PASIAN TAWH ZAWHKHAWMNA DIA SIL POIMAW

PASIAN TAWH ZAWHKHAWMNA DIA SIL POIMAW

PASIAN TAWH ZAWHKHAWMNA DIA SIL POIMAW
Nisim Manna


Bulphuh: Ginna panglouin Pasian lungkim sah thei guol ahi sih hi, aziahpen Pasian kunga hing pei mi in, Ama a um tahtah na hi, chi leh Ama kukal taha suimite kunga nuamman pepa ahi chi, gingtat ding ahi. Hebrute 11:6. 

Pasian tawh zawhkhawm theina ding in ginna poimaw masa pen hi. Sina tuahlou, ahing a laahtou Enok kichi pa zong, laahtou ahi masang in [ginna zaal in] Pasian lungkimna nga hi, kichi hi (Heb.11:5). Tuamabang in Abraham in zong Mangpa Pasian khu gingta a tuachi'n Pasian deidan bang in gamta hi chi'n Mangpan chiamte hi (Gen.15:6). Noah ngei zong tuisanglet hun ding amukholsa hilou na pi in ginna zaal liuliau in thumanna toh Tembaw (long) tungtawn in a ama leh a inkuante hundam hi (Heb.11:7). Ginna lou in koima'n Pasian a lungkimsah jou sih a, tuaziahin ginna khu Pasian lungkimna leh Ama toh zawhkhawm theina thuguuh leh sil poimaw pen ahi.

Ginna ichi chiang in ginna zousia hi zouzai lou hi. Eite hing hundamtu i Mangpa Jesu'n hutdamna nna asepte tung a ginna i ngahna khu ahi pen mai hi. Tuabaan ah ang thuhilte leh ang thupiate ginna toh thumang tah a zui in semkhe vai, tuapen i Pasian lungkimna leh Ama toh i zawhkhawmna ahi hi.  

Ki-latkhiatna: Mangpa aw, Na thugente leh Na thupiahte, ginna tawh pom a ka hinpi theina dingin Jesu Khrist min in kang ki-laan hi. Amen!






No comments

Powered by Blogger.