Not until His most helpless and vulnerable moment Did He confess His Messiahship

Not until His most helpless and vulnerable moment Did He confess His Messiahship

Pastor Dr Dongzathawng

Devotional # 11 (vol. 4)

Fellowship of Thirsty Souls

Thirsty souls member te Lamka Vangkhua,  Zokhopi apat in chibai le!!

I dam chiat na uh maw! Ka program uh graduation service hoitah in  ka jou ta ua, jing ah Imphal lam juan kia vang Good Friday leh Easter Sunday ading in. Imphal jou chiang in Thanlon lam juan suh kia ding. Hing na thumpi jawm jel ua le! Shillong lam a ka inkuante zong dam Chiat na uh. Lamka thupi in nop e. Inte thupi thei mama. Lampi chauh hita aki vat. Lampi ang hoi ni ni chuh nop mama ta va.

Palm Sunday jingkal 3:30.AM vel in loud speaker in Hossanna sam diing in ang ki kou khom panta uhi. 1980s lai a keima lamkai na mama a hi hun vel ma ding a naupangte ka koukhawm lai hing ki lang mai hilou in, khu hun lai a um ka bang hi. Lamka naupang leh mipi ten Hossanna chia I pahtoi uh, I dopsang uh Christ khu Palm Sunday mai hilou in hun teng in mun chin ah domsang in pahtawi lei ut huai mah e! 

Good Friday leh Easter Sunday a ding sermon thah leh slide ka bawl jieh in kei zong gim veve ing. Hing na thum pi jel vua le!  Tu in i topic ah lut ta vai.

Tuni Topic:Not until His most helpless and vulnerable moment Did He confess His Messiahship

Philip Yancey in The Jesus I never knew laibu ah “Many times before, Jesus had turned down the chance to declare himself. When healed people, disciples, and even demons recognized him as Messiah, he had hushed them up. In the days of popularity, when crowds chased him around the lake like fanatics a pursuing a celebrity, he had fled. When these fans caught him, eager to coronate him on the spot, he preached a sermon so troublesome that all but a few turned away” agen umjia khu Jesu mipi ten a jui dupdup ua leng ding a tunding asawm lai un taimang mang hi. Ki phual in nual in ki hem khiakhia hi.

“Weak, rejected, doomed, utterly alone- only then did Jesus think it safe to reveal himself and accept the title “Christ.” As Karl Barth comments, “He does not confess his messiahship until the moment when the danger of founding a religion is finally past”

I Lalpa Jesu'n Kumpi hina ding a chitna teng nei jing kawm in kingainiam tah in hing piang a, insung niamtop ah hing khangkhia in, khota ah teng in mi niampen te toh ki thua hi. Kiphual phual leh alouthei lou a latna toh thil abol ten mipi te hip in anung jui dupdup hi. Biahna lamkai leh kumpi te thutuam hileh Setan leh dawite nasan in jong ama sang a pang joulou in puh toptop uhi.

Hibang a Juda namten leader apoimaw lai tah ua hibang mihing khu kumpi dia amla huailou theilou ahi. Ama jong apa David laltouna kumtawn alua ding himhim a guatsa jong hingal hi. Messiah kichi khu a title hijing ngal hi. Hibang liang a a popular leh mipiten a lemet leh poimaw lai in Aman lenggam jattuam khat gen daih a, lamkai te leh mipiten athugen man thei mamalou uhi. Atawp in koi kumpi hisah malah khetbeh sawm ta uhi. Aloiteng jn nusia bei in, ami pi ama hossanna chia sapkhum ten tu in cross ah khenbeh un chi in ki kou ta uhi.

A lu a ling lukhu toh sisan kai niainuai in um a tumalam a mipiten a jui dupdup pa ukhu tu in bangma bol joulou leh bol theilou. Mi chau leh panpi ngai tawp mihjng suah ta hi. Hibang dinmun ngiam leh a dengdel laitah in ahina ana imim leh ana nualnual khu “aw ka hima na gen dih” hing chipan phung hi. Ipla huai mama leh kilawm hi.

Khawvel mu a guallel dipdep mai hilou in Setan ngei in jong “tu in bol ing e. Pasian tangtawn plan tatna khu tu in zero hita. Judah te kumpi David laltouna kumtawn a vaihom ding pakhu tu in ka khup nuai a umsah tang. Pasian tapa kichi pa khu ka nuai a hita” chi in gualjou kisa mama ding hi.

Eite pen i bolthei i popular lai tah chiang ihi louna tantan jong iki gen ua. Ahin ing kiehngiem ing guallel chiang ihina phual thei tan in iki Phual uhi. Khawlai a mawna bawl a mipi in avuah khat in na MLA pa uh ka hi chi leh mibanglou kichi ding hi.

Kumpi ahina Van leh Lei kithing sah in Angel te Van laizawl a demonstration thupitah toh “na kumpipa uh ka hi” chiin thupitah in ki puang thei hinapi. Ama kipuan dan leh hun theisiam hahsa hi.

Dengdel, mualphou, tangkhat leh mite vuahlup dehtah hun a ahina ki puangkhia ngam ama mai ahi. Aki puanna masa khu Samari numei nu kung ahi.

A umjia khu ama lam a pang ding leh jui dingte'n chuh hoideu a akingai tua tahtah ngai ding hi. Kumpi guallel khat lam a pan ding chuh emitional vai a thupuhna moh lah thei hilou hi.

Yancy laibu enjel vai. Thomas Merton in “the master of the universe would become its victim, powerless before a squad of soldiers in a garden. God made himself weak for one purpose: to let human beings choose freely for themselves what to do with him” Mihing ten a freedom of choice hoitah a ajat theina ding uh hun hoitah bawlsah hi. Pualam leh muthei lam mei ente din deitelna jat khel bailam mama ding hi.

Bang ding a Judah te kumpipa'n a kumpi hina pomlou a migilou leh Setan mai a bangma boltheilou bang a ki daw???? or hibang bangma boltheilou dinmun hun a ahina kipuang pan?? Bangding a tumalam a mipiten a juidupdup lai a ki puang lou??

Adawnna khat um hi. Ahing paisan pen khu na Hundampa hi sawm hi. Na hagau tankhia ut hi. Ahinna nang ading in lankhe ut hi. Na kumpipa himasang in na hundampa himasa jaw ut hi. Khujiah ahi. Judate kumpi pa’n akumpi hina ana kipuanlou a a thuah vevawkhu nang leh kei hagau ang hundam utziah ahi.

Khu ziah in kipah vai in, ih hundampa ding in saang kinkin vai. Tunia hundampa a saang ten mailam ah ikumpi pa uh ahi dan imu chian semsem ding uhi. Amel in simmawhuai nanleh Lei leh Van Mang I kumtawn Lalpa ahi.

Na hundampa leh na kumpipa theisiam ding in Hagau Siangthou in tutung good friday hun in hing umpi tahen!