Child Like Wonder
Child Like Wonder
Devotional # 41 ( Vol 4)
Fellowship of Thirsty Souls and Hungry Hearts
Introduction:
1). Tuni ka tate lah a school gamla pen Jemima Vahdeinou final exam nading a study leave ahi jieh in ka awl mama a inn tung terrace ah himi article ka hing giel hi.
2) TRUMP in 2024 a presidential candidate ading a announcement bawlta. America news channel christian conservative voice tahtah ngai ut ten : Newsmax TV, Dinesh D Souza, Ryan Craig, Dr Steve Turley, Epoch News, Glen Beck, Mike Huckabee te ngai thei.
TOPIC ah lut ta vai:
Amasa pen in British christian philosopher GK Chesterton in naupang te apat a pilna amu dan agen khu en masa vai: “Chesterton unabashedly proclaimed that he learned more about life by observing children in a nursery than he ever did by reflecting upon the writings of any of the philosophers” (Ravi Zecharias, Can Man Live Without God?”(132). Hibang mipil pa in Philosophy library thupi tah a ajil sang in naupangte gamtat dan a etna apat in hinkhua bang ahi tampi jil jaw chi hi.
Tuni ihoulimna ding uh child like faith hi jaw lou in child like wonder ahi. Naupang bang ginna lou a Ginna dihtah neitheilou ahi lai in *naupang bang lamdang sahna* lou in worship um thei lou hi. Naupang ten kipahna ding mutam ua sil neu khat in jong kipahsah uhi. Alungsim uah lamdangsahna, hoisahna, thanopna dim ahijieh in suh kipahsah hamsa lou hi. Khujiehin Pasian in kipapi mama a gingtute naupang bang ding in hing hil a, ahing hil mai hilou in ama uh ibatlou leh Van gam mu lou ding chi hi va ia hi.
Ravi Zecharias, GK Chesterton leh CS Lews ten a laigelna ua bang ding a naupang apat example a ahichi lah uh ade aw ka chi jel hi. GK in a philosophy bute sang in nursery a naupangte umdan ka et apat hinkhua ah siltam pi ka jil jaw chi hi.
Ama’n Naupang in Pasian hi-na asuh lat dan hibang in gen hi. “God’s infinite capacity is microcosmically revealed in a child's propensity to exult in the monotonous, which of us is not familiar with the sight of a little one being hurled into the air and caught, only to hear him or her say 'do it again' ' do it again' 'do it again' chi hi(recapture the wonder,141). Agen jel na ah “For one who lives with God the exultant repetition is daily witnessed as we enjoy His creation-God says to the sun, ‘Do it again!” And to the moon , “Do it again,” and to the seasons, “Do it again!” ( Can Man Live Without God?”116). Agen dan a kip akawi a lekhiat jong gil Seng in hamsa. A tangpi a gen khu: Naupang te khu i chiam mui, kimawlpi, thil khat pou pou atha nopna ding uh i bawl leh “bawl kit aw” Bawl Kit aw” chi uhi. Tu in Pasian hina leh lungsim tampi langsah hi chi ahi. Pasian in Niteng in Nisa, Ha-vah leh khua hun kihei te leh thil hoi simsenglou nisim a imute uh khu Pasian in chim se lou a sil siam te kung a “bawl kit aw! Bawl kit aw” achi toh kibang ahi.
I Mangpa Jesu’n naupang neute bang a Pasian gam na kipapi lou leh na lut sih ding chi hi (Mark 10:15) Tualeh athumna ah "Aw, Pa Van leh leitung Mangpa, nang mipil leh misiemte kungah tam thute na im a, naupangte kung a na phuan zieh in ka hing phat hi. Ahi, pa tuabang a bawl khu nangma ngaiin ahoi hi achi hi"( Mat.11:25). Pasian in thugil tahtah te khu mi kipilsah leh pilna tasam kisaloute kung ah iim in naupang mawl te kung ah puang hi. Khujieh in naupang te apat in Pasian in akepsah pilna tampi um hi.
Ravi Zecharias in alaibu Has Christianity Failed You ah “ Jesus shocked his audience when he said a child was a better representative of the kingdom of heaven than any one of his learned skeptics. Why is this so? Is it because children are gullible and unsophisticated in understanding? Not so, for I have been asked tougher, more questions by children than by most adults. It is because children are open to the truth and are not looking for REASONS to believe a lie”( 132). Agen umjie khu Ravi in “Bang ding a Pasian gam a naupang te tam jaw ding?. Naupang te khu mawl leh thu jaw baih jiah adiei mah? Hinai sai lou hi. Mun tuam tuam a Ka debate nate ah mipiching tampi sangin naupang te dotna hamsa kasah tam jaw hi. Naupang te Jesu’n apatat Jieh khu sil dang hilou in ama uh ten THUTAH khu bailam tah in saang ua, a proof tampi ngai seselou a gingta jieu thei uhi” chi dan ahi.
Hibang naupang te kipahna khu silbol thei mama, thahat mama ahi ding a Psalm gialtu in “Na melma leh phuba la mite na sipsah theina ding in; naungehte leh nausen nawitep laite kam akipat in hatna na sudet ta hi” chi hi ( Psalm 8:4). Umjie khu naupang neu te kam apat thu teng hing pot khia te khu hat mama in melma pa Setan jong sip sah jou hi chi ahi.
Umjie ithei sem na ding un tangthu ngai uthuai mama khat en vai:
Kum tampi pai ta, Ravi Zecharias Pasian thugen a a vah kawikawi lai in khat vei aji Margie leh atanu Sarah naupang kum 2 ahilai in Middle East a West Bank ah awh kha uhi. Galbuai huaisiet lai ahi a, khualzin te ding in nop vawt lou hi. Mun chin ah Sepai te thau hoi pipi toh kiging sa in ding uhi. Duty post leh galvan chijat huai pipi mun chin ah dim hi. Tuachiin Israel leh Jordan ki gamgi ah Immigration toh kisai sufelh sawm in room khat ah Ngah uhi. Khual zin mi tuamtuam leh sepai duty ding metmot kawm in room ah koi ma ham doh lou, khat leh khat ki ging maw tua, mihing ngen hina pi ki jau tua leh ki muang maw tua ki en gial gual in um uhi.
Hibang a atmosphere gih leh noplou tah ah Naupang Sarah in sepai galvan huphul huai tah toh anai a ding khat ana melhmelh hi dan hi. Atawp in sepai pa kung ah :"Excuse me do you have any bubblegum?" Chiin bubble ngen ta mai hi (Bubble gum ki than lai ahileh chuh asawt a sawt ta ding hi). Thakhat in room a um koima ham ging lou a umte khu a nui lou um non lou hi. Thakhat thu in Khumi room sung huikhua gih khu hing ki hohkhia hi. Sepai pan a thau khu aloipa pia in Naupang Sarah pawm in va pot khia hi. Bubble gum mai hilou in anu leh apa ading in zong juice vot hing tawi kawm hi. Tua mai zong hilou in tua sepai pa in a inn kuan un ama gari in taxi amatna ding uh mun ah va thah na lai hi. Himi story ka theina kum 20 nai ta ding a, tuni tan a ka sim teng in ka mittui pawt ka ki kham jou sih hi.
Ravi in himun a sil tuah toh kisai a laibu Can Man Live Without God ah Hibang in gen hi: “The incredible power of a child! For one fleeting moment in that room, she brought the war to a standstill. Indeed, such is the strength of innocenxe, it nit not? One soldier atleast saw something in her-maybe the face of his own little gilr back home- and the sentiments he felt transcended his immediate world of guns, hatred, and distrust. The wonderf-filled face of a two year-old girld made it possible for hims to reise above the all-pervading air of suspicion, and for the sake of life’s infancy and essential beauty, to mementarily trade away all toher fears. The very strength of that child’s influencew as only buttressed by the fact that she was not even aware of the power she wieled or oa that sh had accomplished” ( 76)
Hia naupang tanchin apat in Koi e Naupang neu ten melma Satan kam asip sah jou sih chi ding? Kum 700 lam pai ta in England gam a John Wycliff in English Bible abuaipi lai in nikhat Thukhen ding in shi leh hinkal ah vaihawm te mai a ding diing in hat in um hi. Tua chia London a Lambeth Hall a, Gate a lut lai in school naupang honkhat in a puantual a tham in “ jauvawt sin aw Bishop pu” chiin tha Pia uhi. Tuan naupang ten Bangjat tah a Wycliff hangsanna piah uh atai!( Tales for Teens, 15).
Naupang neute kam apat hing pawt Pasian in ajat dan leh Ahat dan igen na ahi. Kei mama in zong ka tate tung ah ka Thei atam in tam hi. Ka gen man sih ding hi. Tam pi vei Paasian in ka tate tungtawn in ka ginna hing thou sah in hing hal sah hi. Tunin ei ilung tah kengkong a, i lulhlul belbul lai in Pasian in I tate tung tawn in hing houpi pi in thu gengen mai hi.
Naupang neute adiing Pasian sil bawl lamdang te mu thei na ding in Scientist te bang a Universe let dan leh thupi dan va sim ngai lou hi. Ahilou leh Medical Dr te bang a Mi hing tahsapum kisiam dan teng thei ngai lou hi. Naupang a ding in gan hing neu nou khat et a zong Pasian thilsiam thupite jieh a pahtawina kam mal hing ging doh doh thei ahi.
Ravi in “Childhood is that time when wonder is king, imagination is a play ground, on which one oblivious of the rules and one feels he or she is at center stage undefined by a script”( Recapture the wonder, 39).. Naupang lai in lamdang sahna khu kumpi bang alianpen ahi. Khujiehin bangkim lamdang sahna’n dim uhi.
Shakespeare in jong mi hing stage 7 in ana khen a, Naupang hun khu - lamdang Sahna hun( wonder ) chi in ana khen hi. (Recapture the wonderr,37)
Ahiin I upat dung jui in tua lamdang sahna khu hing bei deu deu in lamdang sah ding ki neu tawm huai huai hi. Ravi Zecharias in alaibu Can Man LIve WIthout God a atate a kum jil a lamdang asahna uh a kiheel dan Hibang in gen hi:
Nathan kum 1: “Nate( Nathan), Naupang Tommy khu Ading doh a, kot lam ahing juan ta hi” kichi mai mai in Naupang Nathan khu amit hah jattuam in gen ngai lou in bang ang um de aw chiin lamdang sah nan dim ta hi.
Naomi kum 4: Nimmi( Naomi), Naupang Tommy khu Ading doh a, kot lam a juan a, Tommy in Kot a hon leh..”Kot ahon leh chitan ah Naomi mit hinglian in Kot a bang hing um ding e chi thei ut na in dim ta hi.
Sarah Kum 7: “Naupang Tommy khu a ding doh a kot lam ang juan a, kot ang hing hon leh thakhat Tommy mai ah Dragon ahing ki tom hi”. Dragon chi tan ah Naomi mit khu hing lian in,lau leh lamdang Sahna in dim ta hi. Atawp in “Tommy in Dragon khu a sat pua ta hi” ka chi Bep in hing hing dai kia hi.
Himi in agen sawm khu Nathan adingin “Kot lam a Juan” chi tan ah zong lamdang sahna nei ta hi. Naomi ading in “Kot a hon leh” chi tan ah lamdang hing sa pan hi.
Ahin Sarah Kum 7 ading in “Tommy maiah thakhat in Dragon ahing ki tom” chi tan ah lamdang hing sa thei pan hi.
I gen um jie khu: Naupang a kum a tawm sem leh lungsim phong bai leh lamdang sahna tam sem hi. A kum ang tam dungjui in lamdang sah na tawm deu deu, lungsim phong hamsa sem sem chi ahi.
Ahileh Hibang a lamdang sah na khu khoi a hing bang chi man a, khoi a i man suah uh ata diei?
France Bacon thugen ngai vai: “Though it may be true that all philosophy begins with wonder, it is also true that wonder dies with knowledge. Explanation is the termination point of mystery, analysis the death knell of curiosity” (Recapture the wonder, 7).
Bacon gen danin Philosophy kichi khu wonder a hing kipan ahi. Ahiin wonder khu theina leh hilchetna hin that lum hi” chi ahi. I naupang lai a lamdang isah te khu hing hing khanlet a Ajieh leh ahina te ing thei chian lamdang isah na bei mang ta hi. Hilchetna leh theina in lamdang sahna khu that lum ta uhi chi ahi. Khujieh in Ravi in “Wonder is swallowed up by wonder-killing reason or experience” chi hi. Lamdang sahna khu reason leh experience in val tum ta chi ahi.
Ravi Chiam muina khat en vai:
First stage: We believe in Santa Clause
Second Stage: We no longer believe in Santa Clause
Third Stage: We find out that we are Santa Clause
Fourth Stage: We look like Santa Clause
Tunia himi wonder a shi tah jieh in kipah na ding tawm deudeu a, atawp ah Biahna( worship) khu hing piang doh thei mama lou hi.
Bangding a Child like wonder I gen gen ahiai ichi leh naupang bang lungsim I puah kia chiang wonder hing kile kia ding hi. Bang ding a wonder poi maw e? Ajieh pen wonder um lou in kipah thei na um thei lou hi. Atawp ah kipahtheina um lou in worship um thei lou hi.
Khujieh in I Mangpa Jesun Naupang neute bah ding, ama uh et ton ding ahidan gen hi. GK Chesterton :I suppose it is like this, if my children wake up on Christmas morning and have somebody to thank for putting candy in their stocking. Have I no one to thank for putting two feet in mine?” Chi hi (Can Man Live Without God?, 87). Naupang ten Christmas jingkal chiang ua a khedap sung ua nehthei ana ki koi a kipah thu agen thei uleh eiten Keng 2 hing pe pa tung a kipah dan thei lou ding maw” chi ahi. Naupang ten kipah na ding a hau jieh un leh kipah sah ahamsat lou Jieh un Pasian in naupang i i etton ding un hing jang hi.
Pasian mite khu silneu a jong Pasian thupina mu a, lamdang leh mah sahna lungsim I nei jing ding uh ahi. Silsiem te leh ganhingte leh, naupang te leh gualjawl na neu nou nou te apat in wonder sahna I neithei chiang un worship hing pot khia ding hi. GK. Chesterton in “To be thankful is the highest form of thought and that gratitude in happiness is doubled by WONDER" chi hi.
Mikipah bai, suh kipah bai, kipah sah hamsa lou, kipahna ding mu bailamsa, lungkim bai, lungdam bai gingtu hilei Mangpa’n ahing mu sah ut tam mama hi.
Naupang lungsim bang a lamdangsahna leh thupisahna khu a bei chiang worship um thei lou hi. Ravi in "the older one gets, the more it takes to fill the heart with wonder and that only God is big enough to do that”(Racapture the Wonder, 45).
Pasian in na hinna akipat in naupang te bang lamdang sah theina ahing pulsah kia thei hi.
Unau na lungsim tah sem sem. Bangma in hing thou sah jpu non lou, lamdangsah na bei ta, kipah theina jong shita, thanopna jong um nonlou na hileh “only God is big enough” chi nang ading ahi.
Mual leh taang etlawm te, Tuipi dum dieidiai te, Loupa hing dipdep te, Singboh lah a vasa ham te, huan a papete, Jing ninou hing suah, hui siang thou ing laang hiau hiau, sing kung chi tuam tuam te, ju leh va ham tuam tuamte, khua hun ki kheel te, tum ging te, naupang khaw thei lou a ki mawl te, nau ngeh kap ging te leh adang sim seng lou te na mu a, na et a, na jah a na lung sim Neng khat zong ki lawng but lou, na hinna Neng khat zong khoih lou, na Hagau neng khat jong thou but lou, na lung tang Neng khat nong nou but lou gingtu na hi a, bang ma jong thupi sa nonlou, bang ma jong lung lut non lou, Bangma jong kilawp non lou, bang ma thanop na leh kipahna ding zong mu non lou, bang ma lam dang sah ding zong nei non lou gingtu na hi leh tunia child like wonder kichi khu nang Ading ahi. Pasian in na naupang lungsim hing pe kia thei hi. “Only God is big enough” chi ahi.
Ravi Zecharias in “a culture of thanklessness has given birth to a lonely generation” chi hi.
Sil neu a zong i kipah thei non lou Jieh in i thawm hau ua, i lungkham ua, i lung sim uh na in, I lung tah sem sem ta hi. Tua jiehin wonder gam la sem sem a, wonder agam lat jieh in worshipper bei hiai hiai hi.
Tunin na ngen in mun sip or gam lah ah va pot in lan himi wonder sahna lungsim va sui kia ta in. Na ta neute toh hun thaw veng tah a kithua na ding hun pia in la ama uh a pat in jil tha kia in. Ahilou leh na ta te lah a neu pen pen ching ding in ki pia khia in lan lung lut tah in a um dan en in athu gen te ngai khia in. Bangma dang buai pi lou in ama mai toh hun jang in. Sawt lou in wonder kichi bang e na hing thei khia ta ding hi.
Tuni I thupi CHILD LIKE WONDER I gen Jieh khu naupang te banga lamdang Sahna um lou in kipah theina um lou hi. Kipahtheina umlou in worship um thei lou hi. Khujieh in wonder I poi maw hi. Ajiahpen Pasian in niteng ama WORSHIPPER ding mi sui jing hi.
Toupa Thupha!
Shalom!
Next ah : Sense of Wonder Comes Before True Woship
No comments