Letting go of your control or na controlling spirit bei sah in

Letting go of your control or na controlling spirit bei sah in
Pastor Dongza Thawng
Devotional # 27 (vol 3)
Fellowship of Thirsty Souls n Hungry Hearts

Jingpha simute

Tulai a am in ka am a bang ma gel jou sing.

Ahiin nidang lai ka gel sa tulai kei ma hinkhuo toh ki tuah article kang thot son ut hi. 

I ji hiin i ta hileh controlling seng khu a hoi lou dan.  Hattuam hi in, society hileh friendship circle hileh controlling spirit nuai ah  koi man um thei / ut lou hi.

Kei jong tulai controlling ka ki sa a, ka ji leh ka ta hileh lom ta kal hileh. Khujieh in keima ki et phatna ding kom in ka hing sua ahi.

Thirsty souls sim tute Pasian in tuni khu nang ading in Nipha hi ta hen!

TUNI TOPIC: Letting go of your control or na controlling spirit bei sah in"

Nidang a rhupil kathei khat no one is good enough to be somebody else' boss/ master chi hi. 

Umjie khu mihing khat khu hoi mama nan leh mikhat boss or pu or master djng in ahoi chi um thei lou hi. Ajieh pen hoi mama nanleh mi pu ang hi  chiang ahoi louna hing ki lang tei tei hi. Miteng ading in hoi nanleh asuah pa ading in ahoilou hi veve hi.

Mihing te Eden apat i lua sawn uh ihina uh hoi lou pen khat leh melse ma ma khu controlling spirit ahi.

Naupang hina ki theina hoi pen khu controlling.ahi. ama uh chi dan dan a ki adjust ngai hi.

Hattuam jong sum tam tuah leh bol thei ki sa a mi achi chi a um sah thei te khu spiritual growth na lam a childhood stage et sahna hoi pen ahi.

Upa khen khat teeh ta ngia ngua in ahi vang himi stage a um tampi ka thei nalai hi.

Ajieh pen naupang te khu ama thu in um lou leh kap kap ding uhi.

Tuama bang a pastor, upa, leader,  nu leh pa: naungeh stage a um nalai.. controlling spirit in ahinkhua a vaihom nalai te jieh in i hattuam or family te khang theilou in chiing den uhi.

Mihing te pen ihi thei na tan a thu nei utna, uk utna, mah ni dei dan a thil paisah utna nei sa piang khue te ihi.

Amasa pen in Pasian tanpha control som tei tei te ihi. Pasian in thil te i dei dan dan a apai sah ding. I thumna tejong ei chi dan ei chi hun chet chet a dawn ding ki ut hi. I chi dan a apai sah lou chiang Pasian tung ah  jong ki lung kim lou hi. Ajieh pen i controlling spirit khu tol dam thei lou hi. 

Hihun chiang ginna in tawl dam leh Pasian lem guat ngah a, i control utna khu Ama muang a  hakhia( release) ding in Pasian in hing phut hi. Ahiin ki ut lou in i control utna in hing gim sah hi.

Nupa kal ah jong ki control ut tuana in khawl lou in ing ki hausah hi.

I.tate enkolna a buai huai pen khu ki control ding ki tuna in buaina bei lou in um hi. Nu leh pa in tate control som  tate con trol nuai a um hamsa sa a ki phin na toh abuai in ibuai uhi 

Niteng a i gamtatna leh nasepna ah jong  kim i paam ( circumstance) leh mihing iki tuah kha pi teng  jong ki control som a i hi thei lou chiang ki buai hi.

I thei dingkhu lei tung a nang leh ken i control jou a tawm a tawm ahi. Khu ki thei leh ki tawl dam deu ding hi.

Politics leh nam leh gam te gen da vai. 

Hattuam buaina 90% khu Pasian nasem ut ki tu na hilou  in control ding ki tuna ahi.

Inn sung mou leh teeh leh in-law kal buaina jong i controlling spirit uh  hat seng jieh ahi.

Tuninpawlpi( association) hattuam leader hiin, local kivaihomna hi in,  tate etkolna hi in,  khua leh tui ki puahna hiin, bang khat pou a team work hileh i control ut na in hing buai sah hi.

Mihing te pen iki control som laisie rebel( hel) tei tei  ding a mansa te ihi.

Leader controlling spirit hat phot phot koi man jui sawt thei lou ding hi.

Himi a control utna in  insecure sah a, mite ging maw in,  a seppi te tanpha muang maw sah hi. Tua mi khu  buaina  ki pat na ahi.

Adiah in tate hiin, i nuai a sem te hileh mi hinkhua a detail a va sai in ikikal ah GAP hung um sah hi. Ei iki sah la lai in ama un hung ning mama uhi.

Tuajieh in  mite i control ut a i thu jaw ut leh ji te or tate or, student or mipi or team te or koi ihileh hia i controlling spirit i suh bei a jaleenna i pia leh tua in imi control som te i kung apat taimang som te ei nai ah hing ki le sah kia ut jaw hi.

Pasian in Adam leh Evi  Eden huan ah Free choice pia in jalen tah in a free choice jang sah hi. Ama lim leh meel sun ding asiam, ama hina apiah : a free choice ukhu Mihimg ten ajat kheel uleh kumtawn a shi pi ding uh  thei nasa sa in jatat sah in a free choice uah va ki kum.lou hi.

Pasian tanpha in asiam sa Adam leh Evi khu control som lou in ama uh deitelna ah ki nga sah hi.

Tu in kum sang tampi jou in jong Atapa aSil thawn piah Free choice toh teel ding in ei dei telna ah ki nga sah in, koima control som lou hi.

Na mounu na control   som laisie gal piang ding. I pasal i ha control laisie pial mang ding. I ji i control tam laisie sawi hah ding, i tate gamtatna teng i control laisie hel hat hiding a mansa ahi uhi.

Hattuam hoi in, dam in, hisel in i thu kila in mipi ten hung jatat heh ichi leh control som lou ham ham ding.

Pasian vanjat thupi jaleenna in mi jou pen hi.

Tu tung ka youth camp ua khanglai te lungsim jou pen khu ka mu dan in  free choice ka ha gen in a lungsim uh khoi kha pen hi.

Khujieh in nang hattuam leader, nang pastor, nang upa, nang LCC  nang mipa mi nu, nang teacher, nang team leader, nang bose pu, nang head of dept,nang hausa pu...

Mi thu jaw in mi lung sim jou vang na chi leh na control utna kiem sah in.Na controlling spirit beisah in lan jaleenna galvan, galvan lah a hoi pen jang leh chiin ut leh da le chiin na mipi te na control na nuai ah nuam sa in hing ki tulut ta ding uhi. Ajieh pen koima hattuam hi in inn sung hileh suangkul bang hikhuo hing ut lou uhi. Na control ut lou na jaja in nang hing jatat in hing ki tu lut ding uhi. Jalenna na pia jaja in khang in hisel ding uhi. Jalenna na pia ja ja in na thu jaw ding hi.

Mihing i pian apat jalen a piang,  jalen ut jing ten jalenna huikhua dih nuam sa uhi.  Jalenna in a hinna uh thou sah in khang sah hi.

Khumi jalenna  oxigen um lou in hattuam te vul in naang uhi.

Upa kum lui hattuam a thil teng control sawm ten mipi te sal nuai a khang thei lou koi uhi. 

Tahsa a hattuam leh mipi control jou aki sah lai un lungsim lam ah khat beh amai phah uh um non lou hi. 

Director, Chairman, Leader, etc chia na touna tung a na tou lai in, mipi te na mai ah atahsa pum uh touna mu mai thei.ahiin a lungsim uh pen nang control na nuai apat um ut lou a gamla pi a taimang ta hi mai thei hi. Na control utna hagau nabei sahchiang tua lungsim te na kim na pam ah  hing pai kia ding uhi.

PuJames Dobson thu gen khat toh khah vai:."If you love something, set it free. If it is truly yours, it will return. If it doesn't return, it was never yours"

Mangpan na controlling spirit , Ahab ji Zejebelic spirit, ei te sung hing mama hat mama khu a Crosss silbol thei na toh hing thalup sah ta hen!

Tua chiin Ama muanna jieh in control utna bei in  hattuam vai leh inn sung leh khawlai i umna chin ah lungsim leh hagau tawldamna hung pia ta hen.  Controlling spirit vom a   miteng buai sah tu hilou in jallenna hui siang  homkhia tu in hung siam ta hen!!

Topa Thupha!..