OVERWRITING THE ENEMIES CURSE WITH GOD's BLESSING

OVERWRITING THE ENEMIES CURSE WITH GOD's BLESSING 
Pastor DongzaThawng
Fellowship of Thirsty Soul and Hungry Hearts             
Devotional # 47( Vol.3)           

Mangpa Lungmuanna na tung ah um tahen!    

Text: “Now write another decree in the king’s name on behalf of the jews…as  seem best to you, and sealed with it the king’s signet ring..”

“Let an order be written overruling the dispatches that Haman.” ( Esther 8: 5, 8, 11, 12).

Amasa a i Bible study neu khat sunjom vai. Kumpi pa ihmut theilou jieh a blessingte igenta hi.

Tunin kumpipan Juda namte ki suh chimitna ding a thupuan decree umsa bang chi overwrite a bol e chithu kikum vai. 

Esther ngetna bang leh Mordekai thuneina jieh in Juda te shi gamna ding pen melmate Amalekte mi 75,810 shi lawh uhi.  Amalek te Jews te melmate khu Jews nuaimang sawm a dugawl mamate khu ashi tu lamte ahing hita uhi.

Persia dan a kumpipa thupuansa, a khutsip toh seal nam sa, chuh phelthei nonlou ahi. Ahin hihtungtang ah pen a thu ki puangsa suh beina ding leh asanga hatjaw ding in “counter-decree” sua ahi (John Mc Authur).

Ashi ding a guallel dingte khu gualjou leh mi thattu in pangta uhi. Kaahna leh lusuunna dim dingte khu gualnop bawl in lim leh lam in umta uh. Bangkim ki lebul hita. Hamsietna teng Gualjawlna in vuh letta hi. A thuahdingte lamkaipa Mordekai khu kumpi pan tawisang in jatatna sangpen peta hi. 

Paul thasawm a kichiam mi 40 te toh kibei ding in Pasian in Rome Galkap “200 soldiers, 70 horsement, 200 spearmen” mansa in um sah hi ( Acts 23:23,34).

Pasian mipa Mordekai khailupna ding a kibawl Pole ah abawl tupa Naman mama ki thatlum hi. Pasian namtel leh mite sumangthai ding kisa pa khu ama leh ama kithat masa pen a, a thalup som namte lai ah  a leader uh khu Kumpipa ban a lalpen (*vice presidend) or Deputy Prime Ministers or secretary of State/ Chief secretary dingin guat ahi a, thupi tah in khopi sung ah pahtawi in um hi. 

Joseph ama ana su genthei a sanggamte khu ama kengbul a kuun in neh ding hing ngen uhi. Ama mualphou tah a, a umna mun, a gualelna leh a hinkhua vangsiet, tuahsiat chinteng a tuahna gam ah KUMPIPA in Pasian in siam hi. Paul Lystria khopi a Paul a shisa tobang khopi pualam a, apaidoh na um uapat TIMOTHY hing kipan khia hi. 

Balak kumpipan Balaam tungtawn a Pasian namtelte a hamsietna AW khu GUALZAWLNA kamteng a HEIDOH sah PASIAN ahi (Numbers 23) 

Tuni'n  migilou, i hinkhuo hing subuai, ihmut louna, leh tuikha hing dawnsah, mittui kha hing pia, i sin ilung hing khamsah ngeungeu ichite Pasian in a khoi ding dan thei mama hi. 

Ama uh hamsietna, engbawlna, thangsietna, sialdeu leh hepina bei a, ahing bawlna uleh mi lungsim in asietna theitawp suadoh a, a gamtatnate uh khu Pasian in a bawn in OVERWRITE abawlthei hi. Ama uh thukipna, ama uh thusie, ama uh lungsim sie theitawp a, a gamtatna leh thutanna khu I Pa Pasian  in NAMAN migiloupa thupiahsa tung a OVERRITE bawlpa Pasian in nang hinkhuo ah zong hing bawlsah thei hi.

A changchiang i NAMAN khu koi dang hilou in i inn geite mama, i sep khawm pi te mama, Pasian inn a, i biah khawmpite mama, i team member pite mama, i lom leh gualte mama, i thum khawmpi te mama, ina kepkep ina tuatuate mama, i na hum leh ina minsietpi te mama hijel hi. Tuabang khu naa sathuai mama in thuah hahsem hi. Ahiin hibang a hepina sangtheilou, thilhoi la theilou, kipahdan theilou, lungsim sie leh ama lalna ding mai ngaitua NAMAN adiing in amaban khu a musit leh a huat penpente nuai a kun ding leh ama ban a ama ki khailupna ding POLE ama kisiam mama koisa in um jing hi. Mordicai pen buaipi ngailou hi. Mordicai leh Jewste'n a buaipi ngailou in ama leh ama hing kichai ding hi. 

Tunin ka hinkhua ah, ahing dou, ahing dal, ahing engbawl, ahing soisah tampi kei buaipi ngailou a MUIMANG (beimang) tampi ka thei hi. Khujiehin ka siemgop ta hi. Ka hinkhua a NAMAN te khu kei ma in ka deal( buaipi) sawm sih hi. Pasian in adeal dan siam mama hi. Tuajiehin sip khiinkhian in Pasian khut ah pekhia in aapkhelei, AMAN pha asah hunhun leh pha asah bang in HANDLE ding hi. Eite pen sa leh sisan toh ki dou ding ihi sih hi. Pasian in ama lampi dal leh ama nasep dalte bawl ding dan siam mama hi chi thei vai. 

Alamdang hi. Mi that ding, mi soisah ding, mi su mangthai ding a panlate khu ama uh mama a thuahtu,  a kibawlsie lam ah pang daih uhi. Pasian in a utut in sil heikawi thei a, a utut panmun kheel thei hi. 

Tuamai hilou in I hinkhua a hamsietna, i khanggui a pai vangsietna, mi phahlouna, lungsimneuna, chiipna, khamthei guithei khanggui, juduna, thadana, thaangtatna gui, sisan suana, huhamna, lungsim sietna, koima toh kituah theilouna, guallelna lungsim, mi dem utna hagau, negative lungput, bangkim ngaplou ngen lungsim, launa hagau, hasiet baina, lungtomna, gospel nualna khanggui, Chanchinpha douna lungsim leh adangdangte Cross a i pian thahni apat a, abulpi ajungpi kithat lum ahita.

Aning-ajung meng nalai te thahlup theina power jong hing ki pia hita hi. Ahin i jatlou leh hiten hing juijing ding hi. Cross power toh niteng a i thahlup ding ahi. I thalup penpen khu blessing in khel ngal jiahjiah ding hi. Ei a ding a counter degree ki puangjouta. I hamsietna guuh teng overwrite ki boljouta. Eite bang ding a melmate lau leh ama uh thunuai a sal bang a um nalai ding? Bang ding a igensa hamsietnate puapua nalai ding.

Insung a lau leh chituun a ku bubu nonlou ding. Pot khia a gualjawna gualnop bawlte lah a, alamte lai a va ki hel hun a hita.

Tuni nihoilou pen (darkest day) dia thupuan umsa khu nihoi pen (brightest day) hijaw ding a I kumpipa, gualzoutu, Jesu Christ in overwrite/counter decree ahing puansah ta hi. 

NAMAN/SETAN in na manthaina ding ORDER asuah jouta ma hi. Ahiin ithei ding khu KUMPI PA TAHTAH JESU/ XERXES in ORDER DANG (ANOTHER DECREE) NAMAN order  TUNG AH, ANUAIMANGNA kawm in, A KUMPI JUNGBU (the king’s SIGNET RING) nam khum in suajouta hi. 

Tunin a thuah ding leh a mangthai dingte khu a gualjou ding a puan leh melmate i ut bangbang a bawl ding a THUPHUAN neite i hita hi. 

Mangpan na hinkhua ah muthei in hing tangtung sah ta hen!

SHALOM