KIPHATSAHNA PAT A SUAHTAATNA

KIPHATSAHNA PAT A SUAHTAATNA

KIPHATSAHNA PAT A SUAHTAATNA
Nisim Manna


Bulphuh: Mangpa aw, ka lungtang akisathei sih a, ka mitte zong asangha sih hi; sil thupite leh kei a dinga sillamdang taluate ah zong ka kikumthaw sih hi. Late 131:1

I changteelna mun ah, David in alawchinna thu agenna imu hi. Tampen David in kiphatsahna apat suahtaatna anei man in amama leh a Pasian tung mama ah lungmuanna kiningching anei hi. Tam kiphatsahna ichichiangin Lucifer mawhna kipatna [mani ki deikhopna] khuh ahi (Isai 14:12-14 & Ezek.28:16). Tambang kiphatsahna nei mi in midangte adembawl ua, a thuhilh nuam ua, hinanleh ama un kithuhilna azanuam vot sih uhi

Tambang kiphatsahna neimi khu Mangpa ah akingasih hi, tuaziahin aki muanngamna uleh aki deikhopna uh a sot dai sih hi. Hinanleh Kumpi David pen tambang kiphatsahna/kideikhopna apat taikhia in, Mangpa tung bou ah a muannate leh a ginnate angahtaah ziahin lungmuanna kiningching aneita hi. Tampen in agennop ahi leh Kumpi David khu kumpi ahiziah a lungmuang ahisih hi, bangziahin ahiei ichi leh, kumpi a hina mansuah ding khop hial a hinkhua azatlai na ngawn in zong alungmuang veve hi. Aziahpen, Kumpi David in alungmuanna khu Mangpa tungbou a, angah ziah ahizaw hi. 

Tuni'n lungmuanna kiching na neitai? Oleh kiphatsahna/kideikhopna toh nungta lailai namah? Kiphatsahna/kideikhopna apat suataatna na mu nuam ei? Na pilna, na hauhna, na dinmun, na boltheihna, leh sil dangdang Pasian tung chilou pouma a na kingahna te na taisan masang sia kiphatsahna/kideikhopna apat na suata thei vot sih ding hi. Pasian tung bou a iginna, imuanna leh silbang kim i ngah tah chiangin tambang kiphatsahna/kideikhopna apat isuata thei pan giap ding uhi.


Ki-latkhiatna: Mangpa aw, nangma tungbou a kang kingah a, nang tawh kizopna hoitah ka bol tawntung theina ding in Jesu Khrist min in kang ki-lan hi. Amen!






No comments

Powered by Blogger.