KIBATLOUHNATE SANGIN I KIBATNATE UH BULPHUH ZAW NI

KIBATLOUHNATE SANGIN I KIBATNATE UH BULPHUH ZAW NI
Nisim Manna

Bulphuh: Tuaziahin eite'n kilemna ding leh kisuhhat tuahna ding silte idel ding uhi. Romans 14:19.

Eite pen khat leh khat kilem tah leh pumkhat a i umtheina ding un i septheih khat poupou sem dingin i Mangpa Jesu hing sawlte i hi uhi (Eph. 4:3). Gintute ihi ma bang un lametna khat, pumpi khat, Hagau khat, Mangpa khat, Ginna khat, tuiphumna khat zangkhawm/neikhawm ihina (Eph.4:4&5) bulphuh in khat leh khat ki iit in, kilemtah a um ding in pan lachiat vai. 

Mimal ngaisutna kibatlouhnate bulphuh in thu kikhenin ki langbawl sih vai. Pasian in khat leh khat kilem a kipumkhat Uunity) ding in ang dei a, kilangbawl tuahlou ding in ang dei hi. Tam in agen nop pen ahi leh kibatkim ding (uniformity) china hilou in, kilangbawl tualou a, lungsim thumun khat pokawm a kituahtah a kalsuan khawm ding china ahi zaw hi. 

Tuni'n Pasian thupha na tang/ngah ut ei? Pasian tate hing kichi ding na ut ei? Jesu mama in kilepna dei a kalsuan mi in Pasian ta hina atang ding hi achi hi. Tuabang a lemna sui a hinkhua zang leh kalsuan mi in thupha anga ding uhi (Mt.5:9). Tuaziahin tuni'n itheitawp suah in kilemna palai hiding in panmun hoitah khawthah ni. Tuni in khat-le-khat toh kibatlouhna tampite sang in ikibatna te uh buphu ni in khat leh khat tawh ki-lemtuah ding in panlanthah lachiat zota vai.  

Ki-latkhiatna: Mangpa aw, ka mihinpite tawh kibatlouhnate hilou in kibatna tampi umte pansan in kilemna ka neithei zawh na ding un Jesu Khrist min in kang ki-lan khia hi. Amen!