HINMAN UMLOU NA KISAKHA ZEL EI? Part - IV
WAY2GOD
Kaal paitasa te ah HINMAN UMLOU NA KISAKHA ZEL EI? chi topic zangin part I to III tan ina gialta uhi. Tam article te ah, ei
deiteelna tellou kei in Satan haichi tute khu ut hunhun in eite suse ding in
i lungsung apan ang meengdoh/poudoh zel hi. Hinanleh tua hachite khu'n gaa a
suang ding leh a suanglou ding pen eima khut ah aki nga lieuliau hi.
Aziahpen Paul in,
ah,
mihingte tung ah, a thuahzoulou khop uh solna ana tungkha naisih a,
zong a hing tung sih ding hi,
achi hi. Tamteziah mama in Satan natoh nate doudaal zawlou a, ina pichin
sahzel ziah un, gitlouna in eima ngei apat in gaa ang suangta a tuachi'n
hinkhonop lam sangin lungkham-mangbang hinkhua izangpan zawta uhi.Thamlouin
khenkhat te'n hinkhua ning kitel sa in hinman umlou a kisa ua, a
mulkimhuai hinkhua zatnate leh lungphawng huai sinate bang a tuahleng uhi.
Tuaziah in tambang susethei haichite khu a pichin masang a
di'n iMangpa'n ei thuhil hi.
1 Chorinthians 10:13
Mihing thuohzoulou solna na tung uah atung ngai nai sih, hinanleh Pasian
amuonhuai hi, Aman na thuoh zoulou uh solna na tuoh ding uh apahl sih ding
hi; na thuohzouna ding un solna apat suotatna lampi ahing bawlpieh zaw ding
hi.
Romans 8:13
13 Aziahpen tahsa dan a na um uleh, na shi
ding uhi; hinanleh tahsa silbawlte Hagau a na suhlup zel u'leh, na hing ding
uhi.
Tampen in a gen nop ahi leh, Rom 12:21 na in agen bang a, Gitlouna thuzaw/thunuai a um zawlou ding in, eima in gitlouna khu hoina toh i zou zawt ding uh china ahi. Aziahpen tambang kalsuanna in Satan nasepna a sudai ding a, eite siatna tuntu ding gaa asuang man sih ding hi.
Tampen in a gen nop ahi leh, Rom 12:21 na in agen bang a, Gitlouna thuzaw/thunuai a um zawlou ding in, eima in gitlouna khu hoina toh i zou zawt ding uh china ahi. Aziahpen tambang kalsuanna in Satan nasepna a sudai ding a, eite siatna tuntu ding gaa asuang man sih ding hi.
Pasian Hagau mapui dandan a kal i suanlou ziah un, tambang a Satan natohnate i douzou sih ua, tuachi'n khamkhavei/chimaw in i um khaleng uhi. Tambang gimgenthei ithuahnate uh khu eima miitmaw lieuliau ziah ahi aziahpen Pasian mapuina izuilou ziah un (or Pasian khu, ma iki puihuai sahlou ziah un). Tambang mawhpuahna ineite ziahin hahsa isa maithei hi, hinanleh tambang sang a hahsa zaw sil khat a um nalai hi. Bang hi ding in na gingta ei? Ki kum zual vai aw le.
Mihingte'n i damlai hun sung a i sil tuahlengte uh itheisiam na ding un
tekhinthu in gen vai.
1. Mikhat in sum Cror Zakhat (100
crores) koima theilou a aguuh ziahin buaina umlou hi. (Point 1)
2. Mikhat in sum Cror Zakhat (100 crores) aguuh pen mite'n atheiziah in akiman hi. (Point 2)
3. Mikhat in sum Cror Zakhat (100 crores) gulou napi aguuh chi'n kingaw a buaina tuah hi. (Point 3)
Tam tekhinna thumte apat in bang na theidoh leh geeldoh na nei ei? Tambangin
gen vai, HINMAN UMLOU NA KISAKHA ZEL EI? chi topic zang a part I to III tan igelna ah tam gentena point 1 & 2
naahtahin a huamkha hi. Aziahpen, ze-etnate ituahte, i pichin ding leh i
pichinlou ding khu eima khut a kinga lieuliau ahi a, i liangvainate leh i
gitlouna ziah a hahsa ituahnate uzong eima miitmawna, thumanlouna, gitlouna,
Pasian thu zuilounate ziah ahi hi. Hinanleh tamteng kheel a i siltuah,
it-le-ngai toh kikhenna (sina), Pandemic (eg.Covid-19, Earthquake,
Tsunami, Famine-kialpi), Huipi, etc), vangsiatna, Lawsapna te
khu eima thuneina kheel/pulam apat a sil hing tungte ahi a tampen point 3
natoh atekhaahthei hi. Tambang ituahchiang un bang achi ei?
Point 3na toh kizoitawn silte tung ah thuneina khat zong i nei sih ua,
tuaziahin tamte ang tunglou na ding in zong bangma bawlthei i nei sih uhi.
Tambang silte ituah chiang un beidong ikisa ua, chimaw in mi khenkhat in
Pasian mawsah in, Pasian pen agilou Pasian ahi bang achi ua, khenkhatte'n
lah Pasian um tahtahlou hi va achikha ua, khenkhat te ki ngaisia in hinman umlou a kisa kha leng uhi. Hinanleh theisiam mama ding khat ahi leh eite'n deidan inei ua, paidan
zong inei ua tup-le-ngim inei uhi Tuama bangin Paisan in eite sang in thupi
zaw, nasa zaw leh hoi zaw tupna, lemgelna leh suangtuahna
anei hi. Tualeh Pasian in eite dia alemguat leh ang tuahsah zousia khu i
kiatngiam na ding uleh i chaulohna ding ua ang tuahsah ahi zenzensih a, Ama
lam a (Hagau lam a) nasatah a khanlawhna, pichinna, melhoina, gimnamtuina,
Jesu melsutna ineithei zawhna ding ua isiltuahte ziah ua genthei iki sahnate
ukhu
ahizaw hi.
Deisahtah a ituah ang phalsah
Philippite 1:29 in a gen bang in
Khrist ziah a noute'n Ama na gintat guoh uh hillou a, Ama vang a thuoh
zong na thuoh ding uh ahi chi phal na hi uhi
chi ahi. Paul in Philippi mite siang a agen ut pen ahi leh,
1. Gingtute'n athawn in ginna zaal in hutdamna imu ua, hinanleh Jesu nungzuina pen aman um ahi
2. Ginna ziah a hundamna tang ding chouh in iMangpan ang han sih a, Ama zaal a gentheina zong thuah ding in ang hanzaw bou hi.
3. Tambang gimthuahna te khu Pasian apat, athangpaina hilou, ang gawtna hilou, atheilou kaal a siltung chite ahi zenzen sih a, Pasian in eite hoina ding a deisahtah a ang tuahsah ahizaw hi. Tuate khu, ginna a, i khanlet theina ding, Amatoh kizopna adetsem thei na ding, Jesu nun/mel i hinkhua a, akilat thei na ding tupna ahizaw hi.
1. Gingtute'n athawn in ginna zaal in hutdamna imu ua, hinanleh Jesu nungzuina pen aman um ahi
2. Ginna ziah a hundamna tang ding chouh in iMangpan ang han sih a, Ama zaal a gentheina zong thuah ding in ang hanzaw bou hi.
3. Tambang gimthuahna te khu Pasian apat, athangpaina hilou, ang gawtna hilou, atheilou kaal a siltung chite ahi zenzen sih a, Pasian in eite hoina ding a deisahtah a ang tuahsah ahizaw hi. Tuate khu, ginna a, i khanlet theina ding, Amatoh kizopna adetsem thei na ding, Jesu nun/mel i hinkhua a, akilat thei na ding tupna ahizaw hi.
Tambang, i thuneina kheel a gimgentheina ithuahte ziah un Pasian ah kipahthu
gen zaw va ui aziahpen tambang i siltuahte uh khu Pasian in ang muda ziah a
gawtna (punishment), Pasian theilou kaal a sil tung, Pasian in itung a phuba
anglaah hi zenzenlou in, Pasian in Ama toh ikizopna adet semsem theina ding
leh kizopna hing, kizopna damthei apiantheina ding a ang deisah zaal a Ang
tuahsah ahizaw hi. Tamteziahin, Pasian program theisiam leh pomsiam apoimaw
mama mai hi. Upa L. Muonvel in ala
siam na ah,
"Ei thuneina thanglo hmuna ei la buoi chun;
Nun sâwlumtak ei nih"
achi bangin Pasian program pen nang gual ahi sih a, Pasian program dung
zui a theisiam leh posiam mi khu leitung damsung a mi hampha pen ahi mai
hi. Hinanleh Pasian program pomsiam thei mamalou i hi khaah in chu leitung
a mi hepihuai pen asuahkha mai ding hi.
Mangpa'n simtute tengteng tung ah theisiamna leh puahsiamna hing khanglian
sah in hing umpi chiat ta hen!
No comments