HAZATNA IN KILANGPANNA PIANGSAH HI

HAZATNA IN KILANGPANNA PIANGSAH HI
Nisim Manna

Bulphuh: David in mite kunga athu gen khu, a ute lah a upapen Eliab in ana za a, tuachi'n Eliab khu David tungah alungthah a, David kunga "Bang ziah a tana hing peisuh na hiei? Tualeh gamdai a belam tawmnoukhat umte khu koi kunga na hing nuasia ahiei? Na kiletsahna leh na huathuaina ka thei hi, gal kidou ending a hing peisuh na hi," achi hi. 1 Samuel 17:28. 

Eliab pen David adingin a ute lah a upa pen ahi. Eliab lungthahna khu anaupa David in a belam chingte nusia a gaalphual a ahing pei khu ahi a, tamsang a alungthah zaw na a um nalai hi. Tuapen ahi leh a unau lah uapan Samuel in kumpi dingin aneupen David ateel khiat khu Eliab in a thangsiat ziahin ahi (1Sam.16:13). 

Eliab in anau neupen David a thangsiat man in langpanna hinkhua azangpanta hi. Tuaziahin David in dou ngam dinga a kamhamna te Eliab in a zah chiangin a thangsia kisa talua in a galkappihte zaahin nakpi tahin David' taii-in gensia hi. Tampen David kamhamna khu midangte in a gintatlouhna ding leh a muanlouhna ding uh a deihziahin ahi. Ahivangin, Eliab in thangsiatna lungsim tawh bangzah tahin a sanggampa David a langpan' vangin, Pasian in David umpih den ahiziahin koima'n nangzoulou hi! 

Tuni in nang zong na nadamlai sungin na gal lianpite na zawh theihna dingin na innkuanpihte, na mipihte, na lawmna gualte, na heikhawmpite, na muan mahmah mite in ahing gensiatnate uh na thuahzawh ding kisam/poimo masapen hi, chi thei gige in. Tamte khu Pasian in ei a ding a ang lemgeelsahna mun i-tun thei na ding (ang guatsah silhoi i-muthei na ding) a ze-etna khu ahi. Tuni in mite gensiatna, langpanna leh dounate ziah a na puahlohna dingin ki-lankhia in Mangpa ah. 

Ki-latkhiatna: Mangpa aw, mite gensiatna leh langpannate ziah a nguimai/thazoimai lou a Nang a dia nei deisahna mun ka tun dong a lungkelou a ka kalsuan theina dingin  Jesu Khrist min in kang ki-lankhia hi. Amen!