Naupang A Neulai In

Naupang A Neulai In
WAY2GOD

Thupilte: Naupang a peina ding lampi ah chiil in, a upat dongin zong tuate akipat in a peimang sih ding hi.

Psalm 128:3 na in agen bangin, "Nuapangte pen Olive sing bang a selkhe ut mama leh grape bang a ga phatah suang khe ut mama ahi uhi." Hinanleh, ling leh khau lah a pouta u henlen, azam na di uh laang hoitah dawpiah sih talei ga hoitah suang diing in lamet huai hetlou hi. 

Tambang ziahin a khangtou ding naupangte aneulai apat a hoitah a tanchinpha leh hinna thutah chiantah a hilh poimaw ahi hi. Tambang kithu hilna khu amaute a ding a azamna ding uh laang hoitah asuah ding hi. Achi leh khatvei zong lam pial mang nonlou ding uh china adiai? 

Tambang thutah leh hinna thu kihil ziahin alampial non sih ding uh china bangma guarantee a um sih hi. Achileh bangchi'n aphatuam ta diai? Thu dih leh hinna thutahte hoitah a kihil hinan uleh Pasian ma aki puisahlou uleh alam pial thei veve uhi. Hinanleh alampialna ua pat in Pasian mapuina toh thutah aneulai ua ana zaahte un hinna lam ah ang puilut thouthou ding hi. 

Tambangte ziahin naupang khangdoh dingte a neulai ua hinna thutah hil ding khu thaselou leh lungkelou in pang vai. Naupangte'n ngaikhe utlou maithei uhi. Hinanleh hil paupau lei khatvei chiangin aga i aat thouthou ngei ding uhi. Pasian lungdamna mimal-innkuante ihi ding uhi. 

Mangpa'n hing vangpiahta hen!