MANGHIL VAWT SIN

MANGHIL VAWT SIN
Nisim Manna

Bulphuh: Izipt gam a sil thupitah tah bawlpa, ahundampa uh Pasian amanghilta uhi. Late 106:21

Israel mite Pasian in tua hun lai in leitung ah athunei a, a thupi mama Izipt gam panin thupitahin apaikhiatpi hi. Tampen Israel te thahatna tawh hilou in, Pasian silbawltheina ziah a gimna tuamtuam Izipt gam a atunsah vang ahi zaw hi. Tam hun lai in Israel te khutguah a pawtkhia ahi sih ua, kum 400 vingveng bol gentheitu Izipt hausatna teng tawh Pasian in apuikhiat ahi zaw hi. 

Tamtengchouh hilou in, Pasian in achiam gam, Canaan gam (Israel gam) atun dong ua meelma tamtah lamkaal a atuahte uh zong Mangpa'n azousah zuizui hi. Canaan gam atun un zong meelma abei sih a, tamtah atuah toutou nalai uhi, tuateng zong Mangpa'n a zousah a tuachi'n agamchiam Canaan gam khu aluahsahta hi. Tambang lomlom a iit tah a, a ma uh pui Mangpa Pasian leh a nasep thupite khu Israel ten gamchiam Canaan gam aluazou tah un atheipha nawn tasih uhi (amanghilta uhi) - Late 106 sung chouhchouh ah zong mun thumtah a kichiamte talawm hi v.7, v.13, v.21. 

A beisa thute phawhkiat theina pen a manpha mama i lungtang leh i Mangpa kituah sahkiana ahi hi. Khuziahin tuni in tamtan chiang na tunna dingin Mangpa'n ang mapuinate leh nang a dia ang bawlsah silthupitah te ngaitua pha kia in. Mangpa hoina na phawhkiana (geeldohkiana) in na ginna a sudet ding hi. Na mailam vanna ding a Mangpa'n ang puidante leh nang a dia silhoi ana bawl dante manghil vawt sin.

Ki-latkhiatna: Mangpa aw, ka hina bangbang a, kei a ding a ma nang puisahnate manghil hetlou a ka thei gige theina dingin Jesu Khrist min in kang ki-lan hi. Amen!