I DONT READ PSALMS , I PRAY PSALMS

I DONT READ PSALMS , I PRAY PSALMS

Pastor Dr Dongzathawng

Devotional # 13 ( Vol-4)

Fellowship of Thirsty Souls and Hungry Hearts

Thirsty souls te Chibai!

Lamka khopi apat Topa Thupha! Tunin in Mangpan na gal hing sat sah hen lan, na Buaina teng venni hi ta hen!

Tuni Topic:: “I DONT READ PSALMS , I PRAY PSALMS”

April 8 in Lamka ka tung a, Imphal lam progm jang jou in, tuni tan in Lamka ah ka ki vial vial nalai hi. Thanlon a ka progm uh postpone jiehin Lamka mun ah ka ki vial lele hi. Saturday chiang nitah apat in Imphal area ah ka ki vial kia ta ding hi.

Lamka ah bangkim kimu a, I dei teng kim hi. Adiah in vegetable market mama Nuam hi. Tualeh secondhand Dawr mama thupi thei hi. Tuni hun ka nei leh second sniker shoes ka va en kia ding hi.  

Rev U Hauzalian Manlun jannin Airport ah kava ha kheta uhi. Thawmhau huai vawt e. Unaupa Zamlal Simte family Thailand a kum tampi settle jou in tu in Lamka ah hing settle sawm ta uhi. Lamka mipite i hampha uhi. Sepding bawl ding tam sengseng khoi apat ding, Khoi lam naw ding zong ki thei sih. Message gel mai vai.

Thupi ah lut vai:

Tukum ka Bible sim Genesis apat in tuma lam in Psalm  ka  tung hi. Psalm ka sim patna ding in ka sim pan Ngam sih hi. Ka ki nem seng a ka sim masang in ni 1/2 vel kisah khawl ka sawm hi. Ann tui tah ne ding ka bang hi. Ka ngah la seng a, hoi deu a kisah khawl masat ding ka sawm hi.

Hibang a ka kisah khawl sawm lai in.. kisa kawm kawm in ki sim mai hen aw chia ka va pheen leh: aw ka kisah khawl na ding tan pha hing panpi hi. Ka kisah kawm kawm in a Psalms laibu mama khu ka kisah khawlna hing suah hi. Na theisiam ding ka lamen hi. A genchiang ding dan zong ka thei tuan non sih hi.

Hibang a Psalm laibu sim a ka pai tou jel lai in Philip Yancey in Marcia thugen  a gen sawn, ka lungsim ah hing ki lou hi:  “I dont read Psalm 73, I pray Psalm 73” chi hi. Umjie khu Psalm 73 asim chiang tua kammal te khu ama kammal sua sah hi. Psalm 73 thumna khu ama thumna hisah  hi chi ahi. 

Water Brueggemann, Old Testament Scholar leh amin ban a DR. 7 vel ki gual suh pan Psalm laibu tung tang ah hibang in gen hi: “I once thought of Psalms as the kind of Book designed to give comfort at funerals or a hospital bedside. Choose carefully, I have since learned. Psalm includes passages that are angry, whiny, petty, remorseful, explosive, loud, irreverent, and oh so human.” chi hi. Ama gen dan in nidang in Psalm laibu khu lusuunna leh damlou na a hanthawn na ding mai in kana jang hi. Hinanleh hoi tah a ka hing sui tahtah chiang in Psalm laibu ah lungthahna, hasietna, vuina, ki ngaisietna, chimaw a kikou khiatna, thum dan ki lomlou lou pi zong ka mu hi chi hi. Ama gendan in Psalm pen mihing vai mama, mihing hina tahtah sulang tu ahi chi hi. Mihing in atuah kha teng khu a suah khia ding dan hing hil hi.

“So human” achi mama dih kasa hi. Mihing in nisim I tuah leh i phut kha te Psalms in a process ding dan hing koh mu hi. I Pa it ang sung a I lungtang natna, gihna, liamna te i sun khum ding aphal mai hilouin I KAMTENG JAT DING TE ZONG MANSA IN HING NA SIAMTUAH SAH HI.

Philip Yancey in :

"Sometimes we have nothing to offer in our prayers but COMPLAIN” chi hi. Yancey in “ Not only does God tolerate complaint in our prayers, the SCRIPTURE FILL IN THE WORDS FOR US” 

Ama gen dan in Pasian in thum chiang ua i complain ding uh phalsah mai hilou in i complain na ding uh kamteng zong A THU in suh dim sa in (fill up sa in) hing na kawi sah chi hi.  Laisiangthou ah tuabang thumna adim in eiten i jat thei ding in umsa in i na koisah hi.

Khujiah in Psalms laibu isim chiang a gelpa aka leh eizong ikap khawm a, akipah leh ikipah malama, a atau a alung ngui a , complain leh lungthahna ngen a suah khia leh enzong ama ate i kawm (borrow) tou ding hi. Ama gengen, ama sahsah, ama tautau, ama phunphun te khu ei a ihisah Mai ding hi. Bible sim lah hi, thuma na nei lah hi china ahi. Bible sim kawm a thumna nei hijing mai china ahi.

Khujiehin Psalm laibu sim non louin Psalm laibu  khu I thumna ahi ta ding hi. 

Mangpa Hagau siangthou in na lungsim gih leh na lungtang na, na puahgihteng leh na lungjinna teng  Psalm labu tungtawn in abanban in sua khia dingin hing panpi ta hen!

Mangpa khu na hagau toh umta hen!

Topa Thupha!