NA PIAKKHIAT BANG NA NGAHKIK DING HI

NA PIAKKHIAT BANG NA NGAHKIK DING HI

NA PIAKKHIAT BANG NA NGAHKIK DING HI

Nisim Manna


𝘽𝙪𝙡𝙥𝙝𝙪𝙝: 𝙏𝙪𝙖 𝙘𝙞𝙖𝙣𝙜𝙞𝙣 𝙩𝙪𝙖 𝙢𝙞𝙥𝙖 𝙩𝙪𝙣𝙜𝙖𝙝 𝘿𝙖𝙫𝙞𝙙 𝙨𝙞𝙣 𝙨𝙤 𝙢𝙖𝙝𝙢𝙖𝙝 𝙝𝙞. 𝘼𝙢𝙖𝙝 𝙞𝙣 𝙉𝙖𝙩𝙝𝙖𝙣 𝙠𝙞𝙖𝙣𝙜𝙖𝙝, "𝙏𝙤𝙥𝙖 𝙞𝙣 𝙖 𝙣𝙪𝙣𝙜𝙩𝙖 𝙖𝙝𝙞𝙝 𝙢𝙖𝙝 𝙗𝙖𝙣𝙜𝙞𝙣 𝙝𝙞𝙝 𝙗𝙖𝙣𝙜𝙖 𝙖 𝙜𝙖𝙢𝙩𝙖 𝙢𝙞𝙥𝙖 𝙖 𝙨𝙞𝙝 𝙙𝙞𝙣𝙜 𝙠𝙞𝙡𝙖𝙬𝙢 𝙝𝙞. 𝙎𝙖𝙢𝙪𝙚𝙡 𝙉𝙞𝙝𝙣𝙖12:5

Hih thu pen kumpi David in Bethsheba tawh hong khialh zawh ciangin Topa in David khialhna a kiphawk sak dinga kamsang Nathan a sawlna hi. I Lai Siangtho bulphuh pen Nathan thugen tawh kisai David in a thukhen ding zia a genna hi. A taktak un Topa in David gimthuak ding zia amah leh amah a kipulak sakna hizaw hi. Jesu in, "Midangte thu na khen zia uh tawh kizui-in note tungah hong kikhen ding hi, " a cih pen David tungah tung takpi hi. Topa deihloh a gamta kumpi David tungah Topa thukhenna mulkim huai hi: (i) A tapa si ding (ii) A innsungah kidona venglo ding (iii) A innsung panin amah a langpang ding Pasian in khangsak ding (iv) A zite sun nitang sungah kiluppih ding (v.10-15). 

Mihingte in i vawh nam khaici mah ki-at ding hi (Gal.6:7). Tu laitak thu neihna na tawi manin mite tungah a kilawm lo na bawl khak ding kidawm in. Mi dangte tungah hehpihna a lak mite in hehpihna mah ngah kik ding hi (Jeim 2:13). Eite in pilna-theihna i ngahna dingin haksatna i phut khak teitei a kisam masa hilo-a, midangte lawhcinna, lawhsapna tungtawnin pilna-theihna i ngah theih leh mi hampha ki hiding hi. Tua manin tuni a kipatin mi dangte a dingin thuhoih-thupha bawl in na hoih sep ding kipan in! 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐦𝐢𝐭𝐞 𝐢𝐧 𝐤𝐞𝐢 𝐭𝐮𝐧𝐠𝐚𝐡 𝐡𝐨𝐧𝐠 𝐛𝐚𝐰𝐥 𝐝𝐢𝐧𝐠 𝐤𝐚 𝐝𝐞𝐢𝐡 𝐛𝐚𝐧𝐠𝐚 𝐤𝐞𝐧 𝐳𝐨𝐧𝐠 𝐦𝐢𝐭𝐞 𝐭𝐮𝐧𝐠𝐚𝐡 𝐭𝐡𝐮𝐡𝐨𝐢𝐡-𝐭𝐡𝐮𝐩𝐡𝐚 𝐤𝐚 𝐛𝐚𝐰𝐥 𝐳𝐚𝐰𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!









No comments

Powered by Blogger.