KIMAWSAH SANGIN KI HANTHAWN ZAW NI

KIMAWSAH SANGIN KI HANTAWN ZAW NI
Nisim Manna

Bulphuh: Na kam ua kipat thusia pawt sih henlen, hinanleh akhawh dan bang zel a bawl hoi dingin thu hoi chinteng pawt zaw hen; angaikhie mite kunga hepina ahi thei na ding in. Ephesians 4:29. 

Mi khat nasepna hanthawntu leh thapetu hi sangin, ei sep leh bawl zousia ahoipen bang a ngaituahin mite mawsah ding, phunsan ding baisam mama hi. Tamte ziahin Pasian in khat-le-khat thu kikhenlou in, kimawhsahlou dingin anun-anun (avelvelin) in hing hil hi (Rom14:13; James 4:11; 5:9). Ginna a na sanggam khat nasepna mawsah a na phunsan khah leh Pasian nasepna doudaltu na suah ding hi (Romans 14:4).

I thu-ginpih mi khat poupou i mawsah a thu ikhen chiangin a deihuai hetlou thu li (four) hing piang thei hi.(1) Pasian tawh i kipawlna kimansuah thei (tanthei) (2) ei leh lei iki dihsahna ki phoulang thei (3) Pasian thukhenna tuahdia ei leh ei kipekhia suah (4) Pawlpi mite tawh iki zopna zong sethei. Bangziah a tambang um ut mama adiai? Aziahpen i Laisiangthou in Satan pen "sun leh zaanin i sanggamte a mawsahpa" chi'n a kichiamte hi (Revelation 12:10). Tamziahin khat leh khat kimawhsahna khu Satan nungzuihna ahi hi.

Tuaziahin tuni'n kigensiat, kimawsah chite sangin, na kam apat thu-le-laa humtah mite a dia kilemna leh kithapiahna te genkhethei zaw dingin pan lathahin. Mawsahna leh phunsanna toh Pasian natohna daaltu hizawlou a, mite a dia lemna tuntu, gualzawlna tuntu hi zaw ding in tuni'n ki-lankhia in.

Ki-latkhiatna: Mangpa aw, ka kamham tungtawn a mite thaneemna/thazoina tuntu hizolou a mite a dia thapetu leh suhattu ka hi theina ding in kamhoite zangkhetheita ding in Jesu Khrist min in kang ki-lan hi. Amen!