GREED THAT HAS EATEN UP OUR SOCIETY

GREED THAT HAS EATEN UP OUR SOCIETY

GREED THAT HAS EATEN UP OUR SOCIETY

Pastor Dongzathawng 
Devotional # 45 ( vol 3)
Fellowship of Thirsty Souls and Hungry Hearts

Thirsty souls member te sun pha!

Damtah a hing thousah, a hepina jingsang teng a thah jing, a ginumna juau ngeilou I pa Pasian in tunin na lampi teng hing lamjang sahta hen!

TUNI TOPIC: GREED THAT HAS EATEN UP OUR SOCIETY

text: “Be content with your pay” Luke 3:14

Tulai zoom meeting buai in kibuai e. Tuni tah zong Pray for Lamka Shillong te saina in 6 pm ah mi pi thumna leh kikhopna poimaw tah um ding hi. Hing telding a chial na hi jing hi. Tualeh jing nitah ( Saturday) 7 PM chiang door of hope te saina in  THIRSTY SOULS  fellowship and conference um kia ding. Hagau dang tah te chial hijing hi. 

Tuni i topic pen jau mama in gen ding tam seng in apatna ding zong ka thei sih hi. Ahiin atom thei pen ading thil khat vel chauh ah i focus dinghi.

I society uh pen maithei teng mai ding, huai thei teng huai ding, lah thei tan lah ding chia Naupangte lai ah mithai ipai a iki tu sah toh kibangta hi. 

Ahiin leitung chuh sum leh pai, nei leh lam i poimaw uhi. A loutheilou ahi, inn hoi, gari hoi, gam leh gua, neh tui, sil leh teen ki lawm idei chiat uhi. Adiahin ei I society diahdiah  aneite kijatat, kipi bawl, ki dawmsang leh hattuam nasan a thunei ahi jieh un michin in himi hamphatna ki jou ut hi.Khujiehin muna dih leh dihlou chi umlou in, ihina toh kilom leh kilomlou chi um nonlou in a del in ki del maita hi.

Mi'n building a lam leh en zong lam teitei ding, Min gari anei leh en zong nei teitei ding, mi'n gam a lei leh en zong lei teitei ding, min Delhi a flat a lei leh enzong lei teitei ding, mi'n voh avah leh en zong vah teitei ding, mi'n puri hotel abawl leh en zong bawl teitei ding, mi'n dawr abawl leh en zong bawl teitei ding chi dan a mite enen hilei ki lawm hi. I hinkhuo khu mi ikipui sah leh kitawl dam ngeilou ding hi.

Hattuam lamte zong ki huaisie hi: Mi'n prayer mountain anei leh en zongnei teitei ding, mi'n loudspeaker a bible  a simsuah leh ei khanglai ten zong sim suah teitei ding, mi'n album abawl leh en zong bawl teitei ding, mi'n biahinn buidling alam jieh a en zong nei sih nanlei lam teitei ding, mi'n sapkangte a chial jieh a enzong chial teitei ding chite.. etc Ei man i dinmun en a, Pasian kung  a thumkawm a kalsuan sawmlou in, i kim i pamte pai dandan a i gamtat leh a buai ding ma ihi. Ahoi lam a kidem ding ma ahi. Ahiin eima dinmun zong et ngai hi.  Alangkhat a akim apamte bawl dan, khan tou dan jong enlou, copy sawm lou a, 1970 lai dan a hattuam paina lai zong um veve hi. Khantouna in sukha lou, guallui hattuam hin a hing nalai zong um hi. 

Pastor te zong ki buai huai hi. Mi America apai leh ei zong Pasian phasah leh hun ngah se lou a pai teitei ding, mi'n online sermon abawl jieh a en zong siamlou pipi a bawl teitei ding, mi'n laibu abawl leh enzong bawl ve sam ding, mi'n city a hattuam aphu leh en zong enkawl joulou sasa phu teitei ding- Pasian in ei hattuamte i dinmun toh kituah a pui dingdan thei hi. Ikim ipam khuangtum dan dan a i lam leh Pasian a tawh kituahlou ding hi. 

Pastor te toh kisai ah khat gen nalai lei Zac Poonen in “lustful preachers” achi khat um hi. Tua pen sum leh numei enla thugente agen na hilou in preacher khenkhat thugen mawh ki lop uhi. Ajiltu, angaikhie tu hi ut nonlou. Progm teng a speaker ding hi ut, Khenkhat speaker ding mi ki chial sah dan lam pi tuam tuam in sai uhi. Hite ahoi hi. Pasian thugen ki lop ding ma ahi. Ahiin Pasian thugen ut ten market lah leh station lah a gen thanuam hilei hoi ding hia. Khompi leh mi pi tamtam na thugen ut hi hai a, tua khu tahsa utna, mahni ki suh lar utna tam jaw hi. 

 I gam a officer Pasian thugen ut te ka pahtah hi. Ahia ama uh genna ding ah office vel uh hijaw ding hia.  Ama uh pi pastor te mun PULPIT sese ah hing gen thalop jaw uhi. Khuchia thugen ut chuh pastor na sem mai uleh hoi ding hia. Pasian Thugen na ding mun hoi pen khu biahin pulpit hisese lou hi. I gen ut khu i gam thu ngai khietu,  jiltu hisang a thuhiltu, thugentu hi i thanuam dan uh igen utna ahi. Pu Ginlianlal in i DC pu zong advise piethei sim senglou umna gam ahi chi hi. Adviser tamna pen khopi ahi. Ju dawndawnte'n zong pastor te advice na ding hau mama uhi. 

Tu in i topic ah kile kia ta lei… Baptist tu John hun laiin sepaite'n John thugen a jah chiang un a lungtang uh khoi in “ kou bang ka bawl ta ding uai?” chia adawt chiang un aman “na halaw uah lungkim un” chi jieu hi. I gam a Pasian in ha law tam penpen a piahte a halaw ua lungkim lou pen te hi uleh ki lawm hi. A sepna asang sem leh aha law uh tamsem hinapi lungkimlou sem uhi. Ajiehpen a halaw ban ua aneh uh tam sem hi. Ama uh halaw tam mama hinapi a ji ata vahjoulou ading uai, a ji ading zong khamkhat bawl sah kia nalai uhi. Ken vang officer ji kham sem te, ama uh akivah jou nah uleh ajite un  sem lah sem lou, inn mun a law alah sang un Surrender in midang sem sah uleh i inten  dan uh zong ki kimdeu ding hi. India pumpi a kham sang pen a sim khat sem ding in ji leh ta vah joulou a, aji kham sem sah nalai chi lomlom. 

Hamsa sa imu uh Govt  job khu kumpi in halaw a hoithei pen a, ang piah bangbang a i ki manage ding khu a pai ding dan ahi. I law toh or i sum muna toh kituah a i gamtat ding ahi chi ahi. A tawm leh atawm dandan a ki manage sawm ding china ahi. Amabou sum jat siem jieh leh ki kepsiam jieh or office pua lam a taimat jieh in muna tuamtuam i muthei ma hi. Tuajiehin i tung a pa sang in i innteeng jaw thei ahi.  Ataangpi in isepna a ki khiat bang a, i inn teendan leh i sum jatdan a ki khiet ding ahi. 

Pasian apat Govt in i sepdan  toh kituah lou, i sapdan sang a tam jaw tham a law ahing piah pen kipah tah leh thanuam tah in sem lei Pasian zong kipah ding a, kumpi te leh igam society in zong phattuam pi ding hi. Pasian hing piah i neh hawlna khu en part time dan a ngai a, sem ginalou in thase tah in isem hi. Ahing pe pa Pasian zong kipahlou leh kilawm hi. Bang ding a thase tah leh lungkimlou tah a sem ka i diai?

I office te i pai leh i thanoplou dan uh, i nasepna i lungkim tuahlou dan uh ki muthei hi. I chitahlou dan, mite ina panpi utlou dan, i sepna mun a i ginumlou dan ua patin i nasepna khu Pasian gualzawlna in ila sih ua, ikipah sih uh chi kimu thei jing hi. Alangkhat ah kipahlou ide aw ichi lai in tua mi kham muna ding in sum tampi isung jel ua, tualeh tuami sepna jieh in inn leh lou i lam ua, nop tahin i khawsa jel uhi.

Ka pa’ pu Pauneikhai Suantak, ex minister in sum bang ma senglou in LP oja kham 1962 in ana pia hi. Ka pan Old Pangsang khua (tua P. Sejawl) ah a pension 1998 tan in gin um tah in sem hi. Kipah tah in ka neh hawlna Pasian in ahing piah chi'n naupang um leh umlou leh zong a umteng toh school nikhat zong khawllou in a pension ni tan in kai hi. School naupangte mai hilou in a khuasung ading in zong ki volunteer in thilhoi tampi sem hi. 

I ha law i lungkim etsahna khat khu imu dandan ki managa sawm lei. Nang halaw tawm deu pan a ha law tamte toh na gari, na inteen, naneh natah, na ji nata dress na  kibat sah sawm leh thu 10 piah a “eengsin” kichi khu na suh keh ahita hi. 

Student khat in na roommate pa nei mobile na nei sawm ding hilou in na nu na pa income toh kituah a na lei ding ahi. Na lawm nu dress dan dan a nang ki chei ding hilou in, na nu na pa sum muna toh kituah a lungkim tah a na ki maintain ding ahi.

Tulai piangthah nupite zong na ha thum mama uh ngai ding hi. Na pasal sepna leh income na thei ngai ahi. Na marup pannate, na sana khi leh na dress, na inn sung vante khu na lomnu officer pa ji a toh akibat  sese ngailou hi.  Ama neiteng na en ngailou hi. Mi jousie'n na  family income thei hi. Na family income toh kituahlou a na hinsawm chiang mi'n hing ngaisanglou in hing jumpi jaw uhi.  Ahiin aguh a black money, khamthei guithei juah na hileh vang thutuam.

Adiahin pastor jite zong himi du-amna thaang apat iki veng uh ngai hi. Pastor ji tampi kilomlou tah a marup vel leh business kilomlou tah a kimawl ka thei um hi. Nang khawtheilou a na tai le jutjut lai in na mipite’n na nung lam ah ki lawm lousa in hing ipla mama uhi. Jum huai tahin pastor  khenkhat a law khamlou kisa in, ginna toh hing leh Pasian mai sui sang in summet bawl-network leh business tuamtuam bawl ka thei hi. I gam ah Pastor interest a sum hawm zong vangsiet huai tah in um hi.  Pastor inkuan dawrbawl leh business bawl zong um hi. 

Pastor ji govt kham semte zong pastor ji ding a, a kipiahlou ding uh ahi, Tuateng nutsia nung a Pasian nasem a kipiah pan ding ahi. Hattuam ten zong i pom nonlou ding uh ahi. Pastor in govt kham sem ji a  anei leh 50% chauh a qualified ahi.  full-time worker hitheilou ding hi. Dih theilou hi. Gensuh gentou nan lei hithei lou in. Ordaination ilah ni a khawvel  “ka nung ah, Cross ka ma ah,  shi leh shi. No turning back” chia siampi apat thaunilna ki la ahi. Khuni apat Jesu min a nungtawnlou a, mailam nawt ding a ki pai ahita."

Pastor na lah sem ut, aji lah govt kham nusia sah ngamlou chi pen I Mangpa Jesu'n “Nunglam enkawm a langkawn tu” achi toh kibang ahi. I pastor law a lungkim lo etsahna khat ahi.  Ji kham sem nei khu Ordination la lou a, hattuam a full time a semlou a, mimal a voluntary a vah preacher te ading ahi.  Tuate zong Pasian in a sepna apat ki sut a. ginna ahing ding a,  ahat hun um ding hi, Tua khu ama uh hagau  lam bang tan a thuh leh sang ahi in apo ding hi. 

Tulai utdandan a housing loan, car loan, personal loan lah thei ahita. Bank ten a jawl a ahing jawl hun uh ahi ta hi.  I pilvanglou leh ih income toh kituah lou, a san/dit kia ding lam ngaitua phalou a, ei dinmun toh kituahlou a loan tampi lah a buaisiet thei ahi.  

Gari hi'n, electronic hi'n, inn hi in,  asung a furniture hi'n, i neh i tah hi'n, i sil i teen hileh ih income kithei ngai hi. En midangte a i copy jeljel lai in Ei sang in midang ten ei income hing theipi jaw nalai uhi.  Ama uh te kipapi ding ilamet lai in ama uh te'n hing patat vawtlou hi.

I  hattuam ua kum tawp chiang prize i piah chiang un, *i society ua a sepna toh kituahlou a inn hoilou, gari hoilou, mobile hoilou, ajite puanteen hoilou, atate uh ki standard sang sahlou te prize kipe leh hoi kasa hi. A mantawm a hin kidem ta vai. Inn hoilou, gari mantawm, dress simple, mobile mantawm — hilam ah kidem lei I society uah kikheelna khat ang um de aw ka chi hi. 

Inn hoi poimaw na, gari hoi pomaw, dress hoi, furniture hoi poimaw ahi. Tuate khu i income toh kituah a nei khu selou hi. Ahia mi tanding, mi a ding guuh sah a nei khu ahi igen. Ahilou leh gamsung developement na ding te eima inn leh lou ading a i jat khu ahi igen. I lampi, i govt vante, innte, angai na um samlou pi hi.  Khatvei i public ground gei a i community hall uh ka mu a,  City a slum te inn bang mai hi. Ka chija seng lim ka kilah pi hi. 

Bangjieh a i gam hi chi paankai e ichi leh a ha law homthaw ngen ihi ua, lem theithei,  neh theithei ineh jieh ua i gam sung hichi paan kai ahi. 

Khatvei pu Chinkhenthang IAS retd. toh a dihtatna jieh a sacrifice abawl dan te ka houlim lai un. Aman “kei ading lai ka lat khiah lah hilou a,  kei a lou ding ka neh lou khu bang sacrifice a hi khol dia” chi'n bailam tah in la hi.  Ei te buaina khu ei a, lou ding khu va etla da lei hun ding hia. Ei a lou ding va neh sawm teitei hai a tua ahi i buaina uh. Ei neisa, ei law ah ki manage sawm lei hoi ding hia, mi lamsa, mi tan ding, mi a toh hausat sawm hai a, tua ahi ibuaina uh.

Christian Counseling laigiel gial pa Niel Anderson in Jawng (Monkey) in beel sung a Natang (banana) a dugaw jieh a beel sung  a lu awh den hi. Khu toh kisah ah aman: "Why does’t the monkey just let go? you ask. I dont know. WHY DONT WE?” (cap mine.) achi dih kasa hi. Jawng in tua  natang maimai ashi pi pen i awi maw mai thei uhi. Eite zong  jawng bang lel ihi. I du-am uh, i tantawh a i lungkim theilou uh, i income val a, i delna lam ua, sum dih leh dihlou,  amu dan dih leh dihlou, koi teng kapsah, koiteng mittui luang, chi umlou i du-amna hagau uhtoh i huaiham ua tuamai hilou in, ei kung a ei a lou umte i hakhiatlou jieh un:  Eimai shi ding hilou in Bible a ACHAN bang a i innkuan ten zong a ga hing at pi ding a. Hamsietna in I innsung te uh hing net khum ta hi. 

Hamsietna iki lolut uh khu Ei mai hilou in i khang sawnte ading in jong a nusia sah nalai uhi. I du-amna un i chi i nam, Ih insung, i society ne mang in, muatsahta hi. I Nampi khuambul teng ki lawi sahta hi.  Inn thupi tahtahte a luatu ding tapa upa ki phasam in a hawm guah in dingta. Hibang a  Mite mittui toh kilam leh ki lei inn leh goute ah Pasian siangthou khu kipah tah in hing teeng va ichi uai? Khuh pastor in puanvam khat sil a, tui siang athe a, thumna kilawm tah toh alat jieh leh missionary box tampi khiah jieh in, aning khata thumna inn room khat na lam jieh a Pasian khu na inn a hing bual ding ahi sih hi. A jieh pen na inn bang leh suangte leh khuamte ah meithai leh tasam te tanvou ding tampi baang a, tuate  mittui leh sisan khu na inn baang te ah sun leh jaan in ki koukou uhi. 

Nang gingtu:  mite nei leh gou, hindan te eng in, ama uh drum tum dandan in lam sawm sin. Na dinmun kithei in lan, na income ki et inla thupuhna bawl in khawsat sawm in. Na hina val in Sum leh pai nei leh lam del in diang lele sin. 

Pasian in kumpi kam sepna hoi tah ahingpiah, or na neh sui nading hoi tah ahing piah khu kipah tahin saang in lan, na  hina sang a saangjaw na law ah lungkim dan thei in la, kipah tahin sem in, mi tampi ading blessing hi sawm jaw le chin Pasian in na kilawmpi inn leh lou hing pevan, Na tate leh na khangsawnte a dingin hagau lam goumanpha khawlsah na hiding hi. 

Unaute hibang in i gen thei diai: “Kei jong Pastor ka hi vang in Sum leh pai, gari hoi, inn leh lou hoi, hinkhuo nuam dei mah ing. Mite bang in popular nuam mah ing. Mipite  ngai leh jatat leh ngaisang hi ut mah ing. Ahiin hite ka deldel a , ka phahsawm, ka hi sawm lai sie gam la deudeu, tum mang deudeu hi. Tuate ka deldel nalam in  kei zong ka neu deudeu a, ka  kiem deudeu hi. A tawp in ka tum mang ding kakisa ta hi.

"Tauchiin hite khu lampi dihlou ahi chi kang thei a, Jesu mai en a, ama chi dandan, ama koi dandan, ama pui dandan, ama pia dandan toh lungkim tah a kang um a,  Ama thupina leh lungkimna ding mai kang sui chiang in, tua a tung ki gente khu abanban in kei sui leh del ngailou in ka mai ah hing ki luita hi. Tu in vang tua nei leh gou leh thupinate in ka lungsim leh ka hinna control nonlou a, aman a ut bang  a jang dinga, a ut chiang akilah kia ding hi. Keivang bangchi leh ama ka lungkim sah de aw chi khu ka buaipi thupi pen ahi ta hi.”

Mangpa’n greed apat in hing hunkhia in, i tan tawh a lungkim ding in GRACE hing peta hen

Topa Thupha!

tunitah 6 pm*pray for Lamka leh  jing nitah 7 pm ah Thirsty souls conference ah kimu sawm vai ele..


__________________________
PRAY FOR LAMKA-SHILLONG IS INVITING YOU
Topic: Vision Lamka, Pray for Mayanmar and  Pray for Revival
Time: Jul 16, 2021 06:00 pm onwards

Join Zoom Meeting

Meeting ID     : 986 229 8434
Passcode        : hope77


ZOOM-ONLINE PROGRAM (6:00 PM - 8:00 PM ONWARDS)
Pray for LAMKA

# Hun uk: Upa ThangKhanBul, Secretary Pray for Lamka (PFL)
# Hunhong (Laisiangtho & Thungetna) : Nu. Lalkim, EOC
# Welcome Speech: Upa Lianthang, (Chairman LCC, EOC), Chairman Pray for Lamka


Prayer Points:
1. BACK-UP FOR VISSION LAMKA
2. PEACE FOR MYANMAR (BURMA)
3. ZOMI-ZOGAM (ZOSUANTE)' KHA-KHANLAWH NA DING

# Artistees: Tg. Kapthang Gualnam & Lia Niangdeiching

# Short Speeches: 
1. Rev. Dr Niangpi Singson
2. Upa Chinsum Naulak
3. Rev. Nengzakhup Suante

# BENEDICTION: Pastor Chinkhangen (Shillong NTBC)



________________________
COME ONE ! COME ALL !
Door of Hope is inviting you to a scheduled Zoom meeting.

THE 2ND FELLOWSHIP OF THIRSTY SOULS AND HUNGRY HEARTS
17th July 2021(Saturday) | 7:00 PM - 8:30 PM

Host: Door of hope Ministry

* Moderator :  
            Rev. Henkhosei, Secy, DOH
* Worship song to be led by : 
            Semboi Singsit& family
* Invocation : 
            Upa Thongzakhai, Chairman, ZPCS, Delhi
* Special nos : 
            Hoineng Touthang
* Bible Reading : 
            Dr. Chiinmuankim, RIMS
            Bible Text : Deut. 8:2-4
* Speaker :
            Rev. Dr. Dongzathawng
            Topic : "Why God Brings His Children into the desert"
* Word of thanks :
            Mr. T. Gunlian, Co Ordinator, Door of hope
* Closing prayer : 
            Rev. Jangkholun Hmangte, Delhi



Meeting ID     :986 229 8434
Passcode        : hope77

N O T E S:
____
1. Door of hope family leh adang dangho lhagao a dangchah ho jat le nam, ham le pao akikhenna umlou Pathen houkhomna ding leh vahchoina ding a kigong ahi. 
2. Pathen houkhom ding ihijeh un ibonchauva kilomtah in kivon uhitin video on soh uhitin achaichan pangsoh kei uhite. 
3. Akichai teng khat le khat ki wish tou hitin kihou sau2 uhite. 


By:
Secretary
Door of Hope Ministry.












No comments

Powered by Blogger.