EI MAHMAH HOIH MASA PHOT NI & PASIAN' A ITTE IN PASIAN' MUHDAHTE ZONG MUDAH HI
Nisim Manna
𝘽𝙐𝙇𝙋𝙃𝙐𝙃: 𝙅𝙀𝙎𝙐 𝙞𝙣, " 𝙈𝙞 𝙠𝙝𝙖𝙩𝙥𝙚𝙪𝙝 𝙞𝙣 𝙠𝙚𝙞 𝙝𝙤𝙣𝙜 𝙞𝙩 𝙡𝙚𝙝, 𝙠𝙖 𝙩𝙝𝙪 𝙖 𝙢𝙖𝙣𝙜 𝙙𝙞𝙣𝙜 𝙝𝙞... " 𝙅𝙤𝙝𝙖𝙣 14:23 (𝙕𝘽)
Mi tampite in Pasian ka it, Pasian maipha ka zong, Pasian na ka sem, ci hi hang. Hi mah hi. Hoih hi. Ahi zongin Pasian i it takpi leh Pasian pen kua taktak ahi hiam, cih kan ding zong kisam hi. Pasian hoihna hangin amah it ihih leh Pasian siangthona hangin a siangtholote (mawhna) zong i kih ding kisam hi. Pasian i itna ciang bek kicing lo-a, Pasian i itna zah mahin Pasian mudahte zong i mudah ding kisam hi. Pasian pen itna Pasian ahih zah khatin mawhna a bawlte tungah a heh Pasian zong ahi hi. Hehpihna Pasian ahih zah khatin a thuman Pasian zong hi-a, thuman banga thu a khen pa zong ahi hi. A siangtho Pasian ahih zah khatin siangtholohna tawh a omkhawm theilo Pasian zong ahi hi.
Tuni in na nuntakna ki-enpha in. Pasian a it taktakte in Pasian' muhdahte zong mudah uh hi. Pasian ka it hi, na cih takpi leh Pasian mudahte na mudah hiam? Pasian ka it hi, na cih takpi leh na nuntakna a siangtho hiam? Mihingte i kikhem zawh hangin Pasian khem zo ngeilo ding hi hang. Tua manin a siangtho Pasian maipha a zong ihih manin tuni a kipat in i nuntakna ah siangtholohna i neih khak leh tuate nusia, khawlsan dingin ki-ap ni.
𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐥𝐮𝐧𝐠𝐬𝐢𝐦 𝐭𝐚𝐤𝐩𝐢 𝐭𝐚𝐰𝐡 𝐧𝐚𝐧𝐠 𝐡𝐨𝐧𝐠 𝐢𝐭 𝐤𝐚 𝐡𝐢𝐡 𝐦𝐚𝐧𝐢𝐧 𝐍𝐚𝐧𝐠 𝐦𝐮𝐝𝐚𝐡𝐭𝐞 𝐤𝐚 𝐦𝐮𝐝𝐚𝐡 𝐭𝐡𝐞𝐢𝐡𝐧𝐚 𝐝𝐢𝐧𝐠 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!
Nisim Manna
𝘽𝙪𝙡𝙥𝙝𝙪𝙝: 𝙆𝙚𝙞𝙢𝙖𝙝 𝙞𝙣 𝙆𝙝𝙧𝙞𝙨 𝙜𝙖𝙢𝙩𝙖𝙩 𝙯𝙞𝙖 𝙠𝙖 𝙯𝙪𝙞𝙝 𝙢𝙖𝙝 𝙗𝙖𝙣𝙜𝙞𝙣 𝙣𝙤𝙩𝙚 𝙞𝙣 𝙯𝙤𝙣𝙜 𝙠𝙚𝙞𝙢𝙖 𝙜𝙖𝙢𝙩𝙖𝙩 𝙯𝙞𝙖 𝙝𝙤𝙣𝙜 𝙯𝙪𝙞 𝙩𝙖 𝙪𝙣. 𝙆𝙤𝙧𝙞𝙣 𝙈𝙖𝙨𝙖 11:1
Paul in, Khris gamtat zia ka zuih bangin note in zong kei gamtatna hong zui un, na ci hi. Paul in a genthu nuntakpih-in a upthu zui takpi ahih manin "kei" hong zui un, a ci ngam ahi hi. Nu leh pa pawlkhat, makai pawlkhat in, ko nung hong zui kei unla, kong thugente uh zui un, ci- uh hi. I genthu ei mahmah in nuntakpih takpi lehang i thugen in man nei pan ding hi.
Judah kumpi Josiah in a mipihte a makaih ma-in amah leh amah kimakaih masa hi. A mite in Pasian a zon dinguh deih ahih manin amah kum 16 ahih in Pasian na zong masa pah hi. Amah ngiat in Pasian nung zui-a, tua khit ciangin a mite in Pasian nung a zuih na dingun hanthawn hi. Amah hoih masa in, zui masa hi!
Tuni in midangte hilh ding, makaih ding ihih leh ei leh ei mah hoih masa-in, kimakaih masa phot ni. I makaih ding mite om ding dan i deih bangin ei nungta masa phot ni. Ei neihlohpi, ei zuihlohpi midangte zuih dingin gen kei ni. Mi hong zuih ding i ut leh i nuntakna mahmah tawh lakkhia masa-in, tua khit ciangin sepkhiatna tawh kizui sak ni. Tua manin tuni in ei mahmah hoih masa phot dingin ki-ap ni.
𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐦𝐢𝐭𝐞 𝐳𝐮𝐢𝐡 𝐭𝐚𝐚𝐤 𝐤𝐚 𝐡𝐢𝐡 𝐭𝐡𝐞𝐢𝐡𝐧𝐚 𝐝𝐢𝐧𝐠𝐢𝐧 𝐤𝐚 𝐤𝐢𝐩𝐮𝐚𝐡𝐩𝐡𝐚𝐭 𝐝𝐢𝐧𝐠 𝐚 𝐨𝐦𝐭𝐞 𝐡𝐨𝐧𝐠 𝐭𝐡𝐞𝐢𝐬𝐚𝐤 𝐢𝐧. 𝐓𝐮𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢 𝐀𝐦𝐞𝐧!
No comments