𝙩𝙪𝙣𝙜 𝙏𝙤𝙥𝙖' 𝙩𝙪𝙣𝙜𝙖𝙝 𝙠𝙞𝙠𝙤 𝙝𝙞. 𝙎𝙖𝙢𝙪𝙚𝙡 𝙈𝙖𝙨𝙖 15:10&11 

Hih thu pen Israel Kumpi Sawl in Pasian' thu a manlohna hangin Pasian in a kumpi hihna a lakkhiatsak na ding thu Samuel kiangah a genna hi. Khanggui kizom a kumpi sem suksuk ding kim lai a nasem pa David tungah kumpiza kipia ziau hi. Hih thu hangin Samuel hehin Sawl ginatlohna hangin dah mahmah hi. Samuel in Sawl awi sim gieugiau hetlo-in thazawmlawh zaw hi. Na sakpih-in, vei mahmah ahih manin an ne zolo liangin om a, Topa tungah thungetsak zaw hi. 

Tuni in Pasian in mi khatpeuh a it manin a thuhilhna leh a danpiaknate hangin awi gieugiau zaw lo ding hanga Samuel banga thungetsak zaw ding hihang. Thu-um mite pen, a lungdam mite lungdampih a, a dah mite dahpih dingin hong kisawl a hihi (Rom12:15). Tua manin tuni in mite lawhsapna, natna, tuahsiatna, buaina, sihna khatpeuh a thuak i theih leh awi sim zaw lo-in huhin, thapia-in, thungetna tawh i kalsuan zawhna dingin    ki-ap ni. 

𝐊𝐢-𝐚𝐩𝐧𝐚:𝐓𝐨𝐩𝐚 𝐚𝐰, 𝐦𝐢𝐝𝐚𝐧𝐠𝐭𝐞 𝐩𝐡𝐮𝐭𝐤𝐡𝐚𝐭 𝐡𝐚𝐤𝐬𝐚𝐭𝐧𝐚𝐭𝐞 𝐡𝐚𝐧𝐠𝐢𝐧 𝐥𝐮𝐧𝐠𝐝𝐚𝐦𝐩𝐢𝐡 𝐳𝐚𝐰 𝐥𝐨-𝐚, 𝐤𝐞𝐢 𝐡𝐮𝐡 𝐭𝐡𝐞𝐢𝐡 𝐛𝐚𝐧𝐠 𝐤𝐚 𝐡𝐮𝐡 𝐳𝐚𝐰𝐡 𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢 𝐀𝐦𝐞𝐧!